Jump to content

Wp/mag/केरल

From Wikimedia Incubator
< Wp‎ | mag
Wp > mag > केरल

केरल (केरळ; मलयाल: കേരളം, केरळम्) भारतके एगो राज्ज हे । एकर राजधानी तिरुवनन्तपुरम् (त्रिवेन्द्रम्) हे । मलयाल हिँयाके मुख्यभाषा हे । हिन्दु आउ मुसलमानके अतिरिक्त हिँया ईसाइयो बड़सङ्ख्यामे रहहथिन । भारतके दक्खिन-पच्छिमी सीमापर अरबसागर आउ सह्याद्रि पर्बत श्रृङ्खलाके मध्ध एगो सुन्दर भूभाग स्थित है, जकरा केरल नामसे जानल जाहै । ई राज्जके क्षेत्रफल ३८,८६३ बर्गकिलोमीटर् हे आउ हिँया मलयालभाषा बोलल जाहे । अपन सन्स्कृति आउ भाषा-वैशिष्ट्यके चलते पहचाने जाएबाला भारतके दक्खिनमे स्थित चार राज्जमे केरल प्रमुख स्थान रखहे । एकर पड़ोसी राज्ज तमिल्नाडु आउ कर्नाटक हे । पुदुच्चेरी (पाण्डिचेरि) प्रदेसके माहि नामसे जानल जाएवाला भूभागो केरल राज्जके अन्तर्गत स्थित हे । अरबसागरमे स्थित केन्द्रसासितप्रदेस लक्षद्वीपोके भाषा आउ सन्स्कृतिके दृष्टिसे केरलके साथे अटूट सम्बन्ध हे । स्बतन्त्रता प्राप्तिसे पहिले केरलमे राजाके रियासत हल । जुलाई १९४९ मे तिरुविताङ्कूर आउ कोच्चिन रियासतके जोड़के 'तिरुकोच्चि' राज्जके गठन करल गेलै । उबेरा मालाबारप्रदेस मद्रासराज्ज (बर्तमान तमिल्नाडु) के एगो मण्डल मात्र हलै । नबम्बर १९५६ मे तिरुकोच्चिके साथे मलाबारोके जोड़ल गेलै आउ ई तरह बर्तमान केरलके स्थापना होलै । इप्रकार 'ऐक्य केरलम्' के गठनके द्वारा ई भूभागके जनताके दीर्घकालीन अभिलाषा पूरा होलै ।

सम्बन्धित लेख[edit | edit source]

सन्दर्भ[edit | edit source]