Jump to content

Wp/mag/नेपालीभाषा

From Wikimedia Incubator
< Wp‎ | mag
Wp > mag > नेपालीभाषा

नेपाली पूरुबी पहाड़ीके उपसाखा एगो हिन्द-आर्यभाषा हे जे दक्खिन एसियाके हिमालय क्षेत्रके मूलभाषा हे । ई नेपालके अधिकारिक, सम्पर्कभाषा आउ सबसे ब्यापकरूप से बोलल जाएवाला भाषा हे आउ ई भारतमे २२ अनुसूचितभाषामे से एक हे । ई पूरा नेपाल, भारत आउ भूटानमे लगभग एक चौथाई जनसङ्ख्या द्वारा बोलल जाहे । लगभग १.६ करोड़ देसी बक्ता आउ दुसर भाषा बोले बालाके रूपमे अन्य ९० लाखके साथे, नेपाली सबसे अधिक बोले जाएवाला उत्तरी हिन्द-आर्यभाषा हे ।

ई हिमालय श्रृङ्खलामे सबसे अधिक बोले जाएवाला भाषा हे । भारतमे नेपालीभाषा आन्दोलनके चलते सिक्किम् राज्ज आउ पच्छिमबङ्गालके गोरखालॅण्ड् प्रदेसिक क्षेत्रमे नेपालीके अधिकारिक दर्जा मिलल हे । अरुनाचलप्रदेस, असम, हिमाचलप्रदेस, मनिपुर, मेघालय, मिजोरम् आउ उत्तराखण्ड राज्जमे एकर बक्ताके एगो महत्वपूर्ण सङ्ख्या हे । ई म्यान्मार् मे बर्मी गोरखोद्वारा बोलल जाहे आउ मध्धपूरब, ब्रुनेई आउ बिस्वभरमे नेपाली प्रबासीयोद्वारा बोलल जाहे ।

नेपाली ढेर मनी हिन्द-आर्यभाषाके साथे निकटता बिकसित करकै, सबसे महत्वपूर्ण रूपसे अन्य पहाड़ीभाषा से । आधुनिक नेपालीभाषाके उत्पत्ति जुम्लाके सिञ्जा घाटी से मानल जाहे । करनालीमे भाषाके एक पुराना बोली बोलल जाहे ।

ईहो देखी[edit | edit source]

सन्दर्भ[edit | edit source]