Wp/isv/Nedělja

Nedělja jest sedmy denj v sedmici, denj medžu subotoju i ponedělkom. V redu krajev nedělja jest prvy denj sedmice, suprotiv standarda ISO 8601. Nedělja jest obyčajno drugy i poslědnji denj odpočinka v krajah s 5-dnjevnoju rabočeju sedmiceju.

V katolicizmu nedělja jest denj glavnoj molitvy, ktoru dělajut vměstu v crkvah, i nedělja imaje značeńje dnja odpočinka, ktory v judaizmu zajmaje subota ("šabat"). V hristijanstvu čelkom nedělja imaje važno značeńje kako denj vozkrešenja Jezusa.

V večinstvu slovjanskyh jezykov ime nedělji proizhode od slov "ne dělati" kako obyčajny denj odpočinka, v ktory ne rabotajut (běl.: нядзеля; bulg.: недела; češ.: neděle; mak.: недела; pol.: niedziela; srbohrv.: nedjelja; slovač.: nedeľa; sloven.: nedelja; ukr.: неділя). Jednako v russkom jezyku, vně crkovnogo jezyka, nedělja imaje ime воскресенье ("[denj za] vozkrešenje"), a slovo "nedělja" koristajut dlja opisa vsej sedmice. V romansskyh i germanskyh jezykah ime nedělji proizhode od slov "denj Solnca". V inyh jezykah nedělja često imaje nazvu "7. denj", jestli sčitati od ponedělka, ili "1. denj", jestli sčitati od nedělji.

Vněšnje linky

• Tutoj članok imaje prěvod iz članka "Sunday" v Vikipediji na anglijskom (spis avtorov; dozvoljeńje CC BY-SA 4.0).