Wp/qug/Sebastián de Belalcázar

From Wikimedia Incubator
< Wp‎ | qug
Wp > qug > Sebastián de Belalcázar

Sebastián de Belalcázar (1480, Belalcázar, España - 1551, Cartagena, Colombia) shuk España mamallaktamanta shamuk kunkistadurmi karka. Payka Dariyin llaktaman rirka, 1514 watapi, chaypi kapitan nishkami karka. Kashna, Francisco Hernández de Córdoba makanakukkunata pushakwan, Nicaragua mamallaktaman rirka, chaypi, 1524 watapi León llaktapak alkalde tukunkapakka akllashkami karka. 1532 watapi, Francisco Pizarro-wan, Perú mamallaktaman rirka, Tawantinsuyuta atinkapak. Atawalpaka ña wanchishkami kakpika, Belalcázarka chinchayman rirka, kashna, Kitu llaktata atirka, Rumiñawi awkak pushakta wanchishpa.

Chay kipa, kutin chinchayman rirka, Urin Kulumbya atinkapak. Guayakil llaktata, Neiva llaktata, Popayán llaktatapash kamarirka. Shinapash, chay watakunapi, ashta Awya Yala runakunaka Ikwadurpi, Kulumbyapipash Belalcázarmanta wañurka, unkuymanta, yarkaymanta, makanakuykunamantapash. 1540 watamanta, 1551 watakaman, Carlos V apukka (España mamallaktapak kapak inka) payta Urin Kolumbya hatun pushakmi tukurka. 1551 watapi, España mamallaktaman tigrashpaka, Belalcázarka Cartagena llaktapi wañurka.