Wb/nia/Mikha/6
I. Huhuo Yehowa ba mbanuania[edit | edit source]
1 Mifondrondrongo hadia niŵa'ö Yehowa: Faoso, fatunö huhuo ba zanehe hili, ena'ö irongo limö bawö andrö! 2 Mifondrondrongo, ya'ami hili, huhuo Yehowa andrö, ba ya'ami si lö tebulö, ya'ami dayadaya danö! So sa huhuo Yehowa ba mbanuania, ba ifatörö huku ba Ndraono Gizeraeli.[1] 3 "Hadia horögu khömi, ya'ami banuagu, ba heza so nifakaogu ya'ami? Mitunö khögu![2] 4 Noa sa atö u'ohe miyaŵa ami moroi ba danö Miserayi, no u'efa'ö ami ba danö, ba zi no möi sawuyu ami, ba no ube'e solohe ya'ami ndra Moze, A'aroni, Miriya.[3] 5 Mitörö-törö tödömi, ya'ami banuagu, hadia dödö Mbalaki andrö, razo Ndraono Moabi, ba hadia niŵa'ö Mbileamo andrö, ono Mbeoro, wanema linia, ba he wisa, i'otarai Ziti, numalö ba Giligala, ena'ö aboto ba dödömi wa'ebua dödö Yehowa andrö."[4]
II. Ha famalalini era-era zomasi Yehowa[edit | edit source]
6 "Hadia ni'ohegu khö Yehowa, wangondrasi ya'ia, wangalulu khö Lowalangi ba zalaŵa yaŵa? Hadia, u'ohe khönia zumange nitunu, ono zaŵi si döfi fa'ebua?[5] 7 Hadia, omasi Yehowa ngahönö mbiri-biri si matua, ba omasi ia hele fanikha si lö mutaha mu'erai? Hadia, ube'e khönia zi a'a nonogu, ba wameta horögu andrö; nga'ötögu ube'e khönia, höli nosogu? 8 No iŵa'ö khöu, ya'ugö niha, hadia zi sökhi! Ba hadia goroisa Yehowa khöu, baero ba wolau satulö ba ba wangomasi'ö awöu ba fa böi fayaŵa ndra'ugö ba wanörö lalamö, föna Lowalangiu?[6]
III. Solau si lö sökhi, ba nihuku[edit | edit source]
9 Fondrondrongo! Lö aefa-aefa we'ao Yehowa ba mbanua, ba fangorifi larongo sangata'ufi töinia. Mifondrondrongo wotu andrö ba ha niha zanguma'ö ya'ia. 10 Hadia, so yomo khö zebua horö gana'a si lö atulö, ba wangalui ya'ia mege, awö lauru sabölö ide-ide, ni'elifi ena'ö?[7] 11 Hadia, si lö sala zi so faliera falimosa ba tokosa naha zaga si lö atulö?[8] 12 Na famakao awöra lafa'ua sebua ana'a ba khöra, ba na faya lalau banuara ba na si falimo lela ba mbawara?[9] 13 Ba ya'odo göi, ba ubörötaigö uböbözi'ö, u'asogö wanudugö, börö horöu andrö. 14 Na manga'ö, ba lö abuso'ö ube'e, dörödöro manö wa'olofo dalumö a'ine. Ba na mangirö ndra'ugö, ba lö'ö sa atö zi töra balazou; si töra, ba ululu ba mbawa zi'öli a'i.[10] 15 Na manaru fakhe ndra'ugö, ba lö mamasi'ö ube'e! Na ölazi mbua zai, ba lö öbayoini fanikha ndra'ugö; ba na bua nagu ölazi, ba lö öbadu nösi.[11] 16 Ba no ötöngöni gamakhoita Omeri, awö nilau zi samba omo ndra Ahabi, fefu, tödöra zi no mi'ohia'ö, ena'ö ubali'ö tanö si mate ndra'ugö ba fama'iki niha bö'ö zowanua ba danö; tohare sa dania khömi wango'aya niha baero.[12]
Famotokhi ba gahe[edit | edit source]
Fabaliŵa lala[edit source]
Olayama Mikha: 1 • 2 • 3 • 4 • 5 • 6 • 7
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö