Wb/nia/Korindro II/11

From Wikimedia Incubator
< Wb‎ | nia‎ | Korindro II
Wb > nia > Korindro II > 11

Tohu-tohu wamu'a ba hulu ba niböbögö andrö[edit | edit source]

I. 1 Ena'ö mibologö dödömi ma'ifu, ba wa'ambö tödö andrö khögu! Ba mibologö sa göi dödömi khögu.[1] 2 Solohu sa ndra'o, ba khömi andrö, fa'olohu Lowalangi. No ufohu ami ba niha, si ha samösa, ena'ö u'ohe ami khö Keriso, ono alawe si sökhi.[2] 3 Ba ata'u ndra'o, tefakiko gera-erami, aheta ba zadölö andrö, ba khö Keriso, hulö si mane famaelungu gulö andrö Khawa, ba wa'onekhenia.[3] 4 Na so sa zi möi khömi, mangombakha Yesu tanö bö'ö, si tenga ni'ombakha'öma, ba ma na mitema Geheha tanö bö'ö, si tenga nitemami, ba ma turia somuso dödö tanö bö'ö, si tenga nihalömi khömi, ba faduhu dödöda, na lö mitimba.[4] 5 Ba dödögu sa, ba ma'ifu lö ide-ide ndra'o, moroi ba zinenge salua yaŵa andrö.[5] 6 Ba he no sambö tödö ndra'odo ba huhuo, ba tenga sa ba wa'aboto ba dödö; gofu hadia ia, ba no u'oroma'ö manö ia, ba khömi andrö.[6] 7 Ma horögu, me no u'ide-ide'ö ndra'o, ena'ö möi yaŵa ami, ube'e, me no saoha gölögu wangombakha khömi turia somuso dödö andrö khö Lowalangi?[7] 8 Banua bö'ö, ba no ufo'ömö, me no uhalö mböli gölögu, ba we'amöi enonimi; ba me sodo khömi, me ambö khögu, ba lö nibusigu tödö niha, ha niha ia.[8] 9 Sambö khögu andrö, ba noa sa labönökhi talifusö andrö, si otarai Makedonia; ba fefu hadia ia, ba lö nibusigu tödömi, ba lö'ö göi ubusi dödömi dania.[9] 10 Faya zi duhu andrö khö Keriso ba dödögu, na ube'e toba'a khögu wanuno ya'o andrö, ba mbanua Nakhaya misa.[10] 11 Hana wa si manö? Hadia me lö omasido ami? I'ila Lowalangi. 12 Ba nilaugu iada'e, ba utohugö, ena'ö utimba mbörö andrö, ba zangalui börö, ba wangai tulada khöra ya'aga, ba nisunora ya'ira. 13 Sinenge faya sa niha si manö, sohalöŵö si falimo, sanagö amuata zinenge Keriso.[11] 14 Ba lö'ö sa ahöli-höli dödöda; Satana sa göi, itagö gamuata mala'ika haga.[12] 15 Ba hana wa takata'ö sibai, na latagö enoninia göi gamuata genoni ba zatulö? Ba i'ohia'ö mbua-buara amozuara dania.[13] 16 Samuza tö uŵa'ö: Böi yamuŵa'ö tödönia niha, sambö tödö ndra'odo; ba na so zui, ba lau, ba yasambö tödö ndra'o khömi, ena'ö töla usuno göi ndra'o ma'ifu.[14] 17 Hadia niŵa'ögu iada'e, ba tenga dali Zo'aya, wa uŵa'ö ia; hulö ba wa'ambö tödö sa, me no abe'e dödögu wanuno ya'o.[15] 18 Me ato zanuno ya'ira, dali nösi niha, ba usunodo göi.[16] 19 No edöna ami, mibologö dödömi ba zambö tödö, me no satua-tua ami.[17] 20 Mitaha sa, na so zangosawuyu ya'ami, na so zi manga ya'ami, na so zondra'u ya'ami, na so zi fayaŵa, na so zamalisi baŵami.[18] 21 Fangaila, wa uŵa'ö: noa sa ambö wa'abe'ema. Ba na so zabe'e dödö niha bö'ö (fehede zambö tödö wehedegu) ba abe'e göi dödögu. 22 Niha Heberaio ira? ya'odo göi. Iraono Gizeraeli ira? ya'odo göi. Ma'uwu Gaberahamo ira? ya'odo göi.[19] 23 Enoni Keriso ira? (fehede zambö tödö wehedegu) no töra ndra'o; no abölö wa'erege dödögu, no asese laböbözi ndra'o, no asese lakurudo, no asese ahatö wa'amate.[20] 24 No melima lahare'ö khögu niha Yehuda zi sara ambö öfa wulu.[21] 25 No medölu tebözi ue ndra'o, samuza no latebudo kara; no medölu falukhado wa'aboto nowo; sara luo sara mbongi si no alömö ba nasi ndra'odo.[22] 26 No asese mukoli ndra'o, falukha ndra'o gameta'uö ba nidanö ba ameta'uö sange'e, ba ameta'uö ba niwama, ba ameta'uö ba niha baero, ba ameta'uö ba mbanua misa, ba ameta'uö ba danö si mate, ba ameta'uö ba nasi, ba ameta'uö ba dalifusö sofaya; 27 ba halöŵö ba ba wa'erege dödö; ba wa'asese lö mörö ba zi bongi; ba wa'olofo ba ba wa'owökhi dödö, ba wa'asese lö manga, ba wa'o'afu ba ba wa lö nukha;[23] 28 lö lai baero ö, wa ero ma'ökhö lahurufai ndra'o, wa u'abusi tödö mbanua misa, fefu. 29 Ha niha zamomo, zi lö amomo ndra'o göi? Ha niha zi falukha fangala, si lö afökhö bakha dödögu?[24] 30 Na lö tola lö usuno ndra'o, ba ba wa'ambö wa'abölögu usunodo.[25] 31 Lowalangi Zo'aya ya'ita Yesu, Amania, nisuno-suno irugi zi lö aetu, da'ö zangila, wa tenga faya niŵa'ögu. 32 Ba Ndramaseko ifatarogö'ö mbanua Ndramaseko kumandru razo Areta andrö, ba wondra'u ya'o;[26] 33 ba ba zandrela lafatörö ndra'o, wanada ya'o, ba gero göli kara, ba raga-raga, ba aefa ndra'o ba dangania.

