Wb/nia/Korindro II/10

From Wikimedia Incubator
< Wb‎ | nia‎ | Korindro II
Wb > nia > Korindro II > 10

Famu'a ba hulu niböbögö khönia andrö[edit | edit source]

I. 1 Ba ya'o, Faulo, ufarou dödömi ba wa'ebolo dödö Keriso andrö, ba ba wa'asökhi dödönia; ya'o, si no ide-ide na fa'ila bawa ita, na sodo khömi, ba si no abe'e wanguma'ö khömi hadia ia, na ba zaröu sodo. 2 Ba u'andrö khömi: ena'ö alakha lö abe'e ndra'o na sodo, ena'ö alakha lö ufake wa lö aiŵö andrö, si tola ufake niŵa'ögu, ba niha ösa, sanguma'ö tödöra, dali khöma nösi niha ba lalama.[1] 3 Ösi niha sa khöma ba lalama, ba ba wasöndrata andrö, ba tenga dali nösi niha khöma. 4 Ba wangönama andrö, ba wasöndrata andrö, ba tenga dali nösi niha, noa sa abe'e, ba khö Lowalangi, ba wanudugö hati.[2] 5 Madudugö nifakhai dödö, awö ngawalö wayaŵasa fefu, solaŵa ena'ö fa'aboto ba dödö niha Lowalangi, ba maböbö fefu ngawalö gera-era, ba wolo'ö khö Keriso.[3] 6 Ba matarogö, ba wangotu'ö fefu ngawalö wa lö molo'ö, na no a'oi so wolo'ömi. 7 Mitöngöni duduma hörö andrö. Na so zabe'e tödö ba khönia, wa no khö Keriso ia, ba yamu'ofanöi tödönia, wa si mane ya'ia göi ndra'aga, khö Keriso. 8 Ba he na udou'ö na ma'ifu tö wanuno ya'o, me no itehe khöma So'aya, wanga'azökhi ya'ami, ba tenga famakiko, ba lö'ö sa atö falukha aila ndra'odo,[4] 9 fa böi hulö na ufeta'u ami ba zura andrö. 10 Me laŵa'ö: sura andrö, ba no abe'e, no abölö, ba na so ia, ba no ambö fa'abe'e, ba huhuo andrö, ba lö göna ba dödö.[5] 11 Ba yamube'e ba dödönia sanguma'ö da'ö: si mane fehedema ba zura, na lö ya'aga, si manö göi wolauma, na soga.[6] 12 Ata'u sa ndra'aga mafaomagö ndra'aga ba mafakhili-khili ndra'aga ba niha andrö, samaduhu'ö ya'ira; ba ya'ira, ba no sambö era-era, na labe'e dali ira ba wamaigi su'ara ba he wisa ira. 13 Ba ya'aga, ba lö mafalawu wanuno ya'aga, mabe'e dali nifakhoi andrö, nifakhoi Lowalangi khöma, fondrege wa no marugi göi ami.[7] 14 Lö taŵa'ö, lö nirugima ya'ami, ba mafaigi sa'ae zi töra fa'aröu; noa sa marugi ami göi, wangombakha turia somuso dödö andrö khö Keriso.[8] 15 Lö mafalawu wanuno ya'aga, ba halöŵö niha bö'ö; ba madöna-döna, na tedou wamatimi andrö, ba ebua ndra'aga, ba khömi andrö, dali nifakhoi andrö khöma, irege a'oi makhamö, 16 ba wangombakha turia somuso dödö andrö, ba zi tambaimi, ba böi ba nifakhoi ba danö bö'ö, ba zi no awai halöŵö, ba wanuno ya'aga ba da'ö.[9] 17 Na so zanuno ya'ia, ba ba khö Zo'aya yamusuno ia.[10] 18 Tenga sa ba zamaduhu'ö ya'ia faduhu dödöda, ba nifaduhu'ö Zo'aya faduhu dödöda.[11]

Famotokhi ba gahe[edit | edit source]

  1. Faigi 13:1–10; 1:12,17
  2. Efes 6:10,13 b.t.
  3. Rom 15:18
  4. Faigi 12:6; 13:10
  5. Faigi 11:6
  6. Faigi 13:2 b.t.
  7. Rom 12:3
  8. KorI 9:2
  9. Rom 15:20
  10. KorI 1:31
  11. KorI 4:5; Amaed 27:2

Fabaliŵa lala[edit source]

Olayama Zura Korindro II: 12345678910111213

Amabu'ulali Sibohou: MataioMarekoLukaYohaneHalöŵö ZinengeRomaKorindro IKorindro IIGalatiaEfesoFilifiKoloseTesalonika ITesalonika IITimoteo ITimoteo IITitoFilemoHeberaioYakoboFetero IFetero IIYohane IYohane IIYohane IIIYudaFama'ele'ö

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö