Jump to content

Wp/sjd/Луя̄ввьр

From Wikimedia Incubator
< Wp | sjd
(Redirected from Wp/sjd/Луяввьр)
Wp > sjd > Луя̄ввьр
Тэдта лӣ э̄ххт кӣллт са̄мь Википедья шувв лыстэнҍ.
Сыййт
Луя̄ввьр сыййт
рӯшас Ловозеро
тарьяс Лыя̄ввьр
Луя̄ввьр сыййт 2015 ыгесьт
Ге̄ррп
68°00′27″ т. кт. 35°00′56″ н. кк.HGЯO
Воа̄ллтланнҍ Рӯшше̄ммьне
Субъект Мӯрман е̄ммьне
Раённ  Луя̄ввьр раённ
Исторья я е̄ммьнете̄дт
Авьтмусс соа̄гк 1574 ыгесьт
Э̄ввтлэсь нэ̄мм Лоя̄ввьр сыййт
Э̄ллвудт 210 м
А̄ййк эвв MSK (UTC+3:00)
Е̄ллей
Е̄ллье числа Expression error: Unexpected < operator. (2021)[1]
Нарэд рӯшшла, са̄мь, ыжэм о̄ллмэ
Циффер идэнтификатэр
Тэльфонн ко̄дт +7 81538
По̄шта индэкс 184592
Ка̄рта
Ка̄рта
Медьяфа̄ял Викируэкэсьт

Луя̄ввьр сыййт вай Луя̄ввьр[т. 1] (рӯшас Ловозеро, тарьяс Лыя̄ввьр, колт.-са̄мас Luujäu’rr вай Luujäuʹrrsijdd,[2] таввьса̄мас Lujávri, ла̄дӓс Luujärvi[3], да̄н. Lujager[4]), э̄ввтла ныдтҍшэ Лоя̄ввьр,[5] лӣ сыййт Мӯрман е̄ммьнесьт я Луя̄ввьр раён административнэ кэ̄сскпа̄ҋҋк. Со̄нн ля̄шш Варрьм ёг рынтэнҍ алльт Луя̄ввьрэ. Луя̄ввьр сыййт лӣ ныммьп сыййт раёнэсьт маӈӈа Ре̄ввт сыйтэсьт е̄ллье числа мӣлльтэ: 2021 ыгесьт со̄нэсьт ӣле 2110 о̄ллмэдтӭ — са̄мь, ыжэм я рӯшш.[1]

Луя̄ввьр лӣ Рӯшше̄ммьнесьт шурьмусс са̄мь сыййт я рӯшш соа̄ме культура кэ̄сскпа̄ҋҋк. Тэсьт мэ̄ннэв югкеналшэм са̄мь пра̄зьнэгкь я фестиваль.

Исторья

[edit | edit source]
Мушшт ке̄ддҍк, авьтмусс Луя̄ввьр сыйт баяс соа̄г цысста пыййма

Те̄дэсьт лӣ, поа̄лльтэ Луёа̄вьрэнҍ о̄ллмэ ӣлленҍ о̄дт ке̄ддҍк агь (нэолит) райесьт.[6] Самэ авьтмусс соа̄гк Луя̄ввьр сыйт (рӯшас Ловозерский погост) баяс ля̄йй 1574 ыгесьт ыдта Агалин Ва̄ськ Кырьйхэй кнӣгасьт, вӯййкса са̄ррнмэнҍ – тэнн кнӣгасьт цитатасьт, кӯ лӣййма Михалков Алай 1607—1611 ыге Кырьйхэй кнӣгасьт ва̄ллтма. Э̄ллмвудэсьт Луя̄ввьр ля̄йй вя̄л а̄йка тӯййшуввма.[4]

1862 ыгесьт сыйтэсьт ля̄йй Ӣммель Пуадтмуж (рӯшш-налла Богоявленскэ) цэ̄ркав а̄ввьда, а коаммыййма̄нэсьт 1873 ыгесьт со̄нн ля̄йй пассьлуввма.[6]

1877 ыгесьт Печора ёг рынтэнҍ авьтмусс ыжэм я яран пӣррас Луя̄ввра пӯдтӭнҍ.[6]

1920 ыгесьт ра̄тткма ля̄йй Лопарскэ воа̄лсэгк кэ̄сскпоа̄ҋкэнҍ Луя̄вьрэсьт. Выгкма ля̄йй авьтмусс воа̄лсэг советэ со̄бэр. 1927 ыгесьт Луя̄ввьр воа̄лсэгк шэнтэ Луя̄ввьр раённэнҍ.[6]

Кыдтма̄н 17. пе̄йвэсьт 1929 ыг. ля̄йй Луя̄ввьр ла̄ввлэм я пляссъем ансамбль «Луявър» лыһкма, ко̄нн авьтмусс выгкъенҍ ля̄йй Юшкевич Мыдтре Мыгкла.[7]

1963 ыгесьт Луя̄ввьр раённэ ля̄йй Са̄мь раённ ва̄ллтма.[6]

Е̄ллей

[edit | edit source]
Луя̄ввьр сыйт е̄ллье числа ыге мӣлльтэ
17851858186619051915
94[6]↗ 120[6]↗ 125[6]↗ 333[6]↗ 690[6]
19171926193919591970
↗ 707[6]↘ ~681[6][т. 2]↗ 824[8]↗ 2330[9]↗ 3463[10]
19791989200220102021
↘ 3397[11]↗ 3638[12]↘ 3141[13]↘ 2871[14]↘ 2110[1]

Алльмэсс

[edit | edit source]
Луя̄ввьр че̄ххча

1991—2020 ыге но̄рма мӣлльтэ:[15]

  • Кэскмусс ыгкса температура лӣ -0,5 °C.
  • Кэ̄дчнэг но̄рма лӣ 509 мм.
  • Поа̄һксамусс ма̄нн лӣ сӯййнма̄нн (кэскмусс температура лӣ +13,6 °C).
  • Кэ̄ллмсамусс ма̄н ле̄в о̄дтыгкьма̄нн я по̄рркма̄нн (−12,8 °C я −12,6 °C).

Ыгь баяс вуайй лӣйе: (2004)[16][17]

  • е̄намп 200 чӣрряй пе̄ййвэ;
  • 60–80 по̄ррькяй пе̄ййвэ.

Кэ̄һча вэ̄з кэ̄ссвудт лӣ 60–100 см, вэ̄дз ля̄шш 150–200 пе̄ййвэ ыгесьт.

Алльмэсс Луя̄вьрэсьт (1991—2020 ыг. но̄рма)
Ме̄ррь О̄дт. По̄ррк. Нюххч. Кыдт. Вӯссь. Ке̄ссь. Сӯййн. Поар. Че̄ххч. Рэ̄г. Ӣӈӈ. Коам. Ыгкь
Кэскмусс температура, °C −12,8 −12,6 −7,8 −1,9 3,9 9,8 13,6 11,1 6,5 0,1 −6,5 −9,5 −0,5
Кэдчнэг но̄рма, мм 26 25 29 30 40 63 74 63 53 47 29 30 509
Ка̄ййв: ,

Инфраструктура

[edit | edit source]
Са̄мь национальнэ культурнэ кэ̄сскпэ̄ҏҏт
Луя̄ввьр сыййт ке̄сся

Луя̄вьрэсьт ле̄в пӯдзэпынней ко̄лледжь, шко̄ла, лыһцэмпэ̄ҏҏт, поликлиника, ко̄ллм па̄ррнэ са̄д, цэ̄ркав, кӯһт кыррьйпэҏт я «Тундра» колхосс. Ныдтҍшэ Луя̄вьрэсьт ле̄в Культура пэ̄ҏҏт, Куэлнэгк соа̄ме исторья музейй я Луя̄ввьр НКЦ (национальнэ-культурнэ кэ̄сскпэ̄ҏҏт), масьт югкеналшэм культурнэ меропрьятьятҍ выгнэтҍ.[18] Куэлнэгк соа̄ме исторья музейй лӣ Мӯрман е̄ммьне па̄ҋктӣдтӭй музей Луя̄ввьр сыйтэсьт филиалл; со̄н моаннткэсьт ныдтҍшэ лӣ ыжэм фольклорнэ ансамбль «Ижма».[19]

Шурьмусс ро̄бхушшэм сайй Луя̄вьрэсьт лӣ сыййт я̄ллмушш пӯдзэпынней производственнэ кооператив (рӯшас СХПК) «Тундра» («Ча̄рр» са̄мас).[20] Со̄нн ля̄йй нюххчма̄н 27. пе̄йвэсьт 1928 ыгесьт тӯййшуввма гу авьтмусс колхосс сыйтэсьт «Лопарь» нэ̄мэнҍ, кӯ ля̄йй сӯййнма̄нэсьт 1928 ыгесьт «Опыт» («Ноа̄һц» са̄мас) артелленҍ ка̄вьса, а 1930 ыгесьт шэнтэ «Тундра» колхоссэнҍ.[21]

Луя̄вьрэсьт лӣ 16 е̄ттксэдтӭ:

1. Ва̄ррь (рӯшас Лесная) е̄т.9. Пуэшенҍ (Полевая) е̄т.
2. Вокуев е̄т.10. Советскэ е̄т.
3. Вуайй (Ручьевая) е̄т.11. Спортивнэ е̄т.
4. Данилов е̄т.12. Тӯййшэм (Строительная) е̄т.
5. Кра̄снэ А̄рмия (Красноармейская) е̄т.13. Туммплэсь (Дальняя) е̄т.
6. О̄дт (Новая) ет.14. Уммптэгк (Хибинская) е̄т.
7. Пионерска е̄т.15. Шко̄льнэ е̄т.
8. Полярнэ е̄т.16. Юрьев е̄т.

Луя̄вьрэсьт ныдтҍшэ лӣ Мӯрман е̄ммьне соа̄ме се̄ббр организацъя (ООСМО, рӯшас Общественная организация саамов Мурманской области) выгкэм сайй.[22]

Ёадтӭмна̄ль

[edit | edit source]
Кӣһчмушш Луя̄вьр э̄л ве̄ҏтлётэсьт

Алльтламусс рӯввьт чуэкас ста̄нция лӣ Пӯдзэва̄ррь 80 километрэдтӭ Луя̄ввьр сыйтэсьт вуарьяс.

Луя̄вьр райя вуайй автобсэнҍ Пӯдзэва̄ррь ланӭсьт я Мӯрман ланӭсьт ко̄сстэ. Кэскэсьт Пӯдзэва̄ррь ланҍ я Луя̄ввьр сыйт пэ̄йель Ре̄ввт сыйт мэ̄нант ушш тоаккьс №231. Кэскэсьт Мӯрман ланҍ я Луя̄ввьр сыйт мэ̄нант ушш тоаккьс №234; ва̄рр Мӯрмнэсьт ва̄ллт 3 ча̄сс.[23] Автоста̄нция Луя̄вьрэсьт элля, пугк автобус вӯллклэннтэв я е̄ссклэннтэв сыйт кэ̄сскпа̄ҋкэсьт Пионерска е̄ттксасьт.[24]

Луя̄вьрэсьт ныдтҍшэ вуайй тоакьс ня̄ввэ.

Ерапоррт

[edit | edit source]
Луя̄ввьр ерапорт сыссенҍ

Сыйтэсьт лӣ ӣжесь ерапоррт, ко̄сьт вуайй ве̄ҏтлётэнҍ о̄ллт Луя̄ввьр раён сыйтэ райя ко̄сстэ. Та̄рьм ӣллькъюввэв уж Луя̄ввьр – Краснэ сыййт я Луя̄ввьр – Сосноффкэ сыййт – Каневка сыййт.

Ре̄йс Луя̄ввьр – Краснэ сыййт – Луя̄ввьр ӣллькъюввэв о̄ммп ыгь югке ныммьпоарк, пра̄зьнэһкь пӣйвэтҍ ва̄лльтмэнҍ, алльт лоагкь ча̄ссэ ӣнцэ. Кырртмушш Краснэ сыйт райя ва̄ллт 40–45 минутэдтӭ. Ре̄йс Луя̄ввьр – Сосноффкэ – Каневка ӣллькъюввэв ся̄рэдэ мӣлльтэ югке не̄дтӭль вӯссьма̄н райесьт рэ̄гкэмма̄н райя я ся̄рэдэ мӣлльтэ э̄ххт вуэр кӯдтҍ не̄дтҍлесьт ӣӈӈма̄н райесьт кыдтма̄н райя. Билет вӯсстъев вӯллькэм пе̄йвэсьт. Ерапоррт лӣ 1,5 километрасьт таввь-нуҏьтэсьт Луя̄ввьр сыйт райесьт; со̄н райя вуайй автэмбиленҍ вай ва̄нҍцнэлле 25 минутэдтӭ сыйт кэ̄сскпа̄ҋк райесьт ко̄сстэ.[25]

Луя̄ввьр ерапоррт

СМИ

[edit | edit source]

Луя̄вьрэсьт лӣ ӣжесь газета «Ловозерская правда» (кӣллтса̄мас Луя̄ввьр вӯййквудт), кӯ лӯшштай э̄ххт вуэр не̄дтҍлесьт рӯшш кӣлэсьт я югке гоарренҍ Луя̄ввьр раён я̄ллмуж баяс моа̄йнаст. Авьтмусс газета нуммер ля̄йй ӣӈӈма̄н 7. пе̄йвэсьт 1935 ыгесьт луэшштма.[26]

Луя̄вьрэсьт шэ̄ннтма

[edit | edit source]

Ню̄ӆч

[edit | edit source]
Луя̄ввьр сыйт панорама, 2009 ыгкь

Луя̄ввьр НКЦ

[edit | edit source]
Кӣһче фа̄йлэтҍ Викируэкэсьт
(Wikimedia Commons)

Вӣлльй ланҍ

[edit | edit source]

Уж

[edit | edit source]

Кыррьйтӯй

[edit | edit source]

Тӣһтса̄нҍ

[edit | edit source]
  1. ↑ Ныдтҍшэ тоа̄ййв кырьйхэтҍ гу "Луяввьр" куһкьвуд тӣтха бӯква "я" альн.
  2. ↑ «430 ыжэм о̄ллмэдтӭ, 189 соа̄ме, 62 яраннэ»

Ка̄йв

[edit | edit source]
  1. 1 2 3 1.4. Население городских округов, муниципальных районов, муниципальных округов, городских и сельских поселений, городских населённых пунктов, сельских населённых пунктов с населением 1000 человек и более по полу на 1 октября 2021 года .xlsx-фа̄ял  – Мурманскстат, 2021.
  2. ↑ Satu Moshnikoff, Jouni Moshnikoff, Jack Rueter 2013-2022: Nettidigisanat Koltansaame-suomi-koltansaame sanakirja (Колтта са̄мь–ла̄ннҍт–колтта са̄мь са̄ннҍнэһкь Nettidigisanat). Tromsø: UiT. (ла̄ннҍт кӣлэсьт)
  3. ↑ Lovozero - Eksonyymit – Kotimaisten kielten keskus (ла̄ннҍт кӣлэсьт)
  4. 1 2 Кучинский М. Г. Саами Кольского уезда в XVI-XVIII вв. Кӯвткя̄ййн: Dieđut, 2008 ыгкь, лысст 114
  5. ↑ T. I. Itkonen (1958). Koltan- ja kuolanlapin sanakirja [Колтта- я куэлнэгк са̄мь са̄ннҍнэһкь] , Helsinki: Suomalais-Ugrilainen Seura, 2011, лысст 981 (ла̄ннҍт кӣлэсьт, ерманскэ кӣлэсьт)
  6. 1 2 3 4 5 6 7 8 9 10 11 12 Вехи истории - Ловозерье
  7. ↑ Календарь знаменательных и памятных дат на 2019 год / ГОБУК МОДЮБ, Отдел информационной и справочно-библиографической работы; сост. Г.В. Рабович, О.В. Цвирко. – Мурманск, 2018. – 68 с. Ко̄пья архивэсьт .pdf-фа̄ял  , пынньма лӣ сӯййнма̄н 18. п. 2018
  8. ↑ Всесоюзная перепись населения 1939 г.Численность сельского населения СССР по районам, крупным селам и сельским населенным пунктам - районным центрам
  9. ↑ Всесоюзная перепись населения 1959 г.Численность сельского населения РСФСР - жителей сельских населенных пунктов - районных центров по полу
  10. ↑ Всесоюзная перепись населения 1970 г.Численность сельского населения РСФСР - жителей сельских населенных пунктов - районных центров по полу
  11. ↑ Всесоюзная перепись населения 1979 г.Численность сельского населения РСФСР - жителей сельских населенных пунктов - районных центров по полу
  12. ↑ Всесоюзная перепись населения 1989 г.Численность сельского населения РСФСР - жителей сельских населенных пунктов - районных центров по полу
  13. ↑ Всероссийская перепись населения 2002 года. Численность населения субъектов Российской Федерации, районов, городских поселений, сельских н .xls-фа̄ял 
  14. ↑ Всероссийская перепись населения 2010 года. Том 1 «Численность, размещение и возрастно-половой состав населения Мурманской области» .zip-архивв  – Мурманскстат, 2010.
  15. ↑ Вӯййнас температура я кэдчнэг ма̄нэ я ыге мӣлльтэ: Луя̄ввьр (Мӯрман е̄ммьне, Рӯшше̄ммьне) (рӯшш кӣлэсьт)
  16. ↑ Национальный атлас России Том.2. Природа и экология / А. А. Клочко, М. А. Романовская, М. Г. Гречушникова, и. др. — ФГУП "ГОСГИСЦЕНТР" Москва, 2004. — 495 с.
  17. ↑ Данилов А.Ф., Липка О.Н., Совкина В.В., Суляндзига Р.В. Ловозеро, Мурманская область. Стратегия адаптации к изменениям климата для жителей села. — Центр содействия коренным малочисленным народам Севера .pdf-фа̄ял  . Москва, 2020 ыгкь.
  18. ↑ "Луя̄ввьр раённ национальнэ культурнэ кэ̄сскпэ̄ҏҏт" | О̄дтас (рӯшш кӣлэсьт) (ко̄пья архивэсьт)
  19. ↑ Куэлнэгк соа̄ме исторья музейй.   (мурртъя ушш) Интэрнэһт-порталл «Рӯшше̄ммьне музей» (кӣһча лӣ кыдтма̄н 10. п. 2020) кыдтма̄н 10. п. 2020
  20. ↑ Луя̄ввьр сыййт баяс (рӯшш кӣлэсьт)
  21. ↑ Календарь краеведческих знаменательных дат и событий 2023 года. (кӣһча лӣ вӯссьма̄н 9. п. 2023)
  22. ↑ Мӯрман е̄ммьне офицьяльнэ порталл. Национальнэ-культурнэ эхтнэг (рӯшш кӣлэсьт) (по̄рркма̄н 12. п. 2011, ко̄пья архивэсьт) (кӣһча лӣ нюххчма̄н 22. п. 2012)
  23. ↑ Мӯрман ланнҍ – Луя̄ввьр автобусэ ре̄йсэ лысст (рӯшш кӣлэсьт) (кӣһча лӣ по̄рркма̄н 25. п. 2026)
  24. ↑ Автобусэ ре̄йсэ лысст (Ре̄ввт сыййт, Луя̄ввьр сыййт). Ре̄ввт сыййт автостанция (рӯшш кӣлэсьт) (кӣһча лӣ по̄рркма̄н 25. п. 2026)
  25. ↑ Расписание авиарейсов в аэропорту Ловозеро (местные авиалинии). Аэропорт Ловозеро. (кӣһча лӣ по̄рркма̄н 25. п. 2026)
  26. ↑ Кольский Север - Ловозерская правда (Куэлнэгк Таввял – Луя̄ввьр вӯййквудт) (кӣһча лӣ нюххчма̄н 13. п. 2026)
  27. ↑ Города-побратимы Мурманской области (Мӯрман е̄ммьне вӣлльй ланҍ) // Кольская энциклопедия (Куэлнэгк те̄дтса̄ннҍкыррьй). В 5 т. Т. 1. А — Д / Гл. ред. А. А. Киселёв. (рӯшш кӣлэсьт) — СПб.:ИС; Апатиты: КНЦ РАН, 2008. — С. 502.
  28. ↑ Информационный центр финно-угорских народов (Ла̄дтҍ-югра нарэдэ те̄дэ кэ̄сскпа̄ҋҋк). (ӣӈӈма̄н 10. п. 2007, ко̄пья архивэсьт)
  29. ↑ Луя̄вьр я са̄мь о̄ллмэ баяс. (рӯшш кӣлэсьт) (ӣӈӈма̄н 28. п. 2010, ко̄пья архивэсьт)

Retrieved from "https://incubator.wikimedia.org/w/index.php?title=Wp/sjd/Луя̄ввьр&oldid=7221613"