Wp/sjd/Колтта са̄мь кӣлл

Колтта са̄мь кӣлл
nuõrttsääʹmǩiõll
Ланҍ	Ла̄дтҍе̄ммьне Рӯшше̄ммьне
Нарэдт	колтта са̄мь
Са̄ррнэй	320 ве̄рьт
Классификация	Урал кӣл пӣрас Ла̄дҍ-угор кӣл Са̄мь кӣл Нуҏҏьт са̄мь кӣл Колтта са̄мь кӣлл
Кӣллкод
ISO 639-2	sms
ISO 639-3	sms

Колтта са̄мь кӣлл, ӣжесь нэ̄м нуҏҏьт са̄мь кӣлл (nuõrttsääʹmǩiõll вай sääˊmǩiõll) лӣ урал кӣлл, кӯ пе̄зант са̄мь кӣлэ нуҏҏьт туһке. Колттаса̄мас са̄ррнэв са̄мь о̄ллмэ Ла̄ннҍе̄ммьнесьт (400 ве̄рьт о̄ллмэдтӭ, е̄нас Чеветя̄вьрэсьт), Рӯшше̄ммнесьт (ва̄нӓмп 30 о̄ллмэдтӭ Нюэһтҍя̄ввьр, Луя̄ввьр я Туллэм сыйтэнҍ) я, мудта коа̄йвэ мӣллтэ, Та̄рре̄ммьнесьт.

Исторья

Шаннте̄ммьне Шӯрр туар эвсэсьт колттаса̄мас Ла̄ннҍте̄ммьне не̄лльй сыйтэсьт соа̄ррнэнҍ (ко̄йн кэскэсьт лӣйенҍ Сӯнҍгель я Пя̄дзам сыйт Пя̄дзам па̄ҋкэсьт). Маӈӈа Шаннте̄ммьне Шӯрр туарэсьт тэгка сыйтэтҍ Советскэ Эхтнэгке э̄ннҍтэшь я колттаса̄мь нарэдт лӣ ве̄ӆьтха тэгка поа̄ҋкэнҍ Чеветя̄ввьр, А̄нар я Не̄ллемь сыйтэтҍ А̄нар эхтнэг е̄ммьнесьт.

Э̄ввтэль колттаса̄мас ныдтҍшэ Та̄рре̄ммьнесьт соа̄ррнэшь (Ня̄ввдэм сыйтэсьт Сёр-Варангер эхтнэгэсьт). Адтҍ кӣлэсьт лӣ ло̄ссесь па̄лль, ноа сыйтэсьт лӣ ва̄ймлэсь са̄мь нарэдт я о̄ллмэ кӣһчлэв ӣджесь кӣл пя̄ллшэ я я̄ллхэ.

Официальнэ сайй

Ла̄ннҍте̄ммьнесьт

Ла̄дтҍе̄ммьнесьт колттаса̄мас са̄ррнэв 300—400 ве̄рьт о̄ллмэдтӭ. Ла̄ннҍте̄ммьне Са̄мь Кӣл Акт (1086/2003) мӣлльтэ, колтта са̄мь кӣлл лӣ э̄ххт ко̄ллм са̄мь кӣлэсьт, ко̄йт вуайй оаннӭ официальнэ тӯе выгкэмуж гуэйкэ Лапландэсьт. Колттаса̄мь лӣ А̄нар эхтнэг официальнэ кӣлл, я оалкхэсь школа тамьпэ курсэтҍ аннҍтэв — кӣл оаннӭй гуэйкэ я гӯ вӣресь кӣлл.

Рӯшше̄ммьнесьт

Рӯшше̄мьнесьт официальнэ пыммьнэнҍ лӣ лышшэ э̄ххт са̄мь кӣл (элля ра̄ттҍк — кӣллт, а̄һкель, та̄ррьй вай ко̄лтта), я тэнн гуэйкэ колттаса̄мь кӣлэсьт элля надта официальнэ са̄йй. О̄дтмусс аннҍтмужэ мӣлльтэ, нюэһтя̄ввьр колттаса̄мас са̄ррн адтҍ лышшэ э̄ххт оалмолма — Вольсанндэр Иванович Герасимов (рӯшас Александр Иванович Герасимов), шэ̄ннтма Нюэһтҍя̄ввьр сыйтэсьт.

Та̄рре̄ммьнесьт

Колттаса̄мь кӣлэсьт элля ниманҍтэ официальнэ са̄йй Та̄рре̄ммьнесьт.

Вӯлкхэллнэг

Ristikent — Язык Лопарей (Русская Лапландия)