Wp/mag/हिन्दी
हिन्दी एगो हिन्द-आर्यभाषा हे जे मुखरूपसे उत्तरी, मध्ध, पूरुबी आउ पच्छिमी भारतके भागके सामिल करित हिन्दीपट्टी क्षेत्रमे बोलल जाहे । हिन्दीके हिन्दुस्थानीभाषाके एगो मानकीकृत आफ सन्स्कृतकृत पञ्जिकाके रूपमे बर्नित करल गेलीहे, जे स्वयं मुखरूपसे दिल्ली आउ उत्तरभारतके पड़ोसी क्षेत्रके खड़ीबोलीपर आधारित हे । देवनागरी लिपिमे लिखे जायेवाला हिन्दी अङ्ग्रेजीके साथे-साथे भारतसरकारके दु अधिकारिक भाषामे से एक हे । ई ९ राज्ज आउ ३ केन्द्रसासितपरदेसमे अधिकारिकभाषा हे आउ ३ अन्य राज्जमे अतिरिक्त अधिकारिकभाषा हे । हिन्दी भारतगनराज्जके २२ अनुसूचित भासोमे से एक हे ।
हिन्दी हिन्दीपट्टीके सम्पर्कभाषा हे । ई कुछ हदतक भारतके अन्य भागोमे बोलल जाहे (आमतौरपर एगो सरलीकृत या पिजिनाइज्ड् किस्म जैसे बजार हिन्दुस्थानी या हाफलोङ्ग् हिन्दी) । भारतके बाहरे कई अन्य भाषाके अधिकारिक तौर पर "हिन्दी" के रूपमे मान्यता प्राप्त हे, किन्तु इहाँ बर्नित मानक हिन्दीभाषाके उल्लेख न करहे आउ एकर बजाय अबधी आउ भोजपुरी जैसन अन्य बोलीसे निकललैहे । ऐसन भाषामे फिजी हिन्दी सामिल हे, जेकरा फिजीमे अधिकारिक दर्जा प्राप्त हे, आउ कैरेबीय हिन्दुस्थानी, जे त्रिनिदाद् आउ टोबैगो, गयाना आउ सूरीनाममे बोलल जाहे । लिपि आउ औपचारिक सब्दावलीके अतिरिक्त, मानकहिन्दी मानक उर्दू, जे हिन्दुस्थानीके एगो आउ मान्यता प्राप्त पञ्जिका हे काहेकि दुनो समान्य बोलचालके आधार साझा करहे, के साथ पारस्परिकरूपसे सुगम हे ।
भाषायी बिविधताके रूपमे हिन्दी बिश्वमे मन्दारिन्, स्पेनिस् आउ अङ्ग्रेजीके बाद चौथा सबसे अधिक बोले जायेवाला पहिला भाषा हे । उर्दूके साथे हिन्दुस्थानीके रूपमे हिन्दी, मन्दारिन् आउ अङ्ग्रेजीके बाद बिश्वमे तीसरा सबसे अधिक बोले जायेवाला भाषा हे ।