Wb/nia/Yakobo/5
So dania wotu zo'ana'a si lö atulö[edit | edit source]
I. 1 Ba mifondrondrongo, ya'ami so'ana'a, mi'ege-ege ba mi'angarö-ngarö, ba wa'afökhö andrö sanörö ya'ami dania.[1] 2 No obou nibaya-bayami, ba no i'a hama nukhami andrö. 3 Ana'ami andrö ba firömi, ba no i'a howu, ba tobali famaduhu'ö dödömi howunia andrö, ba i'a nösimi, hulö galitö. No mihöna girö-girö ba luo safuria andre.[2] 4 Hiza, mu'ao sibai luo zohalöŵö andrö, nitahami andrö, luo zohalöŵö si no möi mamasi nowimi, ba no irugi dögi dalinga Zo'aya ngahönö fe'ao zamasi andrö.[3] 5 No miforege wemanga, ba no mi'abusoi'ö ami, ba guli danö andre no mibula dödömi, ba luo wamahö.[4] 6 No mi'etu'ö huku zatulö andrö, ba no mibunu; lö ilaŵa ami.
Famarou tödö ba wanganau ölö ba ba wombase'ö[edit | edit source]
II. 7 Ba mibologö dödömi, wombase'ö, ya'ami ira talifusö, irugi wa'aso Zo'aya. Hiza, ibase'ö mbua danö, sebua böli andrö, sonowi, wamologö tödönia ba khönia, irege itema deu si föföna andrö ba teu safuria.[5] 8 Ba ya'ami göi, ba mibologö dödömi, mibalo-baloi, mi'a'aro'ö dödö, noa sa ahatö wa'aso Zo'aya andrö.[6] 9 Böi mi'angarö-ngarö ba khö nawömi, ya'ami ira talifusö, fa böi tehuku ami; hiza, so moroi sa zanguhuku andrö.[7] 10 Mihalö famaedo ba wanaha famakao ba ba wamologö tödö andrö zama'ele'ö andrö, si no fahuhuo ba döi Zo'aya, ya'ami ira talifusö.[8] 11 Hiza, tafahowu-howu'ö zi no manaha tödöra. No mirongo wanaha Yobi andrö tödönia, ba lua-lua Zo'aya, ba no mirongo; me no sahakhö sibai tödö Zo'aya ba sogolö tödö.[9]
Böi möi ba hölu[edit | edit source]
III. 12 Ba si oföna sibai, ya'ami ira talifusögu, ba böi mi'ae ba hölu, böi mibe'e hölu zorugo, ba böi göi tanö, ba ma hadia ia mbö'önia. Da'ö khömi: Ya'ia, na ya'ia, ba: lö'ö, na lö'ö, fa lö göna ami huku.[10]
He lawisa ba zomuso dödö ba he lawisa ba zofökhö ba ba zi no elungu[edit | edit source]
IV. 13 Na so ba khömi zi göna famakao, ba yamangandrö, na so zohahau tödö, ba yamanunö.[11] 14 Na so zofökhö ba khömi, ba yamufahede'ö ba zatua mbanua, ba ndramangandrö ba khönia, ba ndramubayoini ia fanikha, ba döi Zo'aya;[12] 15 ba i'orifi dania zofökhö andrö fangandrö andrö, soroi ba wamati, ba i'abe'e'ö So'aya, ba na so horö, nifazökhinia, ba te'efa'ö khönia.[13] 16 Ba faoma mi'ombakha'ö khö nawömi horömi, ba faoma mi'angandrö, salahi nawömi, ena'ö tefadöhö wökhömi; abölö sibai wangandrö niha satulö, na moroi ba dödö.[14] 17 Eliya andrö, ba no niha, si mane amuatada gamuatania, ba mangandrö ia, moroi si'aikö ba dödö, fa böi moteu, ba lö teu ba danö, medölu fakhe a matonga.[15] 18 Ba ifuli mangandrö, ba so deu, moroi yaŵa ba mbanua, ba mowua danö.[16] 19 He ya'ami ira talifusögu! Na so ba khömi zi no elungu, si no mondröi si duhu, ba na so zolohe ya'ia mangawuli,[17] 20 ba böi zi lö aboto ba dödö da'ö: Solohe mangawuli samazökhi horö, moroi ba lala elungua andrö, ba i'efa'ö nosonia ba wa'amate ba oya ibalugö horö.[18]
Famotokhi ba gahe[edit | edit source]
- ↑ Amaed 11:28; Luk 6:24; TimI 6:9
- ↑ Mat 6:19
- ↑ MozV 24:14,15
- ↑ Luk 16:19,25
- ↑ Tit 2:13; Hos 6:3
- ↑ Nga'ötII 15:7; FetI 4:7
- ↑ Mat 24:33
- ↑ Heb 11:36 b.t.; Mat 5:12
- ↑ Faigi 1:12; Yob 1:21; 42:10; MozII 34:6 b.t.
- ↑ Mat 5:34–37
- ↑ Sin 50:15; Efes 5:19
- ↑ Mar 6:13
- ↑ Mar 16:18; Mat 9:2
- ↑ Sin 145:18,19; Amaed 15:29
- ↑ HalZin 14:15; Luk 4:25; Fam 11:6
- ↑ RazI 18:42 b.t.
- ↑ Mat 18:15
- ↑ Amaed 10:12; FetI 4:8
Fabaliŵa lala[edit source]
Olayama Zura Yakobo: 1 • 2 • 3 • 4 • 5
Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö