Jump to content

Wp/syl/ꠄꠞꠢꠣꠍꠥꠎ꠆ꠎꠣꠝꠣꠘ

From Wikimedia Incubator
< Wp‎ | syl
(Redirected from Wp/syl/ꠘꠣꠉꠞꠤ ꠍꠣꠞ)
Wp > syl > ꠄꠞꠢꠣꠍꠥꠎ꠆ꠎꠣꠝꠣꠘ
ꠁ ꠘꠣꠝꠞ ꠀꠞꠎꠣꠔꠤ ꠝꠣꠘꠤ ꠖꠦꠈ꠆ꠔꠦ ꠅꠁꠟꠦ ꠖꠥꠖꠤꠟꠣꠝꠤ ꠢꠞꠣꠘꠤꠞ ꠙꠣꠔꠣ ꠘꠣꠉꠞꠤ ꠖꠦꠈꠂꠇ꠆ꠇꠣ
⁕ ꠄꠞꠢꠣꠍꠥꠎ꠆ꠎꠣꠝꠣꠘ ⁕
ꠘꠣꠉꠞꠤ ꠍꠣꠞ
1948-2018
ꠙꠔꠤꠡ꠆ꠐꠣꠔꠣ
ꠙꠦꠡꠣ
ꠟꠦꠈꠞꠣ - ꠙꠠꠣꠅꠞꠣ - ꠉꠛꠦꠡꠇ

ꠘꠣꠉꠞꠤ ꠍꠣꠞ ꠪ ꠙꠚꠦꠍꠞ ꠄꠞꠢꠣꠍꠥꠎ꠆ꠎꠣꠝꠣꠘ (erɦasuzzaman) (ꠙꠄꠖꠣ ১৯৪৮ ꠡꠣꠟ ꠨ ꠝꠃꠔ ২০১৮) ꠅꠁꠟꠣ ꠍꠤꠟꠐꠤ ꠄꠈꠎꠘ ꠜꠣꠡꠣꠛꠤꠖ ꠀꠞ ꠉꠘꠤꠔꠛꠤꠖ ⁕ ꠔꠣꠁꠘ ꠅꠁꠟꠣ ꠘꠣꠉꠞꠤ ꠜꠣꠡꠣ (ꠍꠤꠟꠐꠤ ꠜꠣꠡꠣ) ꠀꠞ ꠘꠣꠉꠞꠤ ꠝꠣꠔꠞ (ꠍꠤꠟꠐꠤ ꠝꠣꠔ) ꠡꠛꠌꠦ ꠉꠥꠘꠤ ꠉꠛꠦꠡꠇ ꠀꠞ ꠙꠘ꠆ꠒꠤꠔ ꠎꠦꠁꠘ ꠡꠋꠍꠇ꠆ꠞꠤꠔ ꠇꠟꠦꠎꠞ ꠙ꠆ꠞꠚꠦꠍꠞ ꠅꠁꠀꠅ ꠝꠣꠁꠘ꠆ꠡꠞ ꠝꠥꠈꠞ ꠝꠣꠔ (ꠙꠇ꠆ꠞꠤꠔ/ꠀꠘ꠆ꠌꠟꠤꠇ) ꠔꠥꠟꠤꠀ ꠗꠞꠣꠞ ꠌꠦꠡ꠆ꠐꠣ ꠇꠞ꠆ꠍꠂꠘ ⁕ ꠍꠤꠟꠐꠤ ꠢꠞꠚ ꠄꠈꠘ ꠚꠞ꠆ꠎꠘ꠆ꠔ ꠑꠤꠇꠤꠀ ꠕꠣꠈꠣꠞ ꠝꠥꠟ ꠅꠁꠟꠣ ꠄꠞꠢꠣꠍꠥꠎ꠆ꠎꠣꠝꠣꠘ ꠍꠣꠞ ⁕[1] ꠄꠞꠢꠣꠍꠎ꠆ꠎꠣꠝꠣꠘ ꠞ ꠀꠍꠔꠣ ꠎꠤꠛꠘ ꠃ ꠉꠦꠍꠦ ꠘꠣꠉꠞꠤ ꠢꠞꠚꠞ (ꠍꠤꠟꠐꠤ ꠢꠞꠚ) ꠅꠞ ꠙꠤꠍꠦ ⁕ ꠝꠣꠁꠘ꠆ꠡꠦ ꠒꠣꠇ꠆ꠔꠣ ꠀꠄꠘꠣ ꠙꠤꠞ ꠨ ꠙꠤꠞꠣꠇꠤꠞ ꠖꠣꠄ ꠎꠤꠛꠘꠦ ꠛꠤꠀ ꠇꠞꠍꠁꠘ ꠘꠣ ⁕ ꠔꠣꠁꠘ ꠙꠦꠡꠣꠄ ꠀꠍꠟꠣ ꠉꠘꠤꠔꠞ ꠝꠣꠡ꠆ꠐꠞ ⁕ ꠍ꠆ꠞꠤꠢꠐ꠆ꠐ ꠡꠋꠍꠇ꠆ꠞꠤꠔ ꠇꠟꠦꠎ ꠖꠤꠀ ꠔꠣꠘ ꠝꠣꠡ꠆ꠐꠞꠤꠞ ꠡꠥꠞꠥ ⁕ ꠛꠣꠖꠦ ꠄꠝ ꠍꠤ ꠇꠟꠦꠎ ꠨ ꠇꠥꠝꠤꠟ꠆ꠟꠣ ꠐꠤ.ꠐꠤ. ꠇꠟꠦꠎ ꠨ ꠡꠥꠘꠣꠝꠉꠋꠎ ꠡꠞꠈꠣꠞꠤ ꠒꠤꠉ꠆ꠞꠤ ꠇꠟꠦꠎ ꠞ ꠜꠣꠁꠍ ꠙ꠆ꠞꠤꠘꠍꠤꠙꠣꠟ ꠢꠤꠡꠣꠛꠦ ꠍꠣꠈꠞꠤ ꠕꠣꠇꠤ ꠅꠛꠡꠞ ꠟꠁꠍꠁꠘ ⁕ ꠍꠤꠟꠐ ꠘꠣꠉꠞꠤ ꠜꠣꠡꠣ ꠀꠞ ꠢꠞꠚꠞ ꠚꠤꠍꠦ ꠔꠣꠘ ꠈꠣꠝꠞ ꠟꠣꠉꠤ ꠔꠣꠘꠞꠦ ꠢꠇꠟꠦ ꠘꠣꠉꠞꠤ ꠍꠣꠞ ꠨ ꠘꠣꠉꠞꠤ ꠝꠦꠍꠣꠛ ꠨ ꠀꠄꠘꠣ ꠚꠤꠞ ꠘꠣꠝꠦ ꠒꠣꠈꠔꠣ ⁕[2]

ꠍꠤꠟꠐꠤ ꠝꠣꠔꠞ ꠉꠛꠦꠡꠘꠣ[edit | edit source]

ꠍꠤꠟꠐꠤ ꠝꠣꠔ ꠀꠁꠎ ꠅ ꠑꠤꠇꠤꠅꠣ ꠀꠍꠦ ꠍꠣꠞꠞ ꠟꠣꠉꠤ ⁕

ꠌꠣꠇꠞꠤ ꠎꠤꠛꠘ[edit | edit source]

ꠔꠣꠁꠘ ꠉꠘꠤꠔꠞ ꠙ꠆ꠞꠚꠦꠍꠞ ꠀꠍꠟꠣ ⁕ ꠉꠘꠤꠔ ꠅ ꠝꠣꠡ꠆ꠐꠞꠤꠞ ꠟꠣꠉꠤ ꠉꠧꠟ꠆ꠒ ꠝꠦꠒꠦꠟ ꠚꠣꠁꠍꠁꠘ ⁕

ꠘꠤꠎꠞ ꠎꠤꠛꠘ[edit | edit source]

ꠡꠎ ꠡꠞꠟ ꠝꠣꠘꠥꠡ ꠀꠍꠟꠣ ꠄꠞꠢꠣꠍꠥꠎ꠆ꠎꠣꠝꠣꠘ ⁕ ꠀꠍꠤꠟ ꠘꠣ ꠇꠥꠘꠥ ꠅꠢꠋꠇꠣꠞ ⁕ ꠄꠈꠎꠘ ꠚꠥꠞꠣ ꠡꠣꠖꠣ ꠝꠘꠞ ꠝꠣꠘꠥꠡ ⁕ ꠄꠔꠤꠝ  ꠝꠣꠘꠥꠡꠞ ꠟꠣꠉꠤ ꠀꠍꠤꠟ ꠔꠣꠘ ꠛꠤꠡꠦꠡ ꠖꠞꠖ ⁕ ꠘꠤꠎꠦ ꠘꠤꠎꠦ ꠙꠛꠤꠔ꠆ꠞ ꠇꠥꠞꠀꠘꠧꠞ ꠢꠦꠚꠎ ⁕ ꠛꠍꠞꠞ ꠛꠦꠡꠤꠞ ꠜꠣꠉ ꠡꠝꠄ ꠞꠥꠎꠣ ꠞꠣꠈꠔꠣ ⁕ ꠚꠥꠞꠣ ꠖꠥꠘꠤꠀ ꠛꠤꠝꠥꠈ ꠁ ꠝꠣꠘꠥꠡꠐꠣ ꠄꠈꠛꠣꠞ ꠖꠇꠇꠤꠘ ꠡꠥꠞꠝꠣꠔ ꠄꠈꠐꠣ ꠝꠣꠖ꠆ꠞꠣꠡꠣ ꠛꠣꠘꠣꠁꠍꠟꠣ ⁕ ꠄꠈ ꠡꠝꠅ ꠁꠘꠅ ꠖꠡ/ꠛꠣꠞꠧꠎꠘ ꠄꠔꠤꠝꠞꠦ ꠟꠁꠀ ꠔꠣꠁꠘ ꠔꠣꠈꠔꠣꠅ ⁕ 1986 ꠡꠣꠟꠅ ꠔꠣꠁꠘ ꠍꠦꠋꠉꠞꠈꠣꠟ ꠄꠈꠐꠣ ꠛꠣꠡꠞ ꠢꠣꠈꠝ ꠛꠣꠘꠣꠁꠀ ꠖꠤꠍꠟꠣ ⁕ ꠔꠣꠘ ꠞꠥꠎꠤꠞ ꠐꠦꠈꠣ ꠖꠤ ꠝꠣꠘꠥꠡꠧꠞ ꠜꠣꠟꠣꠁ ꠇꠣꠝ ꠨ ꠗꠞ꠆ꠝꠤꠅ ꠡꠤꠇ꠆ꠇꠣ ꠀꠞ ꠙ꠆ꠞꠣꠔꠤꠡ꠆ꠑꠣꠘꠤꠇ ꠡꠤꠇ꠆ꠇꠣ ꠖꠤꠔꠣ ⁕ ꠟꠉꠦ ꠍꠤꠟꠐ ꠘꠣꠉꠞꠤ ꠟꠤꠙꠤꠞ ꠙ꠆ꠞꠇꠣꠡ ꠀꠞ ꠙ꠆ꠞꠌꠣꠞꠅ ꠛꠢꠥꠔ ꠇꠞꠍꠂꠘ ⁕

ꠔꠣꠘ ꠟꠦꠈꠣ ꠛꠁ[edit | edit source]

ꠄꠞꠢꠣꠍꠥꠎ꠆ꠣꠎꠣꠝꠣꠘꠞ ꠟꠦꠈꠣ ꠛꠁ ꠅꠁꠟ "ꠍꠤꠟꠐꠤ ꠘꠣꠉꠞꠤ" ⁕ ꠁꠈꠣꠘ ꠍꠣꠠꠣꠅ ꠀꠞꠅ ꠇꠄꠇꠐꠣ ꠛꠁ ꠟꠦꠈꠍꠁꠘ ꠔꠣꠁꠘ ⁕

ꠝꠃꠔ[edit | edit source]

2018 ꠡꠣꠟꠅ ⁕

ꠀꠞꠅ ꠖꠦꠈꠂꠘ[edit | edit source]

ꠟꠇ[edit | edit source]

  1. ꠅꠄꠛꠔꠘꠦ নাগরী ভাষা সাধক এরহাসুজ্জামান (ꠛꠦꠋꠉꠟꠤꠖꠤ) ꠨ ꠘꠄꠀ ꠖꠤꠉꠘ꠆ꠔ ꠨ ꠖꠦꠈꠣ 25 ꠎꠥꠟꠣꠁ 2022
  2. ꠅꠄꠛꠔꠘꠦ নাগরী মোল্লা নাগরী মিয়াসাব বা নাগরী স্যার (ꠛꠣꠋꠟꠣꠖꠤ) ꠨ ꠇꠣꠟꠦꠞ ꠇꠘ꠆ꠑ ꠨ ꠖꠦꠈꠣ 25 ꠎꠥꠟꠣꠁ 2022