Wb/nia/Mikha/5
I. Fama'ele'ö: salaŵa Mbetilekhema, salaŵa sohahau dödö mbanua[edit | edit source]
1 Ba ya'ugö Betilekhema Eferata, noa sa abölö ide-ide ndra'ugö, ba wamadoro ya'ugö ba mbanua zalaŵa ba mado Yuda ena'ö. Ba ba khöu sa i'otarai khögu samösa, si möi samatörö Iraono Gizeraeli; me föna sa'ae mbörötania, ba götö föna sibai sa'ae.[1] 2 Andrö wa ilulu ira, irugi luo no madono zo'ono andrö, ba irugi mangawuli niwania si tosai andrö, awö Ndraono Gizeraeli.[2] 3 Ba da'ö dania so ia, ba ikubaloi dania ira, fa'abölö Yehowa wa'abölönia, ba ba döi Lowalanginia Yehowa, si no ebua sibai; ba tobali sahono ira; sebua sa dania ia, irugi ba wondrege danö [wa'asalaŵania].[3] 4 Ba ya'ia dania wa'atulö! Na lasaŵa danöda Dawa Asiria, na möi ba khöda, ba dafitu tabe'e sanimba ya'ira kubalo mbiri-biri, ba daŵalu zalaŵa.[4] 5 Da'ö dania zamatörö si'öli ba zi so ba danö Ndrawa Asiria, ba föda si no musobi lafatörö ba danö Nimerodi, ba tobali i'orifi ita, lö ibe'e ba danga Ndrawa Asiria ita, na lasaŵa danöda, na möi ba khöda.[5] 6 Ba si tosai ma'uwu Yakobo, ba niha baero, sizaewe ba niha bö'ö, soya misa, ba tobali timba namo mbanua, timba daŵa deu, satoru ba mbulu zinanö, si lö manötöna ba niha, si lö mombaloi fa'aso niha. 7 Si tosai ma'uwu Yakobo andrö, ba niha baero, sizaewe ba niha bö'ö soya misa, ba tobali timba zingo ba gutu ndru'u, ba timba nono zingo ba ngawawa mbiri-biri, si hundrahundra ba sanasawi na itörö, lö sangorifi. 8 Sabölö dania ndra'ugö, ba ölaŵa zamakao ya'ugö, ba ahori dania nemaliu fefu!
II. Lö'ö sa ae fayaŵasa ba he fame'e adu[edit | edit source]
9 Ba na luo da'ö, iŵa'ö Yehowa, ba uhori kudo khöu, ba uheta gureta,[6] 10 banua andrö ba danöu, ba uhori, ba hati andrö khöu, ba ahori ududugö. 11 Ba elemu andrö, ba uhori ba dangau, ba sanoto, ba lö'ö sa'ae ba khömi. 12 Adu nifofoe andrö khöu ba famaedo hadia ia, ba uhori ba khömi, ba lö'ö sa'ae mangalulu ndra'ugö ba nifazökhi dangau.[7] 13 Aseramö andrö, ba udeha khöu, ba adumö, ba ufufu. 14 Ba ulau mbalö ba niha baero andrö, si lö mamondrongo ligu, mofönudo khöra ba abao dödögu.
Famotokhi ba gahe[edit | edit source]
Fabaliŵa lala[edit source]
Olayama Mikha: 1 • 2 • 3 • 4 • 5 • 6 • 7
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö