Jump to content

Wb/nia/Korindro II/12

Add links
From Wikimedia Incubator

Fangide-ide'ö Waulo

[edit | edit source]

I. 1 Lö tola lö usuno ndra'o, ba lö'ö sa gunania; ba alakha sa itörö ligu gangilata andrö, ba fama'ele'ö andrö, khö Zo'aya.[1] 2 So ni'ilagu niha, ba khö Keriso, si no mu'ohe yaŵa, irugi tölu nga'ötö zorugo, me mewele'öfa fakhe (na ba mboto so ia, ba lö u'ila, ba na baero mboto, ba lö'ö zui u'ila; Lowalangi zangila).[2] 3 Ba no u'ila niha andrö (na ba mboto, ba na baero mboto, ba lö u'ila; Lowalangi zangila) 4 wa no mu'ohe ia ba waradaiso, awö wa no irongo daroma li si tebai laŵa'ö niha, si lö tola iŵa'ö niha, ha niha ia göi.[3] 5 Da'ö mbörö wa usuno ndra'o, ba na ba khögu, ba lö edönado usunodo, ha ba wa'ambö wa'abölögu andrö.[4] 6 Na edönado sa usuno ndra'o, ba tenga nifolau zambö tödö wolaugu, me si duhu niŵa'ögu; ba utaha dödögu, fa lö iwai niha, ha niha ia, ebua ndra'o, moroi ba ni'ilania khögu, ba moroi ba nirongonia.[5] 7 Ba ena'ö böi fayaŵa ndra'o, ba nifa'ele'ö andrö khögu, me no ebua, ba no mutaru'ö khögu zuzumö ba nösi, mala'ika Zatana, ena'ö igukhu-gukhui ndra'o, fa böi fayaŵa ndra'odo.[6] 8 Ba no medölu mangandrödo khö Zo'aya, ena'ö aheta ia khögu.[7] 9 Ba no iŵa'ö khögu: Ya'abönö khöu wa'ebua dödögu khöu, a'oi sa so wa'abölö andrö khögu ba wa lö abölö. Andrö wa abölö omasido, ba wa lö abölödo andrö usuno ndra'o, ena'ö abönö khögu wa'abölö Keriso andrö.[8] 10 Andrö omasi ndra'o wa lö abölö ba famakao ba fa'afökhö ba folohi ba fa'atosasa, na börö Keriso. Na sambö fa'abölö ndra'o, awena abölödo.[9]

Lö ihalö mböli gölönia khöra

[edit | edit source]

II. 11 Noa sa tobali sambö era-era ndra'o; noa sa miforege khögu. Ya'ami sa zanuno ya'o ena'ö, ma'ifu sa lö ide-ide ndra'o, moroi ba zinenge andrö, si no alua yaŵa, he ŵa'ae no si lö boto ndra'odo.[10] 12 Tandra, si nangea tandra khö zinenge, ba no mufalua ba khömi, no a'oi so wa'anau gölö ba dandra ba ba gila-ila ba ba wa'abölö.[11] 13 Hadia sa ni'ambösi ami, moroi ha mbanua bö'ö andrö, baero wa lö nifonorogu tödömi? Mibologö dödömi khögu, ba zalagu andrö.[12] 14 Hiza, no ufuli ufa'anödo, ba we'amöi khömi, no medölu, möi da'e, ba lö dania ufonoro dödömi. Tenga sa nibaya-bayami ni'aluigu, ha ya'ami u'alui. Tenga sa iraono zangalui ana'a khö ndra amara, ama zangalui ana'a ba ndraono.[13] 15 Ba omasido mangahakhö, ba he ya'odo na i nibe'e salahi nosomi; na no fahöna wa'omasigu ami, ba hadia, ba la'ambösi wangomasi'ö ya'o?[14] 16 Ba ya'ia ya'ö; lö nifonorogu tödömi, ba me no onekhe ndra'o, ba no ufa'u'u ami fa'onekhe andrö. 17 Hadia, no u'alani ami, ba nifatengegu khömi andrö, ha niha ia? 18 No u'andrö khö Dito andrö, ba no ufatenge awönia dalifusö andrö; hadia, no i'alani ami Tito andrö? Hadia, lö ha sara dödöma, wanörö lala khöma? Hadia, lö faoma matara lahe nawöma?[15] 19 I'otarai föna sa'ae, miŵa'ö tödömi, mabu'a ba huluma, ba khömi andrö; föna Lowalangi muhede ndra'aga, ba khö Keriso. Ba fefu hadia ia da'ö, ya'ami ni'omasi'ö, ba ba wanga'azökhi ya'ami.[16] 20 Ata'udo sa, na sodo, ba ma tenga somasi ndra'o u'ila ba khömi, ba ya'ami göi, ba ma tenga somasi ami, mi'ila khögu; ma so wagua-guasa, ba ma fa'afökhö dödö, ba ma fönu, ba ma fasosota, ba ma famöbögö si lö duhu, ba ma fangöngö-ngöngösa, ba ma fayaŵasa, ba ma famakuyu;[17] 21 ba ma ihöndrögö ndra'o Lowalangigu, ba khömi andrö, na ufuli möi khömi, ba abu dödögu ba zato andrö, si no mamazökhi horö, föna, ba si lö abu tödö ba zi lö sökhi andrö ba ba wohorö ba ba hokha andrö, nitöröra.[18]

Famotokhi ba gahe

[edit | edit source]
  1. ↑ HalZin 26:16; Gal 2:2
  2. ↑ Hes 11:24; HalZin 22:17
  3. ↑ Luk 23:43
  4. ↑ Faigi 11:30
  5. ↑ Faigi 10:8
  6. ↑ Yob 2:7; Gal 4:14
  7. ↑ Mat 26:44
  8. ↑ Fil 4:13; Yes 40:29 b.t.
  9. ↑ Faigi 6:10
  10. ↑ Faigi 11:1,5,16
  11. ↑ Faigi 6:4–6; Rom 15:19
  12. ↑ Faigi 11:7–11
  13. ↑ Faigi 13:1; HalZin 20:33
  14. ↑ TesI 2:8
  15. ↑ Faigi 8:16–18; KorI 16:10
  16. ↑ Faigi 3:1; 11:16 b.t.
  17. ↑ KorI 1:11; Gal 5:19 b.t.
  18. ↑ KorI 6:15 b.t.

Fabaliŵa lala

[edit source]

Olayama Zura Korindro II: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Korindro_II/12&oldid=6229806"