Wp/isv/Slovenečsky jezyk

Tutoj članok jest o južnoslovjanskom jezyku. Dlja zapadnoslovjanskogo jezyka, na ktorom govoret v Slovakiji, zrite Slovačsky jezyk.

Jezyk

Slovenečsky

sloven.: slovenščina, slovenski jezik
Narěčja slovenečskogo jezyka (na russkom)
Obča informacija
Ozemja	Slovenija i slovenečska diaspora
Govoritelji	kolo 2,5 milionov (2010)
Pismo	latinica
Služebny status
Služebny jezyk	Slovenija Evropejsky sojuz
Poznanny jezyk menšinstv	Avstrija Italija
Jezyčna rodina
Indoevropejske jezyky Baltoslovjanske jezyky Slovjanske jezyky Južnoslovjanske jezyky Slovenečsky jezyk

Slovenečsky ili slovensky jezyk jest južnoslovjansky jezyk, koj glavno koristajut Slovenci, od ktoryh množinstvo žive v Sloveniji. Slovenečsky jezyk jest služebny jezyk Slovenije i jedin iz 24 služebnyh jezykov Evropejskogo sojuza.

Historija

Najstarějše pisemne pomniky, ktore okazyvajut tipične slovenečske jezyčne svojstva, sut Bržinski pomnici pisane medžu 927. i 1039. godom, ale teksty, ktore sodrživajut, sut věrojetno iz 8. stolětja. V 16. stolětju se stvarjaje slovenečsky kniževny jezyk, ktory jest započel Primož Trubar. On 1550. goda jest pečetal Katekizam i Abecedarij, 1557-1560. je prěvedl Novi zavjet i 1564. jest opublikoval Cerkovna ordinga. Prvu knigu gramatiky jest napisal Adam Bohorič 1584. goda, a prvy slovnik jest napisal Jeronim Megiser 1592. god.

V vrěme kontrareformacije razvijanje slovenečskogo jezyka se obstanavjaje, ale potrvaje v 18. stolětju. Jezyčny standard jest tvorjeny v srědině 19. stolětja.

Narěčja

Slovenečsky jezyk obsegaje mnogo narěčij, ktore se grupujut v 7 skupinah:

• dolenjska
• gorenjska
• štajerska
• panonska
• koruška
• primorska
• rovtarska

Dolenjska i gorenjska skupina se zajedno nazyvajut "srědnja skupina".