Wb/nia/Mikha/2
I. Alai zalaŵa si lö ba dödö niŵa'ö zama'ele'ö[edit | edit source]
1 Alai zamakhai si lö atulö, ba sama'ua si lö sökhi, ba gasora [ba zi bongi], ba wamalua ya'ia, na moluo, na ha si'aikö lasöndra lala.[1] 2 Na omasi ira mbenua, ba la'okhögö; ba na omo zomasi ira, ba lafadöni ba nawöra. Lafakao nawöra, ba lahalö manö zi so khöra; lafalangögö manö zokhö, fabaya si so khönia.[2] 3 Andrö wa imane Yehowa: Hiza, no so ba dödögu zi lö sökhi, nilau ba mbanuagu andrö, si tebai mifadöni mbagimi, ba si tebai mifaöga mbawami ba wowaö-waö, me baŵa si lö sökhi dania da'ö![3] 4 Na luo da'ö dania, ba manunö niha, fango'aya ya'ami, ba latema la'e'esi ami, lamane: "Noa sa'ae! No sadudu manö mbanuada. Nisu'a sinali mbenua mbanuada, ba wamaosa! Ifadöni manö khöma! Ba niha baero ifaosa mbenuama!" 5 Andrö wa lö khöu, samatörö sinali fanu'a ba dana ba mbanua Yehowa. 6 Lamane bewera: "Böi milau deatea mbewe." "Böi lahalö teatea mbewera da'ö! Lö aetu wango'aya andrö!"[4] 7 Hadia manö huo-huo andrö, ya'ami ma'uwu Yakobo? Hadia, si ono wönutö Yehowa, ba no si manö wolaunia? Hadia, tenga fangorifi daroma linia, tenga fangorifi zadölö tödö wanörö lalania? 8 Ba no ara sa'ae, ba molaŵa mbanuagu andrö, si fa'udu ira. Ba zanörö si lö famaudu dödö, ba sanuzu tödö fagua-guasa, ba misöbi mbaru sebua, balu-balu gameza. 9 Ira alawe mbanuagu, ba mitimba yomo ba nomora, sohahau dödöra, ba ba ndraonora, ba mifadöni naya andrö nibe'egu, ba lö mifuli. 10 Mifaoso, milabu ami! lö'ö sa tola mi'iagö da'e, börö wa'ara'i-ra'iö andrö, famakiko ba famunu.[5] 11 Na ilimo ena'ö ndra'ugö sama ua angi ba faya, na imane ena'ö: Da mama'ele'ö ndra'o khöu: agu ba hadia ia nibadu, si mabu ita! — da'ö zama'ele'ö zi göna ba mbanua andre![6]
II. Amabu'ula li, fondrara dödö[edit | edit source]
12 Ahori u'ozaragö ami, ya'ami ma'uwu Yakobo! Ahori ufuli u'owuloi zi tosai Iraono Gizeraeli! U'orudugö ira, si mane biri-biri ba kandra, si mane nikubaloi ba mbenua, ba tobali ato sibai, siruru-ruru![7] 13 Ba mowaö-waö fönara zamolala ya'ira; latimba zi fatimba ba latörö manö, lasaŵa baero mbawa göli. Ba mowaö-waö fönara razora, ba Yehowa zolohe ya'ira.[8]
Famotokhi ba gahe[edit | edit source]
Fabaliŵa lala[edit source]
Olayama Mikha: 1 • 2 • 3 • 4 • 5 • 6 • 7
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö