Jump to content

Wb/nia/Amaedola/L

Add links
From Wikimedia Incubator
< Wb | nia | Amaedola
Wb > nia > Amaedola > L
  1. La'a-la'a akho, itörö mbawa wato.
  2. Labagi-bagi mane ö, lafaosa mane halöŵö. Labagi-bagi wa'aukhu, lafaosa wogikhi manu.[1]
  3. Labu lönga gate, lau nasio dawö, ami li moroi ba gö.[2]
  4. Laheta ndroi lagasi, laheta ndroi gembe, akha lö doi ba nagole.''[3]
  5. Lala ndraono mbagi nora, lala zatua zatöla dowa.
  6. La'ua na aefa ba dangagu duhe nakhe. Ufuli ufakhai sa dania ba duhe la'ore.
  7. Lawai lö langu-langu ba höwa, lawai lö doi-doi ba landröta. Hiza me no tokhai no tosa'a, möi abula dödö zalaŵa.[4]
  8. Lawere geu lawere damo. Lö moli narö, ba faki gero.[5]
  9. Ligi-ligi siliŵi fa lö tofesu mbagi. Hese-hese nazese fa lö tofesu gahe.
  10. Ligu si sala, lau baewali, ligu si göna, be yomo.
  11. Lima tuturu fabö'ö wa'agalaŵa. (Amaedola Nias Tengah)
  12. Lö ae lai ndra'ugö siliŵi, ö'a na zi falemba ba ndrami. Lö ae lai ndra'ugö saraha, ö'a na zi falemba ba huwa.
  13. Lö ahulu mbölödi si lö mufangörö.[6]
  14. Lö dozi salaŵa, lö dozi ere, zame'e ba nono mbarunia, gasi hambae si no mate.
  15. Lö dozi ono zalaŵa, lö dozi ono hege. Zamesu hörö la'aya, ba dalu zigete-gete.
  16. Lö ero ma'ökhö ahulu, lö ero ngaluo faohi nasu.''[7]
  17. Lö fahalö danö saruru, lö fadou ŵeŵe si no aetu, ba lö mangawuli ba hogu walö-walö satoru.[8]
  18. Lö fahuwudo khö zigölu, lö fabelado khö mbogo. Ha betu'ania i'era-era, ha talunia ifo'ungo.[9]
  19. Lö fahuwudo ba zigölu, lö fahuwudo ba mboroe, me tölö-tölönia ifo'ösi, betu'ania mangabuso. (Amaedola Nias Tengah)
  20. Löfö harimo ba gatua, lö möi khö mao ba ngai nawu.
  21. Löhö-löhö mbawa nasoa, owöra wakhe ba mbowoa.
  22. Lö sananö ohi zorudu, lö sananö gae si fatewu.[10]
  23. Lö simbo, na lö alitö
  24. Lö lala si lö lua-lua.
  25. Lö moli datawo si ha tambai, ba lö moli nasoa si lö angi.
  26. Lö mu'ila mutimba doho si lö wahuru.
  27. Lö sendroro si tenga khönia, lö sendroro si tenga sokhö. Lulu zi döfa ba böi lulu zezai boto mbu.
  28. Lö mauwu ndraono ba wehangö-hangö. Lö mauwu zatua ba wekökö-kökö.
  29. Lö uru dalu-dalu ni'oro'ö.
  30. Lö tumbu landröta lö tambali.[11]
  31. Lö wö si fa'udu zangai eu, lö göi si fakara zanutu. So wö i ndraono sanaboi manu, andrö iwai khönia ni'owalu.
  32. Lulu mbeto na afökhö, oö mbola ue na tegaölö
  33. Lumalö raya idou la'aya, lumalö miyöu ba idou tugöu.[12]
  34. Lumö lagasi ba nidanö yai niru wa'esolo wamaigida, ba na no ofeta yaŵa ba hatö iyai lalu'a.
  35. Lumö sebua wahasara dödö.[13]


Umbu

[edit | edit source]
  1. ↑ Nifazaewe Atieli Lahagu ba Facebook, 2 September 2025.
  2. ↑ Nifazaewe Atieli Lahagu ba Facebook, 11 Maret 2025.
  3. ↑ Nifazaewe Atieli Lahagu ba Facebook, 12 Juli 2025.
  4. ↑ Nifazaewe Atieli Lahagu ba Facebook, 20 Agustus 2025.
  5. ↑ Nifazaewe Atieli Lahagu ba Facebook, 5 November 2025.
  6. ↑ Nifazaeŵe Atieli Lahagu ba Facebook, 30 Juni 2025.
  7. ↑ Nifazaeŵe Atieli Lahagu ba Facebook, 22 November 2025.
  8. ↑ Nifazaewe Atieli Lahagu ba Facebook, 22 Agustus 2025.
  9. ↑ Nifazaeŵe Atieli Lahagu ba Facebook, 16 Oktober 2025.
  10. ↑ Nifazaewe Atieli Lahagu ba Facebook, 15 Mei 2024.
  11. ↑ Nifazaewe Atieli Lahagu ba Facebook, 1 Juli 2025.
  12. ↑ Nifazaewe Atieli Lahagu ba Facebook, 27 Juni 2025.
  13. ↑ Nifazaeŵe Atieli Lahagu ba Facebook, 21 November 2025.

Fabaliŵa lala

[edit | edit source]

Olayama Gamaedola: A | B | C | D | E | F | G | H | I | J | K | L | M | N | O | Ö | P | Q | R | S | T | U | V | W | X | Y | Z

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö

Retrieved from "https://incubator.wikimedia.org/w/index.php?title=Wb/nia/Amaedola/L&oldid=6917323"