Wp/bew/Sejarah Indonésia
- Wp/bew/Manusia Jawa (1,000,000 BP)
- Manusia Plorès (94,000–12,000 SS)
- Bencana Toba (75,000 SS)
- Wp/bew/Peradaban Buni (400 SM)
- Kerajaan Kuté (350–1605)
- Wp/bew/Kerajaan Tarumanegara (400s–500s)
- Wp/bew/Kerajaan Kalingga (500s–600s)
- Wp/bew/Kerajaan Melayu (600s–1347)
- Kerajaan Sriwijaya (600s–1025)
- Wangsa Saèlèndra (600s–900s)
- Wp/bew/Kerajaan Mataram (716–1016)
- Wp/bew/Kerajaan Bali (914–1908)
- Wp/bew/Kerajaan Sunda (932–1579)
- Kerajaan Kahuripan (1019–1045)
- Wp/bew/Kerajaan Kediri (1045–1221)
- Wp/bew/Kerajaan Darmasraya (1183–1347)
- Wp/bew/Kerajaan Pané (1000s–1300s)
- Wp/bew/Kerajaan Singasari (1222–1292)
- Kerajaan Majapahit (1293–1527)
- Ngamprahnya Selam (800–1600)
- Wp/bew/Kesultanan Perlak (840–1292)
- Wp/bew/Kerajaan Aru (1225–1613)
- Wp/bew/Kesultanan Ternaté (1257–1914)
- Wp/bew/Kesultanan Samudra Pasé (1267–1521)
- Wp/bew/Kerajaan Pagerruyung (1347–1833)
- Wp/bew/Kesultanan Bruné (1368–1888)
- Wp/bew/Kesultanan Melaka (1400–1511)
- Wp/bew/Kesultanan Sulu (1405–1851)
- Wp/bew/Kesultanan Cerbon (1445–1677)
- Wp/bew/Kesultanan Demak (1475–1554)
- Wp/bew/Kesultanan Acéh (1496–1903)
- Wp/bew/Kesultanan Ternaté (1486–1914)
- Wp/bew/Kesultanan Bacan (1515–1946)
- Wp/bew/Kesultanan Tidoré (1500s–1967)
- Wp/bew/Kesultanan Jaèlolo (1496–1903)
- Wp/bew/Kesultanan Banten (1526–1813)
- Wp/bew/Kesultanan Banjar (1526–1863)
- Wp/bew/Kesultanan Kalinyamat (1527–1599)
- Wp/bew/Kesultanan Mataram (1500s–1700s)
- Wp/bew/Kesultanan Johor (1528s–1877)
- Wp/bew/Kerajaan Kaèmana (1600s–1926)
- Wp/bew/Kesultanan Palèmbang (1659–1823)
- Wp/bew/Kesultanan Siak (1725–1946)
- Wp/bew/Kesunanan Surakarta (1745–1946)
- Wp/bew/Kesultanan Yogyakarta (1755–1945)
- Wp/bew/Kesultanan Déli (1814–1946)
- Wp/bew/Kesultanan Rio-Lingga (1824–1911)
- Wp/bew/Kerajaan Larantuka (1515–1904)
- Wp/bew/Kerajaan Bolaang Mongondow (1670–1950)
- Wp/bew/Kiblik Kèngbé (1776–1854)
- Wp/bew/Kiblik Lanhong (1777–1884)
- Wp/bew/Kiblik Samtiawkio (1777–1853)
- Portugis (1512–1850)
- Spanyol (1521–1677)
- Kumpeni Welanda (1602–1799)
- Inggris (1685–1824)
- Anterkuku Prasman èn Inggris (1806–1816)
- Hindia Nèderlan (1942 / 1945–1949)
- Kengaclèngan Sional (1908–1942)
- Penjogrogan Nipong (1942–1945)
- Jaman Siap-siapan (1945–1949)
- Kiblik Indonésia Serèkat (1949–1950)
- Kera'yatan Liberal (1950–1959)
- Kera'yatan Keangon (1959–1966)
- Pemingsèran (1966–1967)
- Orde Baru (1967–1998)
- Reform era (1998–present)
Sejarah Indonésia (hurup Arab Gundul: سجارة اندونيسي) dibentuk ama dia punya letak géograpis, sumber alam, rèntètan hijrah ama papagan manusia, perang pena'lukan, penyebaran Islam deri Sumatra selamanya abad ke-7 M èn pendirian kerajaan-kerajaan Islam, serènta juga' dagang ringkok, gentong, kendi, èns., èkonomi, èn pulitik. Indonésia entu atu negara kepuloan nyang dia punya pulo ada 17.000 ampé 18.000-an (8.844 ada namanya èn 922 ajeg ditempatin) nyang ngampar sepanjang garis katulistiwa di Asia Kidul-wètan. Bahna dia punya letak jalur laot nyang pas, banyak dah tu dagang anterpulo ama antérobangsa, sementara dagang entu bener-bener ngebentuk Indonésia punya sejarah. Wilayah Indonésia ditempatin ama orang-orang deri macem-macem hijrah, nyang ngeja kemacem-rageman budaya, kaum (ètnis), èn basa. Ni kepuloan punya bentuk tana èn iklim bener-bener nyawabin langbow èn dagang, serènta pengejaan negara. Wates deri negara Indonésia entu sembabad ama Hindia Nèderlan punya wates.
Rèstan posil Homo erectus serènta dia punya peranti nyang pada ketimbun di tana, nyang bekèn digeoro "Manusia Jawa", ngasi petunjuk kalo Kepuloan Indonésia udah ditempatin paling kaga' semprakan 1,5 juta tahon nyang liwat. Orang Ostronési, nyang jadi mayoritètnya orang jaman kita, diyakinin asalnya deri Taiwan èn nyampé di Indonésia sekitaran 2.000 SM. Sedari abad ke-7 SM, atu kerajaan nyang setèrek pisan, nama Sriwijaya, maju besar èn ngeboyong Hindu èn Buda punya ajaran ke mari. Wangsa Buda Sélèndra èn Mataram Hindu nyang mancer di pertanian mangkin kuat èn terus mudun di Jawa. Kerajaan minhum nyang paling penting nyang paling akir, Kerajaan Majapait Hindu, jaya semprakan akir abad ke-13, èn dia punya embanan ngampar ke mana-mana bagèan Indonésia . Bukti penduduk nyang masup Selam nyang paling kolot di Indonésia entu tarihnya abad ke-13 M di Sumatra blèlir, èn laèn-laèn wilayah Indonésia pelan-pelan masup Selamnya, nyang jadi agama paling gedé di Jawa èn Sumatra selamanya akir abad ke-12 ampé abad ke-16. Dalem banyak hal, agama Selam jadi atu hal nyang penting èn nyampur ama budaya serènta agama setempat nyang udah ada duluan.
Orang-orang Peringgi, kaya' orang Portugis, nyampé di Indonésia semprakan abad ke-16 bakal monopoli sumber pala, cengké', èn lada jawa deri Maluku nyang itu waktu arganya sepol-polan. Tahon 1602, orang Welanda pada bikin Kumpeni Hindia Wètan Nèderlan (VOC) èn jadi kuasa Peringgi nyang paling hèbring di tahon 1610. Mancan dia bangkrut, VOC resmi bubaran tahon 1800, èn guwernemèn Welanda nyedèk itu Hindia Wètan Nedèrlan di bawa dia punya bestir. Deket-deket awal abad ke-20, Welanda nggedéin dia punya ranggehan ampé wates nyang sekarang. Lantaran serbuan Jepang èn pemantèkannya di tahon 1942–1945 pas jaman PD II, Welanda punya kuku abis di mari èn gerakan kemerdèkaan Indonésia semingkin kuat. Dua ari selangnya Jepang punya nyerah di bulan Agustus 1945, pimpinan nasionalis Sukarno mroklamirin kemerdèkaan Indonésia èn jadi persidèn. Welanda nggemil lagi bekuku' di mari, cuman dia punya usaha paké senjata ama diplomasi pepes gagal di bulan Désèmber tahon 1949, pas Welanda ngadepin tekenan antérobangsa. Akirnya Welanda resmi ngakuin Indonésia punya kemerdèkaan.
Atu jal kudèta di tahon 1965 nyebabin pengresikan besar-besaran bakal ngebanté abis kuminis nyang sadui pisan nyang dipimpin ama soldadu, hata entuk setenga juta orang lebi dibunu. Jèndral Suharto secara pulitiknya udah lebi sat-set ketimbang Persidèn Sukarno, èn jadi persidèn di bulan Maret 1968. Dia punya bestir Orde Baru disenengin ama Kulon, nyang pada mulain nyukong di mari èn jadi atu paktor kemajuan èkonomi nyang penting selamanya tiga dékade ke depannya. Akir-akir tahon 90-an, Indonésia kena Krisis Monetèr Asia Wètan nyang kedawan-dawan, mangkanya orang pada protès ampé Suharto punya lèngsèr 21 Méi 1998. Di jaman Répormasi, nyang abisnya Suharto lèngsèr, prosès kera'yatan (démokrasi) mangkin stèrek, serènta program-program otonomi (kuasa-dèwèk), pengelosan Timor Wètan, èn pemilian persidèn langsung pertama tahon 2004. Keolèngan pulitis, keributan masarakat, korepsi, bencana alam, tèroris entu jadi mas'alah tahon 2000-an; walakin èkonominya mah stèrek semprakan 2007. Bagèn kata ubungan anteragama èn anterètnis pada ragem, ada aja golongan pèrkah garis keras èn kekerasan nyang pepes kejadian di berapa daèrah. Wayah gini, Indonésia entu atu bangsa nyang macem-ragem budaya dengen penduduk 270 juta orang lebi. Ni negara mashur lantaran dia punya kecakepan alamnya, kaya budayanya, èn sumbangsi gedé dalem seni, musik, èn masakan dunia. Ni negara juga' jadi atu deri negara nyang dia punya èkonomi paling melejit èn ada gableg rol utama di kawasan Asia Kidul-wètan.