Wp/bew/Britani Gedé (pulo)

From Wikimedia Incubator
< Wp‎ | bew
(Redirected from Wp/bew/Pulo Britani Gedé)
Wp > bew > Britani Gedé (pulo)
Potrèt implengan satelit Britani Gedé selamanya April 2002

Britani Gedé (hurup Arab Gundul: فولو بريطانى ݢدى; Inggris: Great Britain) entu atu pulo di lepas panté lor kulon Èropa. Luasnya – 209.331 km2. Ni pulo – paling gedé seantéro Èropa èn ke-9 seantèro dunia.

Di belah kulonnya Britani Gedé ada Irlan, nyebrangin Laot Ir. Sebrangnya Selat Inggris di beludiknya Britani Gedé ada Prasman. Sebrang Laot Lor di blètannya ada Bèlgi, Nèderlan, Dètslan, Dènemarken, ama Norwèhen. Barengan ama laèn-laèn pulo nyang lebi kecit, ni pulo jadi bagèan deri atu kepuloan nama Kepuloan Britani (basa Inggris: British Isles)

Ni pulo bagèan deri Kerajaan Rempug, atu negara daulat nyang namanya sama-sama Britani ama ni pulo. Adapun tiga deri Kerajaan Rempug punya negeri bagèan entu antara laèn Inggris, Skotlan, ama Walès. Kota nyang paling gedé di Britani Gedé – Londen. Londen entu Kerajaan Rempug sekalian jadi Inggris punya ibu negeri. Sebagèan besarnya ni pulo entu masup Inggris punya bagèan. Sepertiga bagèan di blèlirnya ni pulo entu Skotlan punya bagèan, èn di belah kidul-kulon – Walès.

Kerajaan Rempug gableg nama Britani Gedé pas jaman antara Wèt Penggabregan 1707 ama Wèt Penggabregan 1800. Irlan Lor kaga' di Pulo Britani Gedé punya bagèan, cuman masup jadi Kerajaan Rempug Britani Gedé èn Irlan Lor punya bagèan. Britani Gedé entu bukan nama resmi deri negaranya sekarang. Ada orang nyang gero Kerajaan Rempug 'Britani Gedé' èn ada orang deri laèn bilangan Kerajaan Rempug nyang ora demen nyang orang pada kadung lumpar ama ni nama.

Ruju'an[edit | edit source]