Wp/bew/Jepang

Jepang 日本国 (Jepang) Nippon-koku atawa Nihon-koku
Ibu negeri	Tokio
Nama pengendek	Jepang Jepun Nipong

Jepang (hurup Arap gundul: جفڠ) atawa Jepun (hurup Arap gundul: جفون) atawa Nipong (hurup Arap gundul: نيفوڠ; basa Jepang: 日本国, Nippon-koku) ya'entu atu negara kepuloan nyang pernahnya di Laotan Anteng, pasnya di blètannya Cina, Koréa Kidul, Koréa Lor, ama Ruslan nyang dibelèk ama Laot Jepang. Ini negara ngejenggar mulain deri Laut Ohot di lor, Laot Cina Wètan, ama Taiwan di kidulnya. Jepang hopstadnya – di Tokio.

Di basa Jepang, nama "Jepang" (basa Jepang: 日本 Nippon) artinya 'asalnya Mataari', bahnanya, ni negara dipoyokin Negeri Mataari Tèt.

Jepang jenggarnya – 377.944 km² nyang nglingkup 6.852 pulo. Empat nyang paling gedé namanya Hokaido (basa Jepang: 北海道 Hokkaidō 'aliran laot lor'), Honsu (basa Jepang: 本州 Honshū 'negeri utama'), Kiusu (basa Jepang: 九州 Kyūshū 'sembilan negeri'), ama Sikoku (basa Jepang: 四国 Shikoku 'empat negara'). Jumblah penjogrognya paling ngebadeg no. 10 di dunia, ya'entu 126.659.683 di taun 2012 dengen kerangsekannya 337,1 orang/km². Jepang entu negara paling maju di Benua Asia. GDP-nya gedé $5,984 triliun dolar Amrik èn pendapetan per kepalanya segedé $46.895 dolar Amrik di taon 2012. Ni negara juga' salah atu nyang punya angka anceran idup (life expectancy) paling tinggi di dunia.