Wp/mag/भूटान

भूटान राजतन्त्र འབྲུག་ཡུལ
झण्डा कुल चिन्ह
राष्ट्रगान: द्रुक सेन्देन
राजधानी	थिम्फू
सबसे बड़का नगर	थिम्फू
आधिकारिकभाषा	जोङ्खा
सरकार	गणतन्त्र पारम्परिक राजतन्त्र
• राजा	जिग्मे खेसर नामग्याल वाङ्ग्चुक
• प्रधानमन्त्री	लोतेय त्शेरिङ्ग
वाङ्ग्चुक साम्राज्य
•	१७ दिसम्बर १९०७
क्षेत्रफल
• कुल	38,394 किमी2 (14,824 वर्ग मील) (१३१मा)
जनसङ्ख्या
• २००७ आकलन	6,72,425 (२००५) (117)
• 2005 जनगणना	21,62,546
जिडिपि (पिपिपि)	२००७ प्राक्कलन
• कुल	$439 करोड़ (₹3,58,56,99,32,000) (१६०मा)
• प्रतिव्यक्ति	$5,477 (११७मा)
माविसू (२०१३)	0.692 मध्यम · १३६मा
मुद्रा	ङुलत्रुम, भारतीय रुपैया (बिटिएन आइएनआर)
समय मण्डल	युटिसि+६:०० (भूटान समय बिटिटि)
• ग्रीष्मकेलीन (डिटिसि)	युटिसि+6
दूरभाष सङ्केत	975
इण्टरनेट टिएलडि	.bt

भूटानके राजतन्त्र (संस्कृत: भोटान्त; जोङ्खा: འབྲུག་ཡུལ) हिमालयमे बसल दक्खिन एसियाके एगो स्थलरुद्ध देश हे । ई चीन (तिब्बत) आउ भारतके बीचे स्थित भूमि आबद्ध देश हे । भारतीय राज्य सिक्किम एकरा पड़ोसी देश नेपालसे अलगे करहे । ई देशके स्थानीय नाम ड्रुग् युल् हे, जेकर अर्थ होवहे अजदहा के देश । ई देश मुख्यतः पहाड़ी हे आउ खाली दक्खिनी भागमे तनी-सुन समतल भूमि हे । ई सांस्कृतिक आउ धार्मिक तौरसे तिब्बतसे जुड़ल हे, किन्तु भौगोलिक आउ राजनीतिक परिस्थितिके देखैत बर्तमानमे ई देश भारतके भिरु हे तथा भारतके परममित्तमे से एक हे । ७,२७,१४५ से अधिकके जनसङ्ख्या आउ ३८,३९४ वर्ग किलोमीटर (१४,८२४ वर्ग मील) के क्षेत्रफलके साथे, भूटान भूमिक्षेत्रमे १३३मा आउ जनसङ्ख्यामे १६०मा स्थान पर हे । भूटान एक लोकतान्त्रिक संवैधानिक राजतन्त्र हे जेकरामे राजा राज्यके प्रमुख आउ प्रधानमन्त्री सरकारके प्रमुख होवहे । जे खेम्पो धर्मराजा, वज्रयान बौद्धधर्मके प्रमुख हथिन । राजधानी आउ सबसे बड़ नगर थिम्फू हे , जेकरा जनसङ्ख्या देशके लगभग १५% हे ।

उत्तरमे हिमालय पर्वत दक्षिणमे देशके हरल-भरल उपोष्णकटिबन्धीय मैदानसे ऊपरे उठहे । समुद्रतलसे ७,००० मीटर (२३,००० फीट) से अधिक ऊँचा चोटी हे । गङ्गखर पुएनसुम भूटानके सबसे ऊँचा चोटी हे आउ दुनियाके सबसे ऊँचा बिन चढ़ल पर्वत हे । भूटानके वन्यजीव अपन विविधताला उल्लेखनीय हे, जेकरामे हिमालीय ताकिन आउ सुनहरा लङ्गूर सम्मिलित हे ।

नाम

कुछ लोगके अनुसार भूटान संस्कृतके भू-उत्थान से बनल शब्द हे जेकर शाब्दिक अर्थ हे ऊँचा भूमि । कुछके अनुसार ई भोट-अन्त (भोटान्त) (मने तिब्बतके अन्त) के बिगड़ल रूप हे । एहाँके निवासी भूटानके ड्रुग्-युल् (अजदहाके देश) आउ एकर निवासीके ड्रुगपा कहहथिन । एकर इलावो पूर्वमे भूटानके ढेर नाम रहलै हे ।

एकरो देखी

• भूटानके इतिहास
• भूटानके संस्कृति
• भूटानके भूगोल