Wp/bew/Transnistri

From Wikimedia Incubator
< Wp‎ | bew
Wp > bew > Transnistri
Kiblik Moldawi Pridenèstrowi
Република Молдовеняскэ Нистрянэ (Rumèn)[1]
Republica Moldovenească Nistreană
Приднестровская Молдавская Республика (Rus)
Pridnestrovskaja Moldavskaja Respublika
Придністровська Молдавська Республіка
Prydnistrovska Moldavska Respublika
Hopstad Tiraspol
Nama penghuni Transnistri


Transnistri (hurup Arab Gundul: ترنسنسترى; basa Rumèn: Нистрения Nistrenia; basa Rus: Приднестровье Pridnestrov'e; basa Ukrain: Придністров'я Prydnistrov'ya) atawa resminya Kiblik Moldawi Pridenèstrowi (hurup Arab Gundul: ترنسنسترى; basa Rumèn: Република Молдовеняскэ Нистрянэ Republica Moldovenească Nistreană; basa Rus: Приднестро́вская Молда́вская Респу́блика Pridnestróvskaya Moldávskaya Respúblika; basa Ukrain: Придністро́вська Молда́вська Респу́бліка Prydnistróvska Moldávska Respúblika) entu atu negara secara hakèkat (de facto) di Èropa Wètan. Ni negara ada semprakan antara 1990 ama 1992, abisnya bubarannya Uni Sowièt. Ni negara mroklamirin dia punya kemerdèkaan deri Moldawi tanggal 2 Sèptèmber 1990. Dengen soldadu Rus punya bantuan, ni negara barengan ngalahin soldadu Moldawi di Perang Transnistri. Semprakan tahon 1992 udah ada damé, cuman Mejelis Èropa tetep nganggep Transnistri sebagé kawasan "selèk adem". Ampé wayah gini, ora ada negara barang seacan nyang ngakuin Transnistri, walakin nyang ada malah dianggep bagèan deri Moldawi.

Ada dèbat apa Transnistri entu beneran negara, apa bukan. Ni negara diakuin ama tiga negara laèn nyang juga' kaga' diakuin atawa separodiakuin, kaya': Abhasi, Karabag Gunung, èn Osèti Kidul. Ni kawasan pepes ngakuin kemerdèkaannya èn betingka bèbas di dia punya daèrah dengen bantuan soldadu perdaméan deri laèn negara.

Dalem penanggokan suara per 17 Sèptèmber 2006,97% orang pada milih merdèka deri Moldawi. Ni hasil tanggokan suara kaga' diterima ama Moldawi, nyang nggero' ni dèrah "Daèrah Lingir Kèbot Denèster".

Transnistri entu atu-atunya negara nyang masing maké lambang palu arit di bendèranya.[2]

Ruslan ada punya embanan gedé di ni wilayah. Sekitar 1.500 ampé 2.000 soldadu Rusia dijogrogin di mari. Sebagé lagi, bisa-bisa ampé 10.000 soldadu paramilitèr.

Orang Moldawi, Rus, ama Ukrain masing-masing jumblahnya 1/3 deri seruruh penduduknya.

Ruju'an[edit | edit source]

  1. Hurup Sirilik
  2. "The country that doesn't exist".