Wb/nia/Yakobo/3
Böi ato zamahaö ba böi oya mbewe[edit | edit source]
I. 1 Böi ato ami zamahaö, ya'ami ira talifusögu; noa sa mi'ila tedou dania wa'abe'e huku, nifatörö khöda.[1] 2 Asese sa sala ita, dozi ita. Na so zi lö sala ba li, ba no niha si no mo'ahonoa ia, sangila mamatöro botonia ma'asambua.[2] 3 Na tabe'e ba mbawa kudo zi'öli andrö, fa la'o'ö khöda, ba tafatörö mbotora, ma'asambua.[3] 4 Hiza göi, nowo andrö, ha wa'ebua ia, ba he ŵa'ae angi sabe'e wamofanö, ba tebali'ö zui amuri side-ide sibai andrö, heza nilau dödö zamatörö ya'ia. 5 Si manö göi lela andrö, ndroto-ndroto side-ide ia, ba no ebua hokha. Hiza wa'ide-ide galitö, ba ha wa'ebua gatua itunu.[4] 6 Alitö lela andrö, fa'ebua nösi guli danö ma'afefu wa'ebua zi lö atulö andrö, khönia, no föna ndroto-ndroto bö'ö lela andrö, lö sökhi mbotoda ma'asambua ibe'e, ifohola roda wa'auri andrö, ba nifohola narako ia.[5] 7 Telaŵa sa fefu ngawalö gutu ndru'u, ba fofo, ba ulö, ba saliŵa-liŵa ba nasi andrö; noa sa ilaŵa niha, 8 ba lela andrö; noa sa ilaŵa niha, ba lela andrö, ba lö sangila molaŵa ya'ia niha; si lö sökhi andrö, si lö ahono-hono, si no fahöna langu famunu.[6] 9 Fanuno Zo'aya, Ama, ia khöda, ba fangelifi niha, nibe'e famaedo Lowalangi.[7] 10 Ha sambua mbawa, ba faoma i'otarai ia, he fanuno, ba he fangelifi. Böi si manö, ya'ami ira talifusögu! 11 Hadia, ha sambua gumbu, ba faoma alua khönia, he sami, ba he ladu? 12 He wisa, ya'ami ira talifusögu, i'owua mbua falo töla marafala, ba i'owua marafala töla nagu? Ba tebai alua nidanö sami ba ladu.[8]
Fa'atua-tua si ndruhu[edit | edit source]
II. 13 Ha niha ba khömi zatua-tua ba sotödö? Yamu'oroma'ö ba wa'atulö wolo'önia mbua-buania ba wa'ebolo dödö, ba wa'atua-tua andrö.[9] 14 Ba na so ba dödömi wa'afökhö ba fasosota, ba böi misuno ami, ba böi milau waya, wamini'ö si duhu.[10] 15 Tenga fa'atua-tua si otorai moroi si yaŵa da'ö, moroi ba guli danö da'ö moroi ba dödö manö, moroi ba mbekhu.[11] 16 Ba zi so fa'afökhö dödö sa, ba fasosota, ba da'ö so göi wamakuyu, awö ngawalö wolau si lö sökhi, fefu.[12] 17 Ba fa'atua-tua andrö, si otarai moroi si yaŵa, ba si oföna khönia, ba no ohau-hau, ba fanete da'ö, ba lö fasosota, ebolo dödö, i'o'ö li, no fahöna khönia wa'ahakhö dödö ba bua-bua i sökhi, lö i'ebua'ö dödö zambuana, lö mamini tödö.[13] 18 Ba si lö fasosota zamazaewe bua wa'atulö dödö andrö, ba wa'atulö.[14]
Famotokhi ba gahe[edit | edit source]
Fabaliŵa lala[edit source]
Olayama Zura Yakobo: 1 • 2 • 3 • 4 • 5
Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö