Wb/nia/Yakobo/4
Itegu ira Yakobo ba wasosota andrö[edit | edit source]
I. 1 He moroi wa lö atulö ba khömi, ba he moroi wagua-guasa andrö? Tenga moroi ba wasöndrata wangisömi andrö, ba nösimi?[1] 2 Mangisö ami, ba lö manema ami; mange'e ami ba afökhö dödömi, ba tebai mikhamö; fasöndra ami ba manuwö ba lö khömi, me lö mangandrö ami. 3 Mangandrö ami, ba lö mitema, me si lö sökhi wangandrömi andrö; ena'ö m'a ia, ba wangisömi andrö.[2] 4 Ya'ami sohorö, ira matua ba ira alawe, hadia lö mi'ila wa no si fa'udu ba Lowalangi wahuwusa ba niha guli danö? Tobali na so zomasi fahuwu ba niha guli danö, ba ibali'ö si fa'udu khö Lowalangi ia.[3] 5 Ma miwai faya-faya niŵa'ö ba zura andrö? Solohu Geheha andrö, nifonahania ba dödöda;[4] 6 ba ebua sa atö na wa'ebua dödö andrö, ni'a'asogönia; andrö imane: "Itimba Lowalangi zi fayaŵa andrö, ba i'ebua'ö dödönia ba zangide-ide'ö ya'ira".[5] 7 Ba mi'ae barö mbawa Lowalangi. Mitimba Gafökha, ba moloi ia, iröi ami.[6] 8 Mi'ondrasi Lowalangi, ba i'ondrasi ami! Mihaogö danga, ya'ami si so horö! ba mi'ohau-hau'ö dödö ya'ami si dua tödö![7] 9 Ya'afökhö khömi wamakaomi, ba mi'abusi tödö ba mi'ege-ege! Yatobali fa'abu dödö wa'ikimi andrö, ba yatobali fa'aila wa'omuso dödömi andrö![8] 10 Mi'ide-ide'ö ami föna Zo'aya, ba ibali'ö salaŵa ami.[9]
Itegu ira Yakobo ba wanandraŵaisira awöra[edit | edit source]
II. 11 Böi mitandraŵaisi nawömi, ya'ami ira talifusö! Na so zanandraŵaisi talifusönia, ba ma sanguhuku talifusönia, ba itandraŵaisi goroisa, ba ihuku goroisa. Ba na öhuku goroisa, ba tenga solo'ö oroisa ndra'ugö, no sanguhuku ya'ia ndra'ugö.[10] 12 Ha samösa zame'e oroisa, ba sanguhuku, sangila mangorifi ba sangila mamakiko. Ba ya'ugö, ha niha ndra'ugö, sanguhuku awönia?[11]
Itegu ira Yakobo ba wayaŵasa[edit | edit source]
III. 13 Ba mifondrondrongo, ya'ami sanguma'ö: Ma'ökhö, ba ma mahemolu mofanöga, masaŵa mbanua heza, ba döfi dania ndra'aga ba da'ö, maniaga ba mangalui hare;[12] 14 si lo mangila he wisa mahemolu. Hadia sa nosomi andrö? Zau-zau ami, si lö arara oroma, ba taya sa'ae.[13] 15 Ba mimane ena'ö: Na omasi Lowalangi ba na so noso, ba malau da'ö, ba ma da'ö.[14] 16 Ba iya'e, ba misuno ami, ba wayaŵasami andrö. Fefu wayaŵasa si manö, ba no si lö sökhi.[15] 17 Ba na so zangila molau si sökhi, ba na lö ilau, ba horö da'ö khönia.[16]
Famotokhi ba gahe[edit | edit source]
- ↑ Rom 7:23
- ↑ Sin 66:18
- ↑ Mat 6:24; YohI 2:15; Rom 8:7
- ↑ Yes 42:8
- ↑ Amaed 29:23; Luk 1:52
- ↑ FetI 5:6,8,9
- ↑ Nga'ötII 15:2; Yes 1:16
- ↑ Faigi 5:1; Mat 5:4
- ↑ Mat 18:4; 23:12
- ↑ Sin 15:1–3; Mat 7:1; Yak 1:25
- ↑ Mat 10:28; Rom 14:4
- ↑ Luk 12:18 b.t.
- ↑ Amaed 27:1; Sin 144:4
- ↑ HalZin 18:21
- ↑ KorI 1:31
- ↑ Luk 12:47
Fabaliŵa lala[edit source]
Olayama Zura Yakobo: 1 • 2 • 3 • 4 • 5
Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö