Wp/syl/ꠍꠤꠟꠐꠤ ꠝꠣꠔ
- ꠁꠈꠣꠘꠞ ꠘꠣꠝꠦ ꠘꠣꠝꠦ ꠀꠞꠎꠣꠔꠤ ꠝꠣꠘꠤ ꠖꠦꠈꠔꠦ ꠅꠁꠟꠦ Help:Wp/syl/ꠖꠥꠖꠤꠟꠣꠝꠤ ꠢꠞꠣꠘꠤ-ꠞ ꠙꠣꠔꠣꠁꠘ ꠍꠤꠟꠐꠤ ꠨ ꠘꠣꠉꠞꠤ ꠨ ꠍꠤꠟꠐꠤ ꠘꠣꠉꠞꠤ ꠨ ꠎꠟꠣꠟꠣꠛꠣꠖꠤ ꠖꠦꠈꠂꠇ꠆ꠇꠣ
| ꠎꠣꠟꠣꠟ-ꠀꠛꠣꠖꠤ ꠎꠛꠣꠘ | |
| ꠎꠂꠘ꠆ꠔꠣ-ꠙꠥꠞꠤ ꠛꠟꠣ | |
 | |
| ꠔꠁꠔ꠆ꠔ | |
| ꠎꠦꠞꠣꠞ ꠝꠥꠈꠞ ꠝꠣꠔ | ꠍꠤꠟꠐꠤꠘ |
| ꠝꠣꠔ꠆ꠞꠣ | |
| ꠛꠣꠋꠟꠣꠖꠦꠡ | 8 020 000 |
| ꠄꠘ꠆ꠒꠤꠀ | 3 000 000 |
| ꠁꠃꠇꠦ | 300 000[1] |
| ꠖꠥꠘꠤꠀꠛꠤ | 13 980 000[2] |
| ꠝꠣꠔꠞ ꠙꠞꠤꠛꠣꠞ | |
| ꠙꠞꠤꠛꠣꠞ | ꠁꠘ꠆ꠖꠅ-ꠀꠞ꠆ꠎꠅ ꠝꠣꠔ |
| ꠀꠉꠞ ꠀꠝꠟꠤ | ꠙꠇꠞꠤꠔ • ꠍꠤꠟꠐꠞ ꠙꠇꠞꠤꠔ (ꠀꠘꠣ-ꠇ꠆ꠟꠣꠍꠤꠚꠣꠁꠒ) • ꠙ꠆ꠞꠣꠌꠤꠘ ꠘꠣꠉ꠆ꠞꠤ (ꠙꠥꠞꠣꠘ ꠍꠤꠟꠐꠤ) |
| ꠛꠥꠟꠤꠘ (ꠃꠙꠜꠣꠡꠣꠁꠘ) | ꠙꠥꠛꠞꠍꠤꠟꠐ-ꠙꠌ꠆ꠝꠞ ꠉꠥꠞꠅ • ꠡꠥꠘꠣꠝꠉꠋꠎꠤ • ꠛꠛꠤꠉꠋꠎꠤ • ꠝꠂꠝꠘꠡꠤꠋ/ꠛꠣꠝꠘꠛꠣꠠꠤ ꠍꠤꠟꠐ-ꠇꠣꠌꠣꠞ ꠉꠥꠞꠅ • ꠍꠤꠟꠐ-ꠘꠣꠉꠞꠤ/ꠎꠂꠘ꠆ꠔꠣ-ꠙꠥꠞꠤ • ꠝꠂꠟꠜꠤꠛꠣꠎꠣꠞꠤ/ꠛꠤꠀꠘꠤꠛꠣꠎꠣꠞꠤ • ꠛꠞꠣꠇꠤ/ꠇꠣꠌꠣꠞꠤ |
| ꠟꠦꠈꠣꠞ ꠔꠞꠤꠇꠣ | |
| ꠘꠣꠉꠞꠤ / ꠖꠦꠡꠤ | ꠍꠤꠟꠐꠤ ꠘꠣꠉꠞꠤ ꠟꠤꠙꠤ |
| ꠀꠞ꠆ꠔꠣꠖꠤ | |
| ꠢꠣꠔꠎꠣꠔꠤꠞ ꠡꠤꠇ꠆ꠞꠤꠔꠤ | |
| ꠀꠁꠄꠌꠅ 639-3 | Sylheti [syl ] |
| ꠝꠣꠔ ꠉꠛꠦꠡꠘꠣꠕ | |
| ꠟꠤꠋꠉꠥꠁꠡ꠆ꠐ ꠟꠤꠡ꠆ꠐ | syl |
| ꠉ꠆ꠟꠐꠟꠉ | sylh1242 |
| ꠟꠤꠋꠉꠥꠀꠍ꠆ꠙꠤꠀꠞ | 59-AAF-ui |
| ꠅꠟꠚ꠆ꠞꠦꠝ ꠀꠟ꠆ꠚꠣ | Sylheti::8zx8h |
| ꠅꠄꠛꠍꠣꠁꠐ | |
| ꠡꠞꠇꠣꠞꠤ | sylhetdiv.gov.bd |
ꠍꠤꠟꠐꠤ ꠝꠣꠔ [ silɔʈi mat̪ ] ꠅꠂꠟꠧ ꠛꠣꠋꠟꠣꠖꠦꠡꠞ ꠍꠤꠟꠐ ꠅꠘ꠆ꠌꠟꠞ ꠀꠞ ꠜꠣꠞꠔꠞ ꠀꠡꠣꠝ ꠞꠣꠁꠎ꠆ꠎꠞ ꠛꠞꠣꠇ ꠅꠘ꠆ꠌꠟꠞ ꠝꠣꠘꠥꠞ ꠝꠥꠇꠞ ꠌꠟꠝꠣꠘ ꠄꠉꠥ ꠁꠘ꠆ꠖꠅ-ꠀꠞ꠆ꠎꠅ ꠝꠣꠔ ⁕ ꠁꠈꠣꠘ ꠍꠣꠠꠣꠅ ꠜꠣꠞꠔꠞ ꠝꠦꠊꠣꠟꠄ ꠨ ꠔꠤꠙꠥꠞꠣ ꠨ ꠘꠣꠉꠣ ꠞꠣꠁꠎ꠆ꠎ ꠨ ꠝꠤꠎꠧꠞꠣꠝ ꠀꠞ ꠝꠘꠤꠙꠥꠞ ꠞꠣꠁꠎ꠆ꠎꠞ ꠛꠣꠇ꠆ꠇꠣ ꠝꠣꠘꠥꠞ ꠝꠥꠇꠞ ꠝꠣꠔ ꠅ ꠅꠂꠟꠧ ꠍꠤꠟꠐꠤ ⁕ 2020 ꠡꠘꠅ ꠇꠦꠘꠣꠒꠣꠞ ꠅꠄꠛꠍꠣꠁꠐ ꠜꠤꠎꠥꠀꠟ ꠇꠦꠙꠤꠐꠣꠟꠤꠍꠐ ꠚꠈꠣꠡ ꠅꠀ ꠖꠥꠘꠤꠀꠞ 100 ꠉꠥ ꠝꠥꠈꠞ ꠝꠣꠔꠞ ꠄꠉꠥ ꠝꠣꠔ ꠅꠂꠟꠧ ꠍꠤꠟꠐꠤ ⁕ ꠀꠍꠔꠣ ꠙꠤꠔꠤꠛꠤꠔ 1 ꠇꠥꠐꠤ 18 ꠟꠣꠈ ꠝꠣꠘꠥꠄ ꠍꠤꠟꠐꠤ ꠝꠣꠔꠂꠘ ꠨ ꠎꠦꠉꠥ ꠖꠥꠘꠤꠀꠞ 97 ꠟꠝ꠆ꠛꠞ ꠝꠣꠔꠞꠣ ꠝꠣꠔꠞ ꠝꠣꠎꠦ ꠙꠞ꠆ꠍꠦ ⁕[3]
ꠘꠣꠝꠣꠁꠘ[edit | edit source]
ꠝꠥꠈꠦ ꠝꠥꠈꠦ ꠌꠟꠣ ꠘꠣꠝꠞ ꠝꠣꠎꠦ ꠀꠍꠦ ꠍꠤꠟꠐꠤ ꠝꠣꠔ ⁕ ꠎꠂꠘ꠆ꠔꠣꠙꠥꠞꠤ ꠛꠟꠣ ⁕ ꠘꠣꠉꠞꠤ ꠜꠣꠡꠣ ⁕ ꠇꠣꠌꠣ ꠜꠣꠡꠣ ⁕ ꠈꠣꠌ ꠍꠤꠟꠐꠤ ⁕
ꠙꠣꠇꠤꠍ꠆ꠔꠣꠘ ꠀꠝꠟꠕꠘꠦ ꠌꠟꠣ ꠘꠣꠝꠣꠁꠘ꠆ ꠅꠁꠟꠧ ꠍ꠆ꠞꠤꠢꠐ꠆ꠐꠦꠞ ꠙ꠆ꠞꠣꠖꠦꠡꠤꠇ ꠜꠣꠡꠣ ⁕ ꠎꠟꠣꠟꠣꠛꠣꠖꠤ ꠎꠛꠣꠘ ⁕
ꠁꠔꠤꠀꠡ[edit | edit source]
ꠍꠤꠟꠐꠤ ꠝꠣꠔ ꠅꠁꠟ ꠚꠥꠛꠞ ꠁꠘ꠆ꠖꠧ-ꠀꠞ꠆ꠎ ꠝꠣꠔꠞ ꠄꠈꠐꠣ ꠅꠋꠡ ꠨ ꠎꠦꠈꠐꠣ ꠝꠣꠉꠗꠤ ꠙ꠆ꠞꠣꠇ꠆ꠞꠤꠔ ꠕꠣꠇꠤ ꠛꠟꠤꠀ ꠛꠖꠟꠤꠀ ꠀꠁꠍꠦ ꠨ ꠝꠣꠉꠗꠤ ꠝꠣꠔ ꠀꠁꠍꠦ ꠡꠋꠍꠇ꠆ꠞꠤꠔ ꠔꠘꠦ ⁕ ꠚꠥꠞꠣꠘꠣ ꠟꠦꠈꠣꠟꠦꠈꠤ ꠇꠥꠛ ꠈꠝ ꠚꠣꠅꠀ ꠉꠦꠍꠦ ꠈꠞꠤ ꠨ ꠍꠤꠟꠐꠤ ꠝꠣꠔꠞ ꠝꠥꠟ ꠀꠞ ꠃꠘ꠆ꠘꠔꠤ ꠡꠝ꠆ꠙꠞ꠆ꠇꠦ ꠚꠥꠞꠣ ꠎꠣꠘꠣ ꠎꠣꠄ ꠘꠣ ⁕ ꠅꠁꠟꠦ ꠈꠄꠐꠣ ꠚꠥꠞꠣꠘꠣ ꠔꠣꠝꠣꠞ ꠚꠟꠇ ꠅ ꠍꠤꠟꠐꠤ ꠝꠣꠔ ꠚꠣꠅꠀ ꠉꠦꠍꠦ ⁕ ꠄꠞꠝꠣꠏꠦ ꠡꠛꠌꠣꠁꠔꠦ ꠚꠥꠞꠣꠘꠣ ꠅꠁꠟ ৭ ꠡꠔꠈ ꠅ ꠟꠦꠈꠣ ꠍꠄꠐꠣ ꠚꠟꠇ ꠨ ꠎꠦꠔꠣ ꠚꠣꠅꠀ ꠉꠦꠍꠦ ꠛꠤꠀꠘꠤꠛꠣꠎꠣꠞꠞ ꠘꠤꠖꠘꠚꠥꠞ ꠉꠣꠃꠔ ꠨ ꠁ ꠚꠟꠇ ꠟꠦꠈꠣ ꠅꠁꠍꠦ ꠇꠣꠝꠞꠥꠙ ꠅꠞ ꠞꠣꠎꠣ ꠜꠣꠡ꠆ꠇꠞꠛꠞ꠆ꠝꠘ ꠅꠞ ꠚꠇ꠆ꠇ ꠕꠣꠇꠤ ⁕ ꠀꠞꠈꠐꠣ ꠚꠣꠅꠀ ꠉꠦꠍꠦ ꠝꠃꠟꠤꠛꠣꠎꠣꠞꠞ ꠞꠣꠎꠘꠉꠞꠞ ꠚꠁꠍꠝꠜꠣꠉ ꠉꠣꠃꠔ ꠎꠦꠈꠐꠣ ꠞꠣꠎꠣ ꠍ꠆ꠞꠤꠌꠘ꠆ꠖ꠆ꠞꠞ ꠚꠇ꠆ꠇ ꠕꠣꠇꠤ ꠟꠦꠈꠣ ꠅꠁꠍꠤꠟ ১০ ꠡꠔꠈ ⁕ ꠅꠘꠦꠈꠞ ꠖꠣꠛꠤ ꠛꠤꠡꠦꠡ ꠈꠞꠤ ꠛꠣꠋꠉꠣꠟꠤ ꠚꠘ꠆ꠒꠤꠔ ꠅꠈꠟꠞ ꠖꠣꠛꠤ ꠨ ꠍꠤꠟꠐ ১৩০৩ ꠡꠣꠟ ꠝꠥꠍꠟꠤꠝ ꠡꠣꠡꠘꠅ ꠀꠅꠀꠞ ꠛꠣꠖꠦ ꠔꠥꠞ꠆ꠇꠤ ꠨ ꠀꠞꠛ ꠀꠞ ꠀꠚꠉꠣꠘ ꠝꠣꠘꠥꠡ ꠀꠁꠀ ꠕꠣꠘꠇꠤꠟꠣ ꠅꠁꠀ ꠍꠤꠟꠐꠤ ꠝꠣꠔꠞꠦ ꠛꠖꠟꠣꠁꠍꠁꠘ ꠀꠞ ꠘꠄꠀ ꠄꠈꠎꠣꠔ ꠢꠞꠚ ꠛꠣꠈꠞꠍꠁꠘ ꠍꠤꠟꠐꠤ ꠘꠣꠉꠞꠤ ⁕ ꠇꠤꠘ꠆ꠔꠥ ꠁ ꠖꠣꠛꠤꠞ ꠇꠥꠘꠧ ꠜꠤꠔ꠆ꠔꠤ ꠘꠣꠁ ⁕
ꠅꠁꠟꠦ ꠍꠤꠟꠐꠤ ꠚꠘ꠆ꠒꠤꠔꠞ ꠖꠣꠛꠤ ꠨ ꠎꠖꠤꠅ ꠝꠥꠍꠟꠤꠝ ꠡꠣꠡꠘꠧ ꠀꠅꠀꠄ ꠍꠤꠟꠐꠤ ꠝꠣꠔ ꠛꠃꠔ ꠀꠞꠛꠤ ꠨ ꠚꠣꠞꠍꠤ ꠡꠛ꠆ꠖ ꠒꠥꠇꠍꠦ ⁕ ꠅꠁꠟꠦ ꠍꠤꠟꠐꠤ ꠟꠦꠈꠣ ꠁꠔꠤꠢꠣꠡꠞ ꠀꠞꠅ ꠚꠥꠞꠣꠘꠣ ꠨ ꠁ ꠟꠦꠈꠣ ꠀꠁꠍꠦ ꠝꠂꠕꠤꠟꠤ ꠢꠞꠚ ꠕꠣꠇꠤ ⁕ ꠝꠥꠟꠔ ꠝꠤꠕꠤꠟꠣꠞ ꠛ꠆ꠞꠣꠝ꠆ꠝꠘ ꠅꠈꠟ ꠍꠤꠟꠐ ꠀꠁꠀ ꠁ ꠢꠞꠚ ꠛꠣꠈꠞꠍꠁꠘ ⁕ ꠀꠞ ꠍꠤꠟꠐꠤ ꠝꠣꠔ ꠅ ꠛꠃꠔ ꠚꠥꠞꠣꠘꠣ ꠨ ꠛꠣꠋꠟꠣꠞ ꠅꠘ꠆ꠘꠉꠣꠟꠣ ꠎꠦꠛꠟꠣ ꠚꠣꠘꠤꠞ ꠔꠟꠦ ꠒꠥꠛꠣꠁꠟ ꠀꠍꠤꠟ ꠨ ꠢꠤ ꠡꠝꠄ ꠕꠣꠇꠤ ꠍꠤꠟꠐ ꠝꠣꠘꠥꠡꠞ ꠛꠡꠛꠣꠡ ꠨ ꠛ꠆ꠞꠤꠐꠤꠡ ꠀꠝꠟ ꠚꠞ꠆ꠎꠘ꠆ꠔꠅ ꠍꠤꠟꠐꠞ ꠝꠣꠘꠡꠦ ꠡꠣꠉꠞꠞ ꠇꠠꠤ ꠖꠤ ꠈꠣꠞꠛꠣꠞ ꠨ ꠟꠦꠘꠖꠦꠘ ꠈꠞꠔꠣ ⁕ ꠍꠤꠟꠐ ꠀꠍꠤꠟ ꠚꠥꠞꠣꠘꠣ ꠎꠛꠣꠘꠣꠞ ꠎꠞꠥꠞꠤ ꠈꠣꠞꠛꠣꠞꠞ ꠎꠣꠉꠣ ⁕ ꠍꠤꠟꠐꠞ ꠚꠥꠞꠣꠘꠣ ꠝꠣꠔ ꠟꠉꠦ ꠘꠣꠘꠣꠘꠎꠣꠉꠣꠞ ꠈꠣꠞꠛꠣꠞꠤ ꠅꠈꠟꠞ ꠝꠣꠔ ꠨ ꠅꠘ꠆ꠘ ꠎꠣꠉꠣ ꠕꠣꠇꠤ ꠀꠅꠀ ꠚꠘ꠆ꠒꠤꠔ ꠅꠈꠟ ꠛꠤꠡꠦꠡ ꠈꠞꠤ ꠝꠤꠕꠤꠟꠣꠞ ꠚꠘ꠆ꠒꠤꠔ ꠅꠈꠟꠞ ꠝꠣꠔ ꠀꠞ ꠛꠣꠖꠦ ꠁꠍꠟꠣꠝꠤ ꠡꠣꠡꠘꠅ ꠀꠅꠀꠞ ꠛꠣꠖꠦ ꠀꠞꠛꠤ ꠨ ꠚꠣꠞꠍꠤ ꠨ ꠔꠥꠞ꠆ꠇꠤ ꠝꠣꠔ ꠝꠤꠡꠌꠦ ꠀꠁꠀ ꠍꠤꠟꠐꠤ ꠝꠣꠔꠧ ⁕ ꠡꠛꠞ ꠡꠦꠡꠦ ꠛ꠆ꠞꠤꠐꠤꠡ ꠞꠣꠎꠧ ꠛꠣꠇ꠆ꠇꠣ ꠁꠋꠟꠤꠡ ꠡꠛ꠆ꠖ ꠀꠁꠍꠦ ꠍꠤꠟꠐꠤ ꠝꠣꠔꠧ ꠨ ꠀꠞ ꠛꠣꠋꠉꠟꠣꠞ ꠟꠉꠦ ꠎূꠠꠣ ꠕꠣꠈꠣꠄ ꠨ ꠛꠤꠡꠦꠡ ꠈꠞꠤ ꠉꠔ ১০০ ꠛꠍꠞ ꠗꠞꠤ ꠛꠣꠋꠟꠣ ꠝꠣꠔꠧ ꠍꠤꠟꠐꠤ ꠅꠈꠟꠞ ꠚꠠꠣꠟꠦꠈꠣ ꠅꠅꠀꠄ ꠍꠤꠟꠐꠤ ꠝꠣꠔꠧ ꠛꠃꠔ ꠔꠔꠡꠝ ꠛꠣꠋꠟꠣ ꠡꠛ꠆ꠖ ꠒꠥꠇꠍꠦ ꠀꠁꠀ ꠍꠤꠟꠐꠤ ꠝꠣꠔꠧ ⁕ ꠎꠖꠤꠅ ꠛꠣꠋꠉꠣꠟꠤ ꠅꠈꠟꠞ ꠖꠣꠛꠤ ꠍꠤꠟꠐꠤ ꠛꠣꠋꠟꠣꠞ ꠒꠣꠄꠀꠟꠦꠇ꠆ꠐ ꠨ ꠇꠤꠘ꠆ꠔꠥ ꠄꠛꠟꠣ ꠍꠤꠟꠐꠤ ꠚꠘ꠆ꠒꠤꠔ ꠅꠈꠟꠦ ꠔꠔ꠆ꠔꠧ ꠙ꠆ꠞꠝꠣꠘ ꠖꠤꠀ ꠖꠦꠈꠣꠁꠍꠁꠘ ꠍꠤꠟꠐꠤ ꠝꠣꠔ ꠕꠣꠇꠤ ꠛꠃꠔ ꠡꠛ꠆ꠖ ꠛꠣꠋꠟꠣꠔ ꠉꠦꠍꠦ ꠨ ꠄꠞ ꠃꠟ꠆ꠐꠣ ꠈꠝꠃ ꠅꠁꠍꠦ ꠨ ꠡꠛꠡ ꠄꠈ ꠝꠣꠔ ꠔꠘꠦ ꠀꠞꠈ ꠝꠣꠔꠧ ꠎꠣꠅꠀꠞ ꠚꠕ ꠅꠁꠟ ꠨ ꠡꠋꠍꠇ꠆ꠞꠤꠔ > ꠝꠣꠉꠗꠤ (ꠝꠂꠕꠤꠟꠤ) > ꠍꠤꠟꠐꠤ > ꠛꠣꠋꠟꠣ ⁕
ꠍꠤꠟꠐꠤ ꠝꠣꠔꠧꠞ ꠛꠤꠡꠣꠟ ꠘꠤꠎꠡꠡꠧ ꠡꠛ꠆ꠖꠜꠣꠘ꠆ꠒꠣꠞ ꠙ꠆ꠞꠝꠣꠘ ꠈꠞꠦ ꠨ ꠍꠤꠟꠐꠤ ꠝꠣꠔ ꠛꠃꠔ ꠚꠥꠞꠣꠘꠣ ꠀꠞ ꠡꠝ꠆ꠙꠥꠞ꠆ꠘ ꠀꠟꠣꠖꠣ ꠄꠈꠐꠣ ꠝꠣꠔ ⁕ ꠅꠟꠣꠅ ꠎꠦ ꠨ ꠛꠣꠋꠟꠣ ꠝꠣꠔꠧ ꠖꠦꠡꠤ ꠛꠣ ꠘꠤꠎꠡꠡꠧ ꠡꠛ꠆ꠖ ꠄꠈꠛꠣꠞꠦ ꠘꠣꠁ ꠈꠁꠟꠦꠃ ꠍꠟꠦ (১০০ ꠞ ꠈꠝ) ꠀꠞ ꠢꠤꠛꠣꠄ ꠨ ꠍꠤꠟꠐꠤ ꠝꠣꠔꠧ ꠖꠦꠡꠤ ꠡꠛ꠆ꠖ ꠛꠃꠔꠔꠣ ꠨ ꠃꠖꠣꠢꠞণ : ꠃꠘ꠆ꠖꠣꠟ ꠨ ꠃꠉꠣꠠ ꠨ ꠈꠣꠐꠣꠟ ꠨ ꠝꠦꠇꠥꠞ ꠨ ꠔꠍꠟꠣ ꠨ ꠚꠦꠍꠇꠥꠘ꠆ꠖꠣ ꠨ ꠈꠚꠟ ꠨ ꠡꠚꠞꠤ ꠨ ꠀꠞꠅ ꠘꠣꠘꠣꠘꠔꠣ ⁕ ꠍꠤꠟꠐꠤ ꠝꠣꠔꠞ ꠁꠔꠤꠀꠡ ꠊꠣঁꠐꠟꠦ ꠖꠦꠈꠣ ꠎꠣꠄ ꠨ ꠁ ꠜꠣꠡꠣꠞ ꠙ꠆ꠞꠌꠟꠘ ꠈꠣꠟꠤ ꠍꠤꠟꠐꠦꠁ ꠞꠁꠍꠦ ꠘꠣ ꠨ ꠜꠣꠞꠔꠞ ꠀꠡꠣꠝ ꠨ ꠔ꠆ꠞꠤꠙꠥꠞꠣ ꠀꠞ ꠝꠦꠊꠣꠟꠄꠞ ꠛꠃꠔ ꠝꠣꠁꠘꠡꠞ ꠝꠥꠈꠞ ꠜꠣꠡꠣ ꠍꠤꠟꠐꠤ ⁕ ꠁꠇꠐꠣ ꠄꠇꠐꠣ ꠙꠥꠞꠣꠘꠣ ꠜꠣꠡꠣ ꠔꠣꠔꠦ ꠇꠧꠘ ꠡꠘ꠆ꠖꠦꠢ ꠘꠦꠁ ⁕ ꠉꠛꠦꠡꠇ ꠡꠂꠅꠖ ꠝꠧꠍ꠆ꠔꠚꠣ ꠇꠣꠝꠣꠟ ꠀꠞ ꠅꠖ꠆ꠖꠣꠙꠇ ꠝꠥꠢꠝ꠆ꠝꠖ ꠀꠡꠣꠖ꠆ꠖꠞ ꠀꠟꠤꠞ ꠝꠔꠦ ꠎꠐꠤꠟ ꠡꠋꠡ꠆ꠇ꠆ꠞꠤꠔ-ꠙ꠆ꠞꠗꠣꠘ ꠛꠣꠋꠟꠣ ꠛꠞ꠆ꠘꠝꠣꠟꠣꠞ ꠛꠤꠇꠟ꠆ꠙ ꠟꠤꠙꠤ ꠢꠤꠡꠣꠛꠦ ‘ꠍꠤꠟꠐꠤ ꠘꠣꠉꠞꠤ’ ꠟꠤꠙꠤꠞ ꠃꠖ꠆ꠜꠣꠛꠘ ꠅꠁꠍꠤꠟ ꠈ꠆ꠞꠤꠡ꠆ꠐꠤꠅ ꠌꠔꠥꠞ꠆ꠖꠡ ꠡꠔꠣꠛ꠆ꠖꠤꠞ ꠝꠣꠏꠣꠝꠣꠏꠤ ꠡꠝꠄ ⁕ ꠉꠛꠦꠡꠇ ꠅꠈꠟꠞ ꠗꠣꠞꠘꠣ ꠨ ꠁꠡꠟꠣꠝ ꠙ꠆ꠞꠌꠣꠞꠇ ꠡꠥꠚꠤ ꠖꠞꠛꠦꠡ ꠀꠞ ꠟꠧꠇꠣꠟ ꠝꠣꠘꠥꠡ ꠅꠈꠟꠞ ꠝꠘꠞ ꠜꠣꠛ ꠛꠤꠘꠤꠝꠅꠞ ꠡꠥꠛꠤꠗꠣꠞ ꠟꠣꠉꠤ ꠘꠣꠉꠞꠤ ꠟꠤꠙꠤꠞ ꠃꠖ꠆ꠜꠣꠛꠘ ꠅꠁꠍꠤꠟ ⁕ ꠅꠃ ꠘꠣꠉꠞꠤ ꠛꠣ ꠍꠤꠟꠐꠤ ꠜꠣꠡꠣ ꠈꠣꠟꠤ ꠜꠣꠞꠔ ꠛꠣ ꠛꠣꠋꠟꠣꠖꠦꠡꠁ ꠞꠁꠍꠦ ꠘꠣ ꠨ ꠀꠡ꠆ꠔꠦ ꠀꠡ꠆ꠔꠦ ꠖꠥꠘꠤꠀꠞ ꠛꠃꠔ ꠖꠦꠡ ꠙꠃꠍꠤ ꠉꠦꠍꠦ ⁕
ꠎꠣꠔ ꠅ ꠙꠣꠟꠣꠘꠤ[edit | edit source]
ꠍꠤꠟꠐꠞ ꠜꠣꠡꠣꠞꠦ ꠁꠘ꠆ꠖꠅ ꠀꠞ꠆ꠎꠅ ꠜꠣꠡꠣꠉꠥꠡ꠆ꠐꠤꠞ ꠝꠣꠎꠦ ꠗꠞꠣ ꠅꠄ ꠎꠖꠤꠅ ꠄꠉꠥ ꠐꠣꠘꠐꠥꠘꠞ ꠜꠣꠡꠣ ꠏꠣ ꠁꠘ꠆ꠖꠅ ꠀꠞ꠆ꠎꠅ ꠜꠣꠡꠣꠉꠥꠡ꠆ꠐꠤꠞ ꠝꠣꠏꠦ ꠖꠦꠈꠣ ꠎꠣꠄ ꠘꠣ ⁕
ꠔꠣꠞꠛꠣꠖꠦ ꠄꠘ꠆ꠒꠤꠀ ꠃꠙꠝꠀꠖꠦꠡꠞ ꠀꠡꠣꠝꠤ-ꠛꠦꠋꠉꠟꠤ ꠜꠣꠡꠣꠉꠥꠡ꠆ꠐꠤꠞ ꠟꠉꠦ ꠗꠞꠣ ꠅꠄ ⁕
ꠁ ꠜꠣꠡꠣꠞ ꠛꠥꠟꠤꠘ꠆ꠔꠞꠦ ꠀꠛꠣꠞ ꠜꠣꠡꠣ ꠛꠤꠉ꠆ꠉꠣꠘ ꠅ ꠖꠥꠁꠜꠣꠑ ꠇꠞꠣ ꠅꠁꠍꠦ ꠙꠥꠛꠞꠍꠤꠟꠐ-ꠙꠌ꠆ꠝꠞ ꠉꠥꠞꠅ ꠀꠞ ꠍꠤꠟꠐ-ꠇꠣꠌꠣꠞ ꠉꠥꠞꠅ ⁕
ꠛꠥꠟꠤꠘ[edit | edit source]
- ꠙꠥꠛꠞꠍꠤꠟꠐ-ꠙꠌ꠆ꠝꠞ ꠉꠥꠞꠅ
- ꠍꠤꠟꠐ-ꠇꠣꠌꠣꠞ ꠉꠥꠞꠅ
ꠇꠤꠍꠤꠝ[edit | edit source]
- ꠎꠂꠘ꠆ꠔꠣꠙꠥꠞꠤ ꠛꠟꠣ (ꠀꠉꠞ ꠀꠝ꠆ꠟꠤ)
- ꠙ꠆ꠞꠣꠌꠤꠘ ꠘꠣꠉ꠆ꠞꠤ ꠜꠣꠡꠣ (ꠙꠥꠞꠣꠘ ꠍꠤꠟꠐꠤ)
- ꠘꠣꠉꠞꠤ ꠜꠣꠡꠣ (ꠙꠥꠕꠤꠘ꠆ꠔ ꠟꠦꠈꠤꠀ ꠔꠀ ꠜꠣꠡꠣꠞꠥꠙ)
- ꠎꠟꠣꠟꠣꠛꠣꠖꠤ ꠎꠛꠣꠘ (ꠈꠣꠍ ꠍꠤꠟꠐꠤ ꠨ "ꠙ꠆ꠞꠝꠤꠔꠅ")
- ꠖꠥꠜꠣꠡꠤ (ꠙꠥꠕꠤꠘ꠆ꠔ ꠟꠦꠈꠤꠀ ꠔꠀ ꠜꠣꠡꠣꠞꠥꠙ)
- ꠍꠤꠟꠐꠤ ꠝꠣꠔ ꠁ ꠜꠣꠡꠣꠞ ꠘꠄꠀ ꠀꠞꠇ ꠇꠤꠍꠤꠝ (ꠌꠟ꠆ꠔꠤ)
ꠟꠞꠣꠢꠥꠘꠣꠞꠇꠟ[edit | edit source]
|
| |||||||||||||||||||||||||||||||||||||||||||||||||||||||||||||||
ꠐꠣꠘ[edit | edit source]
ꠍꠤꠟꠐꠤ ꠄꠉꠥ ꠐꠣꠘꠐꠥꠘꠞ ꠝꠣꠔ ⁕ ꠁꠘ꠆ꠖꠧ-ꠀꠞ꠆ꠎ ꠝꠣꠔ ꠅꠈꠟ ꠡꠣꠗꠣꠞꠘꠔ ꠐꠣꠘꠐꠥꠘꠞ ꠅꠄ ꠘꠣ ⁕ ꠍꠤꠟꠐꠤ ꠝꠣꠔꠔ ꠔꠤꠘ ꠎꠣꠔꠞ ꠐꠣꠘꠐꠥꠘ ꠀꠍꠦ ⁕ ꠝꠢꠣꠙ꠆ꠞꠣꠘꠔꠣ ꠟꠥꠙ ꠙꠣꠅꠀꠞ ꠟꠣꠉꠤ ꠃꠌ꠆ꠌ ꠐꠣꠘꠞ ꠃꠖ꠆ꠜꠛ ꠀꠞ ꠛꠣꠇꠤ ꠡꠝꠄ ꠘꠤꠝ꠆ꠘ ꠐꠣꠘ ⁕[5]
| ꠘꠝ꠆ꠛꠞ | ꠡꠛ꠆ꠖꠅ | ꠃꠌ꠆ꠌꠣꠞꠘ | ꠐꠣꠘ | ꠀꠋꠞꠦꠎ ꠝꠣꠔ꠆ꠖꠤ | ꠡꠛ꠆ꠖꠅ | ꠃꠌ꠆ꠌꠣꠞꠘ | ꠐꠣꠘ | ꠀꠋꠞꠦꠎ ꠝꠣꠔ꠆ꠖꠤ | ꠡꠛ꠆ꠖꠅ | ꠃꠌ꠆ꠌꠣꠞꠘ | ꠐꠣꠘ | ꠀꠋꠞꠦꠎ ꠝꠣꠔ꠆ꠖꠤ |
|---|---|---|---|---|---|---|---|---|---|---|---|---|
| 1 | ꠙꠣꠑꠣ | ɸáʈá | ꠃꠌꠣ ꠐꠣꠘ | goat | ꠚꠣꠐꠣ | ɸàʈà | ꠛꠣꠐ꠆ꠐꠤ ꠐꠣꠘ | torn | ꠙꠣꠐꠣ | ɸāʈā | ꠝꠣꠁꠎ꠆ꠟꠣ ꠐꠣꠘ | grindstone |
| 2 | ꠇꠥꠑꠣ | kúʈá | ꠃꠌꠣ ꠐꠣꠘ | room | ꠈꠥꠐꠣ | kùʈà | ꠛꠣꠐ꠆ꠐꠤ ꠐꠣꠘ | taunting | ꠇꠥꠐꠣ | kūʈā | ꠝꠣꠁꠎ꠆ꠟꠣ ꠐꠣꠘ | stick |
| 3 | ꠙꠣꠈꠣ | ɸáxá | ꠃꠌꠣ ꠐꠣꠘ | fan | ꠚꠣꠇꠣ | ɸàxà | ꠛꠣꠐ꠆ꠐꠤ ꠐꠣꠘ | empty | ꠙꠣꠇꠣ | ɸāxā | ꠝꠣꠁꠎ꠆ꠟꠣ ꠐꠣꠘ | ripe |
ꠢꠞꠚ[edit | edit source]
ꠍꠤꠟꠐ ꠅ ꠀꠉꠞ ꠀꠝꠟ ꠔꠘꠦ ꠛꠣꠋꠟꠣꠞ ꠅꠘ꠆ꠘꠣꠘ꠆ꠘ ꠎꠣꠉꠣꠞ ꠟꠣꠈꠣꠘ ꠛꠣꠋꠟꠣ ꠟꠤꠙꠤꠖꠤ ꠟꠦꠈꠣꠟꠦꠈꠤ ꠅꠁꠟꠦꠅ ꠝꠖ꠆ꠖꠎꠥꠉ ꠁꠡꠟꠣꠝꠞ ꠀꠉꠝꠘꠞ ꠛꠣꠖꠦ ꠛꠣꠋꠟꠣꠞ ꠟꠉꠦꠟꠤꠉꠦ ꠍꠤꠟꠐꠤ ꠘꠣꠉꠞꠤ ꠟꠤꠙꠤ ꠙ꠆ꠞꠌꠟꠤꠔ ꠅꠄ ⁕ ꠇꠤꠘ꠆ꠔꠥ ꠅꠈꠘ ꠀꠞ ꠘꠣꠉꠞꠤ ꠟꠤꠙꠤ ꠢꠤꠟꠣ ꠌꠈꠥꠔ ꠙꠠꠦ ꠘꠣ ꠨ ꠟꠦꠈꠣꠞ ꠟꠣꠉꠤ ꠅꠈꠘ ꠈꠣꠟꠤ ꠛꠣꠋꠟꠣ ꠛꠞ꠆ꠘꠝꠣꠟꠣ ꠛꠦꠛꠢꠣꠞ ꠅꠄ ⁕ ꠜꠣꠞꠔꠞ ꠛꠤꠢꠣꠞ ꠞꠣꠎ꠆ꠎꠞ ꠇꠁꠕꠤ ꠟꠤꠙꠤꠞ ꠟꠉꠦ ꠍꠤꠟꠐꠤ ꠘꠣꠉꠞꠤ ꠟꠤꠙꠤꠞ ꠡꠝ꠆ꠙꠞ꠆ꠇ ꠀꠍꠦ ⁕ ꠎꠥꠖꠤꠅ ꠄꠞ ꠙ꠆ꠞꠇꠞꠤꠔ ꠃꠔꠙꠔ꠆ꠔꠤ ꠡꠝ꠆ꠙꠞ꠆ꠇꠦ ꠅꠈꠘꠅ ꠎꠣꠘꠣ ꠉꠦꠍꠦ ꠘꠣ ⁕ ꠔꠛꠦ ꠡꠛ ꠔꠘꠦ ꠙꠥꠞꠣꠘ ꠈꠧঁꠎ ꠙꠣꠅꠀ ꠙꠣꠘ꠆ꠒꠥꠟꠤꠙꠤꠐꠣ ꠀꠘꠥꠝꠣꠘꠤꠇ ১৫৪৯ ꠅꠕꠛꠣ ১৭৭৪ ꠡꠣꠟꠞ ꠝꠣꠏꠣꠝꠣꠏꠤ ꠡꠝꠄꠅ ꠟꠦꠈꠣ ⁕ (ꠎꠥꠖꠤꠅ ꠙꠣꠘ꠆ꠒꠥꠟꠤꠙꠤꠔ ꠔꠣꠞꠤꠈ ꠟꠦꠈꠣ ꠀꠍꠤꠟ ꠨ ꠇꠤꠘ꠆ꠔꠥ ꠟꠦꠈꠣ ꠕꠘꠦ ꠁꠔꠣ ꠛꠥꠏꠣꠞ ꠃꠙꠣꠄ ꠘꠣꠁ)
ꠝꠣꠔꠞ ꠚꠣꠞꠣꠇ[edit | edit source]
ꠍꠤꠟꠐꠤꠕꠘꠦ ꠛꠦꠋꠉꠟꠤ-ꠀꠡꠣꠝꠤ (ꠛꠋꠉ-ꠇꠣꠝꠞꠥꠙꠤ) ꠜꠣꠡꠣꠉꠥꠡ꠆ꠐꠤꠞ ꠔꠚꠣꠔ[edit | edit source]
| ꠍꠤꠟꠐꠤ ꠝꠣꠔ | ꠃꠌ꠆ꠌꠣꠞꠘ | ꠀꠋꠞꠦꠎ ꠝꠣꠔ | ꠝꠘꠤꠙꠥꠞꠤ ꠝꠣꠔ | ꠀꠡꠣꠝꠤ ꠝꠣꠔ | ꠛꠦꠋꠉꠟꠤ ꠝꠣꠔ |
|---|---|---|---|---|---|
| ꠀꠇ꠆ꠔꠣ Axta |
/axt̪a/ | suddenly | ꯃꯔꯀ ꯃꯔꯛꯇꯥ môrôk môrôkta |
হঠাৎ hôtath |
হঠাৎ hôtath |
| ꠁꠌꠣ Isa |
/isa/ | prawn | ꯁꯡꯒꯣꯃ shôngôm |
চিংড়ি chingri |
চিংড়ি chingri |
| ꠃꠘ꠆ꠖꠣꠟ Undal |
/und̪al/ | kitchen | ꯌꯣꯀꯐꯃ yôkfôm |
ৰান্নাঘৰ rannaghôr |
রান্নাঘর rannaghôr" |
| ꠄꠘ꠆ꠒꠣ Enda |
/enɖa/ | egg | ꯃꯆꯤ ꯑꯣꯏꯕꯥ môchi ôiba |
ডিম dim |
ডিম dim |
| ꠅꠟꠂꠗ Oloid |
/ɔlɔid̪/ | turmeric | ꯇꯨꯔꯦꯂ turel |
হলুদ hôlud |
হলুদ hôlud |
| ꠍꠤꠟꠐꠤ ꠝꠣꠔ | ꠃꠌ꠆ꠌꠣꠞꠘ | ꠀꠡꠣꠝꠤ ꠝꠣꠔ | ꠛꠦꠋꠉꠟꠤ ꠝꠣꠔ |
|---|---|---|---|
| ꠇꠤꠅꠞ Kior |
/kioɾ/ | কিহৰ kihôr |
কীসের Kisher |
| ꠇꠂꠘ꠆ꠘꠣ ꠨ ꠏꠤ ꠨ ꠙꠥꠠꠤ Xôinna ꠨ Zi ꠨ Furi |
/xoinna/ ꠨/zi/ ꠨/ɸuɽi/ | কন্যা ꠨ জী Kôinna ꠨ Zi |
কন্যা ꠨ মেয়ে Kônna ꠨ Meye |
| ꠝꠣꠁꠘꠡꠞ ꠎꠣꠔ Mainshor zat |
/mainʃɔɾ zat̪/ | মানৱজাতি ꠨ মানুহৰ জাতি Manôwzati ꠨ Manuhôr zati |
মানবজাতি Manôbjati |
| ꠅꠢꠝꠤꠀ Ôhômia |
/ɔɦɔmia/ | অসমীয়া Ôxômiya |
অসমিয়া ꠨ অহমিয়া Ôshômiya ꠨ Ôhômiya |
| ꠀꠋꠉꠥꠁꠟ Anguil |
/aŋguil/ | আঙুলি Anguli |
আঙুল Angul |
| ꠀꠋꠐꠤ Angti |
/aŋʈi/ | আঙুঠি Anguthi |
আংটি Angti |
| ꠀꠉꠥꠁꠘꠙꠥꠞꠣ Aguinfura |
/aguinfuɽa/ | জুইত পোৰা ꠨ জুইত সেকা Zuit pura ꠨ Zuit xeka |
আগুনপোড়া Agunpora |
| ꠔꠟꠥꠀꠞꠗꠣꠞꠤ Tôluardari |
/t̪ɔluaɾd̪aɾi/ | অসিধাৰী Oxidhari |
অসিধারী Oshidhari |
| ꠙꠣꠈꠤ ꠨ ꠙꠣꠈꠤꠀ Faki ꠨ Fakia |
/ɸaki/ ꠨/ɸakia/ | চৰাই ꠨ পক্ষী Sôrai ꠨ Pôkkhi |
পাখি ꠨ পক্ষী Pakhi ꠨ Pôkkhi |
| ꠜꠣꠟꠣꠙꠣꠅꠣ ꠨ ꠙꠦꠞꠦꠝ ꠨ ꠙꠤꠞꠤꠔꠤ ꠨ ꠝꠢꠛ꠆ꠛꠔ Balafawa ꠨ Ferem ꠨ Firiti ꠨ Môhôbbôt |
