Wp/fit/Sloveenia

From Wikimedia Incubator
< Wp‎ | fitWp > fit > Sloveenia
Jump to navigation Jump to search
Flag of Slovenia.svg
EU-Slovenia.svg

Sloveenian tasavalta eli Sloveenia sijaittee Balkanin niemimaala ja on pinta-alalthaan melko pieni valtio, noin 20 000 kvatraattikilometriä. Asukhaita on runshaat kaksi miljoonaa.

Slaavit asutit alueen 500-luvula ja vuoesta 788 sitä hallitit frankit ja 907–955 Ungerni. Vuoesta 1335 nyky-Sloveenian alueet olit Habsburgitten hallinnossa. Se oli osa Itävallan Krainin, Steiermarkin ja Kärntenin kruununmaita aina Itävalta-Ungernin romahtuksheen asti 1918.

Ensimäisen maailmansoan jälkhiin Sloveeniasta tuli osa Jugoslaviaa. Jugoslavian nimi olikin aluks (1918–1929) Serbitten, Kroaatitten ja Sloveenitten kuninkaskunta. Päinvastoin kuin kranni Kroatiassa, maassa ei ollu juuri autonomiahaahveita. Toisessa maailmansoassa Italia, Ungerni ja Saksa miehitit Slovenian.

Vuona 1989 puolueitten perustaminen tuli maholiseksi ja huhtikuussa 1990 piethiin ensimäiset monipuoluevaalit. Komunistit nimitit ittensä Demokraattisen uuistuksen puolueeksi (PDR) ja otti käythöön sosiaalidemokraattisen prukrammin, mutta hävisit kuuen puolueen Sloveenian demokraattiselle opposisuunile (DEMOS). Oikeistolainen ja nasiunalistinen DEMOS ajoi ittenäisyyttä, mutta PDR:n Kučan, joka valithiin vaphaasti presidentiksi, loi uuen hallituksen joka ajoi löyhempää Jugoslavian liittovaltiota, mitä Serbia vastusti.

Ittenäistyminen[edit]

23. joulukuuta 1990 pietyssä kansanäänestyksessä 88,2 % kannatti Sloveenian ittenäisyyttä ja sitä alethiin valmistelemhaan. Kevväilä 1991 perustethiin Sloveenian alueelinen puolustusvoima. Toukokuun 1991 ilmoituksen jälkhiin, ette sekä Sloveenian ette Kroatia irtaantuisit Jugoslaviasta, aloit maan rajoila levottomuuet joissa kuoli yli sata ihmistä. Euruupan yhteisö neuvotteli tulitauon Sloveenian lykätessä ittenäisyysjulistusta kolmela kuukauela ja Jugoslavian kansalisen armean (JNA) vetäytyessä maasta.[

Slovenia julistautui ittenäiseks 25. kesäkuuta 1991.