Famotokhi ba gahe[edit | edit source]

  1. Faigi 11:16–19; 12:6
  2. Efes 5:25 b.t.
  3. MozI 3:1–13
  4. Gal 1:6 b.t.
  5. Faigi 12:11; 10:12; KorI 15:9,10
  6. Faigi 10:10; KorI 2:1,13
  7. Faigi 12:13; KorI 9:12
  8. Fil 4:10,55; HalZin 18:3
  9. KorI 16:17; TesI 2:9
  10. KorI 9:15
  11. Faigi 2:17; Fil 3:2
  12. Mat 4:5,6; HalZin 16:16,17
  13. Fil 3:19
  14. Faigi 11:1
  15. Faigi 12:19
  16. Fil 3:3 b.t.
  17. KorI 4:10
  18. KorI 7:23
  19. HalZin 22:3
  20. KorI 4:1
  21. MozV 25:3
  22. HalZin 16:22; 14:19; 27:41 b.t.
  23. Faigi 6:4,5; KorI 4:11
  24. KorI 9:22
  25. Faigi 12:5,9,10
  26. HalZin 9:24 b.t.

Fabaliŵa lala[edit source]

Olayama Zura Korindro II: 12345678910111213

Amabu'ulali Sibohou: MataioMarekoLukaYohaneHalöŵö ZinengeRomaKorindro IKorindro IIGalatiaEfesoFilifiKoloseTesalonika ITesalonika IITimoteo ITimoteo IITitoFilemoHeberaioYakoboFetero IFetero IIYohane IYohane IIYohane IIIYudaFama'ele'ö

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö