Wb/nia/Korindro II/5

From Wikimedia Incubator
< Wb‎ | nia‎ | Korindro II
Wb > nia > Korindro II > 5

Tötönafö Waulo[edit | edit source]

I. 1 Noa sa ma'ila, na tedudugö nahama andre, ba guli danö, ose andre, ba so khöma ni'otomosi Lowalangi, omo, si tenga nifazökhi tanga, si lö tebulö, ba zorugo.[1] 2 Ba da'ö sa göi mangarö-ngaröga, humulu dödöma, ena'ö tefonukha ndra'aga nahama andrö, soroi ba zorugo;[2] 3 me tenga sa si lö nukha ndra'aga, wamaigi ya'aga, na no ma'onukha ia.[3] 4 Andrö mangarö-ngaröga, ya'aga si so ba nose andrö, sonoro ndra'aga, me lö omasiga, na aheta nukhama, me omasiga na tefalaete, ena'ö i'a fa'auri andrö zi mate andrö.[4] 5 Ba sangehao ya'aga ba da'ö, ba ya'ia Lowalangi, si no mame'e khöma we'e-we'e dödö andrö, Eheha andrö.[5] 6 Andrö wa lö mamalö-malö wa'arara dödöma, ba no mi'ila, na ba mboto soga, ba no aröu ndra'aga khö Zo'aya, no sikoli ndra'aga.[6] 7 Lala wamati sa lalama, ba tenga famaigi.[7] 8 Ba no arara dödöma, ba abölö omasiga awu'a ndra'aga, maröi mboto, ba ahono ndra'aga khö Zo'aya.[8] 9 Andrö göi maforege, he sahono ndra'aga yomo, ba he sikoli, ena'ö omasi ia ndra'aga.[9] 10 Lö'ö sa tola lö oroma dania ita fefu föna dadaoma ba wanguhuku andrö khö Keriso, ena'ö itema zamösana zulö nilaunia, me ba mboto, so ia, he si sökhi, ba he si lö sökhi.[10]

Famorege wolo'ö zomasi Zo'aya[edit | edit source]

II. 11 Ba me no aboto ba dödöda wangata'ufi So'aya, ba tadönisi niha; ba noa sa oroma ita khö Lowalangi, ba udöna-döna, ba dödömi göi oroma ndra'o.[11] 12 Lö'ö sa mafuli mafaduhu'ö ndra'aga khömi, ba mafobörö khömi wanuno ya'ami ba khöma andre, ena'ö so khömi wanuno, ba zanuno ya'ira ba zoroma ba niha, ba tenga ba zi so ba dödö.[12] 13 Na sowöhö ndra'aga, ba no khö Lowalangi owöhöga, ba na si so era-era ndra'aga, ba ba khömi. 14 Fa'omasi Keriso andrö sa zango'ou ya'aga.[13] 15 Da'ö niŵa'öma: Na no mate zamösa, salahi zato fefu, ba no ahori mate ira fefu. Ba no mate ia salahi zato fefu, ena'ö tenga sa'ae khöra auri zauri, ena'ö khö zi mate salahira, khö nisusugi andrö, salahira, auri ira.[14] 16 Tobali, i'otarai da'e, ba lö'ö sa'ae ma'ila niha, na dali mboto. Ba he no ma'ila Keriso, dali mboto, ba lö'ö sa'ae ma'ila ia iada'e. 17 Tobali na ba khö Keriso so niha, ba no si bohou mufazökhi ia, no numalö zi tohöna andrö, ba hiza, ba no tobali bohou.[15]

Halöŵö ba wangombakha fa'atulö[edit | edit source]

III. 18 Ba fefu da'ö, ba moroi ba Lowalangi, si no mangatulö'ö ya'ita khönia, ba khö Yesu Keriso, si no mame'e göi khöda halöŵö fangatulö andrö.[16] 19 Lowalangi sa zi no mangatulö'ö khönia ösi guli danö, ba khö Keriso, lö ibe'e ömöra lalöra andrö, ba no ibe'e ba dödöma daroma li andrö, ba wangatulö andrö.[17] 20 Ba no sinenge ndra'aga, salahi Keriso, hulö na Lowalangi zamarou tödö niha, ba lima andrö, mangandrö ndra'aga, salahi Keriso, mamane: Mifa'atulö'ögö ami khö Lowalangi![18] 21 Noa sa ibali'ö horö zi lö irai mangila horö, salahida, ena'ö tobali fa'atulö khö Lowalangi ita, ba khönia andrö.[19]

Famotokhi ba gahe[edit | edit source]

  1. FetII 1:13,14; Heb 9:11; 11:10
  2. Rom 8:23
  3. Mat 22:11; Efes 4:24; Fam 3:18
  4. Rom 8:19,22; KorI 15:51–53
  5. Faigi 1:22; Rom 8:14
  6. Heb 13:14
  7. KorI 13:12,13; FetI 1:8
  8. Fil 1:23
  9. Kol 1:10 b.t.
  10. Rom 14:10; KorI 4:5
  11. KorI 9:20; KorII 4:2
  12. Faigi 3:1; 10:12
  13. Rom 6:3 b.t.
  14. Rom 14:7 b.t.
  15. Rom 8:1; Gal 6:15; Fam 21:5
  16. Rom 5:10
  17. Yoh 14:10; Rom 3:24 b.t.; Kol 1:19,20; YohI 2:2
  18. Yes 52:7; Yoh 20:21
  19. FetI 2:22 b.t.; 3:18; Gal 3:13; Rom 8:3,4

Fabaliŵa lala[edit source]

Olayama Zura Korindro II: 12345678910111213

Amabu'ulali Sibohou: MataioMarekoLukaYohaneHalöŵö ZinengeRomaKorindro IKorindro IIGalatiaEfesoFilifiKoloseTesalonika ITesalonika IITimoteo ITimoteo IITitoFilemoHeberaioYakoboFetero IFetero IIYohane IYohane IIYohane IIIYudaFama'ele'ö

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö