Wp/mag/देओघर

देओघर देवघर बैद्यनाथधाम बाबाधाम
नगर निगम
देश	भारत
राज्य	झारखण्ड
मण्डल	देवघर
क्षेत्रफल	२,४७९  किमी२ (  वर्गमील)
उन्नतान्श	२५४  मी (  फीट)

देओघर वा देवघर भारतके झारखण्ड राज्यके एगो नगर हे । ई देओघर मण्डलके मुख्यालय आउ हिन्दुके प्रसिद्ध तीर्थस्थल हे । ई 'बाबाधाम' नामोसे जानल जाहे । हियाँ भगवान् शिवके एगो अत्यन्त प्राचीन मन्दिर स्थित हे । प्रत्तेक सावनमे हियाँ लाखोसभ शिवभक्तके भीड़ उमड़हे । हियाँ भारतके बिभिन्नभागसे तीर्थजातरी आउ पर्यटक ऐवे करहथ, बिदेसोसे पर्यटक आवहथ । ईसभ भक्तके 'काँवरिया' कहल जाहे । ई शिवभक्त बिहारमे सुल्तानगञ्जसे गङ्गानदीसे गङ्गाजल लेके १०५ किलोमीटरके दूरी पैदल तयकरके देओघरमे भगवान् शिवके जल अर्पित करहथ । शिवपुराणमे लिखल हे ई मन्दिर श्मशानमे हे । परन्तु श्मशान नदीके तटपर होवहे । श्मशानमे कोई कुआँ न होवे जखनकि देओघरके प्राङ्गणमे कुआँ हे ।

देवघर, उत्तरी अक्षांश २४.४८ डिग्री आउ पूर्वी देशान्तर ८६.७ पर स्थित है । एकर मानक समुद्र तलसे ऊँचाई 254 मीटर (833 फीट) है ।

देवघर १२ ज्योतिर्लिङ्ग मे से एक वैद्यनाथ ज्योतिर्लिङ्गके स्थान है । एकर इलावा देवघर ५१ शक्तिपीठ मे से एक माँ तारापीठो है । देवघरके वार्षिक श्रावण मेला भारतके सबसे बड़ मेलमे से एक है ।

देवघरके भगवान शिवके निवास स्थानके रूपमे मानल जा है । एहाँ स्थित वैद्यनाथ मन्दिरमे भगवान शिवके पूजा कैल जा है । मन्दिरके गर्भगृह त्रिकोणीय आकारके है आउ एकरामे एक करिया शिवलिङ्ग स्थापित है ।

नामके उद्गम

देवघर शब्दके निर्माण देव + घर से होलै हे । एहाँ देवके अर्थ देवी-देवतासे है आउ घरके अर्थ निवास स्थानसे है । देवघर "बैद्यनाथधाम", "बाबाधाम" आदि नामोसे जानल जा है ।

जनसाङ्ख्यिकी

२०११ के भारत जनगणनाके अनुसार देवघरके जनसङ्ख्या २,०३,११६ है जेकरामे से १७.६२% लैकन ६ वर्षसे कम आयुके है । कुल जनसङ्ख्याके ५२% भाग पुरूष है आउ ४८% महिला है । २०११ के अनुसार देवघरके औसत साक्षरता दर ६६.३४% है जे राष्ट्रीय औसत दर ७४.४% से कम है । पुरूष साक्षरता ७९.१३% आउ महिला साक्षरता ५२.३९% है ।

सम्बन्धित लेख

• जनसङ्ख्या अनुसार भारतके नगरके सूची
• भारतके महानगर
• देओघर मण्डल