Wp/bew/Skotlan

From Wikimedia Incubator
< Wp‎ | bew
Wp > bew > Skotlan
Skotlan
Scotland (Inggris)
Scotland (Skot)
Alba (Gaèlik Skot)
Hopstad Èdinbereh
Nama penghuni Skot


Skotlan (hurup Arab Gundul: سكوتلند atawa اسكوتلند atawa سخوتلند atawa اسخوتلند; basa Gaèlik Skot: Alba; basa Skot: Scotland; basa Inggris: Scotland) atawa Negeri Skot (hurup Arab Gundul: نݢرى سكوت atawa نݢرى اسكوت atawa نݢرى سخوت atawa نݢرى اسخوت ) entu atu negara deri negara nyang empat deri Kerajaan Rempug. Skotlan entu sepertiga bagèan lornya Britani Gedé (atu pulo di Laotan Atlantik Lor). Ada banyak laèn-laèn pulo di Kepuloan Britani nyang juga' masup ke Skotlan punya bagèan. Bekidulnya Skotlan ada Inggris, blètannya – Laot Lor, bekulonnya Laotan Atlantik, èn belah kidul-kulonnya – Laot Ir.

Skotlan punya hopstad[1] entu Èdinbereh di lingir panté wètannya, cuman kota paling gedénya entu Glasgo. Ada juga' laèn-laèn kota nyang juga' gedé, antara laèn: Aberdan, Dandi, Inwernès, Peret, ama Stirling. Ada 5 jutaan orang nyang tinggal di Skotlan. Kebanyakannya mah orang pada tinggal di Sabuk Sintrem, atu gutekan antara Tana Tinggi Skot ama Tana Renda Skot.

Adapun Skotlan punya bendèra warnyanya blao ada palang miring putinya. Ni palang – Sint-Andréas punya palang, nyang dianggep sebagé penglindung Skotlan. Ada juga' laèn-laèn lambang nyang dipaké bakal Skotlan, antara laèn dedurian ama kuda tanduk atu. Sebagé lagi, gambar singa mèra bediri madep kèbot di latar warna emas ama lingiran warna mèra juga' lambang terdisionil kerajaan Skot.

Adapun orang Skotlan digero'nya orang Skot (hurup Arab Gundul: اورڠ سكوت atawa اورڠ اسكوت atawa اورڠ سخوت atawa اورڠ اسخوت ).

Ruju'an[edit | edit source]

  1. Hopstat atawa hopstad (hurup Arab Gundul: هوفستت atawa هوفستاد) – ibukota (Indo.); capital (Ing.); hoofdstad (Wld.).