Wp/bew/Walès

Walès Wales (Inggris) Cymru (Wèles)
Ibu negeri	Kardip
Nama pengendek	Walès, Wèles

Walès (hurup Arab Gundul: والس; basa Inggris: Wales; basa Wèles: Cymru) atawa Wèles (hurup Arab Gundul: ويلس) entu atu negara deri negara nyang empat nyang jadi bagèan deri Kerajaan Rempug. Ni negara ada di bekulonnya Inggris, di blètannya Laot Ir ama Irlan.

Walès entu atu deri gutekan Kèltik di Britani. Orang aslinya Walès, orang Wèles (hurup Arab Gundul: اورڠ ويلس), ada punya budaya ama terdisinya sendèwèk. Dia pada gè' juga' gableg basa Kèltiknya sendèwèk, ya'entu basa Wèles. Cuman, èmang kaga' semua orang Wèles gableg ngomong Wèles, mar palingan mah masing dipaké ama 20%-an deri jumblah orang-orang Wèles. Èmang, orang Wèles mah pada udah bisa ngomong Ingggris, hata sebagèan besarnya malah cuman bisa' basa Inggris. Basa Wèles entu juga' jadi basa resmi, selaènnya basa Inggris, èn ada punya status nyang sepantar.

Ada tiga juta orangan nyang tinggal di Walès. Kebanyakannya mah pada tinggal di beludik ama belah kidul-wètannya ni negara. Di ni gutekanla ada dia punya hopstad ama kota paling gedénya, ya'entu Kardip. Adapun kota paling gedé abisnya entu Swansi.