Firiti /balaɸawa/ ꠨/ɸeɾem/ ꠨/ɸiɾit̪i/ ꠨/mɔɦɔbbɔt̪/ |
ভালপোৱা ꠨ প্রেম ꠨ পিৰিটি ꠨ মৰম Bhalpuwa ꠨ Prem ꠨ Piriti ꠨ Môrôm |
ভালোবাসা ꠨ প্রেম ꠨ পিরিতি Bhalobasha ꠨ Prem ꠨ Piriti |
| ꠙꠞꠦ ꠨ ꠛꠣꠖꠦ Fôre ꠨ Bade |
/ɸɔɾe/ ꠨/bad̪e/ | পিছত pisôt |
পরে Pôre |
| ꠢꠇꠟ ꠨ ꠢꠇ꠆ꠇꠟ ꠨ ꠡꠛ Hôxôl ꠨ Hôkkôl ꠨ Shôb |
/ɦɔxɔl/ ꠨/ɦɔkkɔl/ ꠨/ʃɔb/ | সকল ꠨ সকলো ꠨ সমস্ত Xôkôl ꠨ Xôkôlû; Xômôstô |
সকল ꠨ সমস্ত ꠨ সব Shôkôl ꠨ Shômôsto ꠨ Shôb |
| ꠢꠣꠀꠣ Hara |
/ɦaɾa/ | গোটেই Gutêi |
সারা Shara |
| ꠢꠣꠔ ꠛꠤꠟ Hat bil |
/ɦat̪ bil/ | সাত বিল Xat bil |
সাত বিল Shat bil |
| ꠢꠣꠔꠇꠠꠣ Hatxôra |
/ɦat̪xɔɽa/ | সাতকৰা Xatkôra |
সাতকড়া Shatkôra |
| ꠢꠣꠔꠛꠣꠞ Hatbar |
/ɦat̪baɾ/ | সাতবাৰ Xatbar |
সাতবার Shatbar |
| ꠍꠤꠟꠐꠤ Silôṭi |
/silɔʈi/ | ছিলঠীয়া Silôṭiya |
সিলেটি Sileṭi |
| ꠡꠃꠜꠣꠁꠉ꠆ꠉ ꠨ ꠈꠥꠡꠘꠍꠤꠛ Shoubaiggô ꠨ Kushnôsib |
/ʃɔubaiggɔ/ ꠨/kuʃnɔsib/ | সৌভাগ্য Xoubhaiggô |
সৌভাগ্য Shoubhaggô |
| ꠜꠣꠟꠣ ꠇꠞꠤ ꠈꠣꠃꠇ꠆ꠇꠣ ꠨ ꠜꠣꠟꠣ ꠑꠤꠇꠦ ꠈꠣꠃꠇ꠆ꠇꠣ ⁕ Bala xôri xaukka ꠨ Bala tike xaukka. |
/bala xɔɾi xaukka/ ꠨/bala ʈike xaukka/ | ভালকৈ খাওক ⁕ Bhalkôi khaûk. |
ভালো করে খান ⁕ Bhalo kôre khan. |
| ꠛꠃ Bôu |
/bɔu/ | স্ত্রী ꠨ ঘৈণী ꠨ পত্নী Stri ꠨ Ghôini ꠨ Pôtni |
স্ত্রী ꠨ পত্নী StrI ꠨ Pôtni |
| ꠎꠣꠝꠣꠁ Zamai |
/zamai/ | স্বামী ꠨ গিৰি ꠨ পতি Swami ꠨ Giri ꠨ Pôti |
স্বামী ꠨ বর ꠨ পতি Shami ꠨ Bôr ꠨ Pôti |
| ꠖꠣꠝꠣꠘ Daman |
/d̪aman/ | জামাই Jamai |
জামাই Jamai |
| ꠢꠃꠞ Hôur |
/ɦɔuɾ/ | শহুৰ Xôhur |
শ্বশুর Shôshur |
| ꠢꠠꠣ Hoṛi |
/ɦɔɽi/ | শাহু Xahu |
শাশুড়ি Shashuṛi |
| ꠢꠣꠟꠣ Hala |
/ɦala/ | খুলশালা Khulxala |
শালা Shala |
| ꠢꠣꠟꠤ Hali |
/ɦali/ | খুলশালী Khulxali |
শালী Shali |
| ꠢꠤꠇꠣ Hika |
/ɦika | শিকা Xika |
শেখা Shekha |
| ꠢꠂꠞꠢ Hoiroh |
/ɦoiɾoɦ/ | সৰিয়হ Xôriyôh |
সরষে Shorshe |
ꠟꠦꠈ꠆ꠞꠣꠁꠘ ꠀꠞ ꠉꠛꠦꠡꠇꠅꠇꠟ[edit | edit source]
ꠀꠞꠅ ꠖꠦꠈꠃꠇ꠆ꠇꠣ[edit | edit source]
ꠀꠞ꠆ꠔꠣꠔ[edit | edit source]
ꠛꠣꠞꠣꠔꠣꠔ[edit | edit source]
- ꠉ꠆ꠟꠍ꠆ꠛꠤ ꠍꠤꠟꠐꠤ ꠡꠛ꠆ꠖꠣꠁꠘ
- ꠉ꠆ꠟꠛꠣꠟ ꠞꠦꠇꠞ꠆ꠒꠤꠋ ꠘꠦꠑꠅꠣꠞ꠆ꠇ ꠍꠤꠟꠐꠤ ꠝꠣꠔ ꠢꠥꠘꠤ ꠢꠥꠘꠤ ꠢꠤꠈꠣ
- ꠅꠝ꠆ꠘꠤꠉ꠆ꠟꠐ ꠍꠤꠟꠐꠤ ꠝꠣꠔꠞ ꠛꠣꠁꠟ ꠨ ꠍꠤꠟꠐꠤ ꠛꠞ꠆ꠘꠝꠣꠟꠣ
- ꠍꠤꠟ꠆ꠢꠦꠐꠤ ꠞꠤꠍꠣꠞ꠆ꠌ ꠄꠘ꠆ꠒ ꠐ꠆ꠞꠣꠘ꠆ꠍꠟꠦꠡꠘ ꠍꠤꠟꠐꠤ ꠅꠘꠥꠛꠣꠖ ꠀꠞ ꠉꠛꠦꠡꠘꠣ
ꠟꠇ[edit | edit source]
- ↑ "Sylheti (language) - Wolfram|Alpha Knowledgebase, 2020". www.wolframalpha.com. Retrieved 6 March 2023.
- ↑ https://joshuaproject.net/languages/syl www.joshuaproject.com. Retrieved 19 March 2023.
- ↑ Ghosh, Iman (February 15, 2020). "Ranked: The 100 Most Spoken Languages Around the World". Visual Capitalist. Retrieved March 7, 2023.
- ↑ 4.0 4.1 (Mahanta & Gope 2018:81)
- ↑ The Three Way Tonal System of Sylheti | Raychoudhury | Priti | Mahanta | Shakuntala | date=28 May 2020 | 10th International Conference on Speech Prosody 2020
ꠕꠥꠇꠣꠘꠤ[edit source]
| ꠀ | ꠁ | ꠃ | ꠄ | ꠅ | ꠇ | ꠈ | ꠉ | ꠊ | ꠌ | ꠍ | ꠎ | ꠏ | ꠐ | ꠑ | ꠒ |
| ꠔ | ꠕ | ꠖ | ꠗ | ꠘ | ꠙ | ꠚ | ꠛ | ꠜ | ꠝ | ꠞ | ꠟ | ꠡ | ꠢ | ꠠ | ꠓ |
|
