Wp/bew/Slowaki

Kiblik Slowak
Slovenská republika (Slowak)

Ibu negeri

Bratislawa

Nama pengendek

Slowak

Slowaki (hurup Arab Gundul: سلواكى atawa اسلواكى; basa Slowak: Slovensko) atawa resminya Kiblik^[1] Slowak (hurup Arab Gundul: کبليک سلواكى; basa Slowak: Slovenská republika) entu atu negara nyang ora gableg jalan ke laot di tenga-tenga Èropa. Ni negara watesan ama Ostenrèk di belah kidul-wètannya, Honggari – di bekidulnya, Ukrain – di blètannya, Polen – blèlirnya, èn Kiblik Cèk di belah lor-wètannya. Dia punya hopstad^[2] nama Bratislawa atawa Prèsbereh, atu-atunya hopstat di dunia nyang watesan ama dua negara laènnya. Adapun kota-kota gedé laènnya antara laèn Kaso (Košice), Prèso (Prešov), Silèn (Žilina), Swolen Baru (Banská Bystrica), Trèncin (Trenčín), Nitra, èn Tirno (Trnava). Slowaki udah jadi anggota Uni Èropa semprakan tahon 2004 èn mata uang resminya èuro.

Adapun orang Slowaki digero'nya orang Slowak (hurup Arab Gundul: اورڠ سلواک atawa اورڠ اسلواک).

Ruju'an

↑ Chaer, Abdul. (2009). Kamus Dialek Jakarta. K. Rép. Penerbit Masup Jakarta. Kiblik (hurup Arab Gundul: کبليک) – republik (Indo.); republic (Ing.).
↑ Hopstat atawa hopstad (hurup Arab Gundul: هوفستت atawa هوفستاد) – ibukota (Indo.); capital (Ing.); hoofdstad (Wld.).

[1] Chaer, Abdul. (2009). Kamus Dialek Jakarta. K. Rép. Penerbit Masup Jakarta. Kiblik (hurup Arab Gundul: کبليک) – republik (Indo.); republic (Ing.).

[2] Hopstat atawa hopstad (hurup Arab Gundul: هوفستت atawa هوفستاد) – ibukota (Indo.); capital (Ing.); hoofdstad (Wld.).

[1]

[2]