Wp/bew/Pinlan

Kiblik Pinlan
Suomen tasavalta (Pin)
Republiken Finland (Swèd)

Ibu negeri

Hèlsingki

Nama pengendek

Pinlan (hurup Arab Gundul: فنلند; basa Pin: Suomi; basa Swèd: Finland) atawa Negeri Pin (hurup Arab Gundul: نݢرى فن) atawa resminya Kiblik^[1] Pinlan (hurup Arab Gundul: کبليک فنلند; basa Pin: Suomen tasavalta; basa Swèd: Republiken Finland) entu atu negara di Èropa Lor nyang juga' anggota deri Uni Èropa. Pinlan juga' salah atu negara Norden nyang juga' masup bagèan Pènoskandinawi. Ni negara watesan ama Swèden di bekulonnya, Norwèhen di blèlirnya, Ruslan di blètannya, èn Èstlan di kidulnya. Sebagé lagi, ni negara juga' letaknya mangap ke Telok Pinlan. Sebagèan besar bilangan kulon ama kidulnya entu lingiran panté ke Laot Baltik. Adapun dia punya hopstad^[2] nama Hèlsingki atawa Hèslingki.

Ada sekitaran 5,5 juta orangan nyang tinggal di Pinlan. Orang Pinlan juga' bisa digero' sebagé orang Pin (hurup Arab Gundul: اورڠ فن). Ni negara punya basa resmi entu basa Pin ama Swèd, cuman basa Pin entu nyang paling banyak dipaké èn jadi basa enya'nya 90% deri dia punya penduduk. Adapun basa Swèd dipaké ama minoritèt kaum Swèd Pinlan, nyang digero' sebagé kaum Swèd-Pin, nyang jumblahnya sekitar 5% deri semua penduduknya. Ni negara merdèka deri Ruslan pas 6 Désèmber tahon 1917.

Ruju'an

↑ Chaer, Abdul. (2009). Kamus Dialek Jakarta. K. Rép. Penerbit Masup Jakarta. Kiblik (hurup Arab Gundul: کبليک) – republik (Indo.); republic (Ing.).
↑ Hopstat atawa hopstad (hurup Arab Gundul: هوفستت atawa هوفستاد) – ibukota (Indo.); capital (Ing.); hoofdstad (Wld.).

[1] Chaer, Abdul. (2009). Kamus Dialek Jakarta. K. Rép. Penerbit Masup Jakarta. Kiblik (hurup Arab Gundul: کبليک) – republik (Indo.); republic (Ing.).

[2] Hopstat atawa hopstad (hurup Arab Gundul: هوفستت atawa هوفستاد) – ibukota (Indo.); capital (Ing.); hoofdstad (Wld.).

[1]

[2]