Wb/nia/Korindro II/4

Add links
From Wikimedia Incubator
< Wb‎ | nia‎ | Korindro II
Wb > nia > Korindro II > 4

Fa lö faröi Waulo ba halöŵönia andrö[edit | edit source]

I. 1 Andrö: me no mufataro ndra'aga ba halöŵö andrö, dali wa'ahakhö dödö andrö, si no falukha ndra'aga, ba lö ma'ila wa'ata'u;[1] 2 noa sa matimba wamini andrö, ba wa'aila andrö, me lö matörö walimosa, ba me lö mafuyu'ö daroma li Lowalangi; mafaduhu'ö ndra'aga ba dödö niha fefu, föna Lowalangi, wama'ele'ö si duhu andrö.[2] 3 Ba na no tobalu göi duria somuso dödö andrö, khöma ba ba zi tetibo andrö tobalu ia,[3] 4 ba nimbaŵainö Lowalangi zi sagötö tanö andre era-era, era-era zi lö mamati, fa lö ihagaini ira haga duria somuso dödö andrö, turia lakhömi Keriso andrö, si no famaedo Lowalangi.[4] 5 Tenga sa ya'aga ni'ombakha'öma, no Keriso Yesu, So'aya, ma'ombakha'ö, ba ya'aga, ba enonimi, maŵa'ö, börö Yesu.[5] 6 Lowalangi andrö sa, sanguma'ö; yatumbu haga andrö ba zogömi-gömi, da'ö zamatumbu'ö ba dödöma haga andrö, ena'ö humaga wa'aboto ba dödö lakhömi Lowalangi andrö, ba mbawa Keriso.[6]

Fa'erege dödö ba fa'afökhö khönia[edit | edit source]

II. 7 Ba ba nahia tanö so khöma girö-girö andrö, ena'ö khö Lowalangi, wa no fahöna wa'abölö, ba böi moroi ba khöma.[7] 8 Fefu gofu heza, ba no mufalangögö ndra'aga, ba tenga sa nimama; nibusi tödö ndra'aga, ba so zui lala dödö;[8] 9 nigohi, ba tenga niröi; nitibo'ö tou, ba tenga nifakiko;[9] 10 lö aefa ba mbotoma wamunu Yesu andrö, ma'ohe-ohe, ena'ö te'oroma'ö göi wa'auri Yesu andrö, ba mbotoma andre.[10] 11 Lö aetu sa tefatörö ndra'aga ba wamunu, ya'aga sauri andre, börö Yesu, ena'ö tefa'ele'ö göi wa'auri Yesu andrö, ba nösima andre, si mate.[11]

Fondrara dödönia[edit | edit source]

III. 12 Tobali ba khöma abölö wa'amate, ba ba khömi, ba fa'auri zabölö.[12] 13 Ba me no so khöma Geheha wamati andrö, si mane si so ba zura: No mamati ndra'o, andrö humede ndra'o, ba mamati ndra'aga göi, ba andrö muhedega göi.[13] 14 Me no ma'ila, si no manusugi Yesu, So'aya ya'ita, ba isusugi göi ndra'aga dania, awö Yesu, ba ifa'aso ndra'aga, awömi.[14] 15 Börö sa ami, ba da'ö fefu, ena'ö amaedola zi tedou-dou na wa'ebua dödö (Lowalangi) andrö, ba ena'ö fahöna; wangandrö saoha gölö, ena'ö ato zangandrö, ba wamolakhömi Lowalangi.[15] 16 Andrö lö ma'ila wa'ata'u, he ŵa'ae tekiko mbotoma andre, ba tebohouni niha bakha, ero ma'ökhö.[16] 17 Famakaoda andrö sa, si lö arara, si lö abölö-bölö, ba i'a'asogö khöda lakhömi sebua, si lö aetu, irege fahöna;[17] 18 me lö tefaigi zoroma andrö, ha si lö oroma. Soroma sa, ba lö arara, ba si lö oroma, ba irugi zi lö aetu.[18]

Famotokhi ba gahe[edit | edit source]

  1. ↑ Faigi 3:6; TimI 13:16
  2. ↑ Faigi 2:17; 5:11
  3. ↑ Faigi 2:15,16
  4. ↑ Efes 2:2; Yoh 12:31; 14:9; Heb 1:3
  5. ↑ Faigi 1:24; 5:20
  6. ↑ MozI 1:3; FetII 1:19; Efes 1:18 b.t.
  7. ↑ Faigi 5:1
  8. ↑ Faigi 1:8; 6:4,5
  9. ↑ Mat 5:10
  10. ↑ KorI 15:31; Gal 6:17; Rom 6:8
  11. ↑ Rom 8:36; KorI 4:9
  12. ↑ Faigi 13:9
  13. ↑ Sin 116:10
  14. ↑ KorI 6:14; Rom 8:11
  15. ↑ Faigi 1:6,11; Sin 50:23; Kol 1:24
  16. ↑ Efes 3:16
  17. ↑ Rom 8:17,18; FetI 1:6 b.t.
  18. ↑ Rom 8:24; Heb 10:34; 11:1,26

Fabaliŵa lala[edit source]

Olayama Zura Korindro II: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Korindro_II/4&oldid=6229798"