Wp/bew/Lambang negara Indonésia

From Wikimedia Incubator
< Wp‎ | bew
Wp > bew > Lambang negara Indonésia

Lambang negara Indonésia namanya Garuda Pancasila. Dia punya bagèan utamanya ièlah burung Garuda ada tamèng di dadanya èn ada gulungan tulisan dicekel ama cèkèrnya. Itu tamèng punya lambang lima biji nglambangin Pancasila, Indonésia punya dasar negara. Garuda punya cèkèr nyekel atu ban puti nyang ada tulisan semboyan negara Bhinneka Tunggal Ika warna item, nyang artinya kurang lebi "Bèda tapi atu". Garuda Pancasila ada dirancang ama Sultan Hamid II deri Pontianak, èn dipantengin ama Sukarna, nyang entakonoh diambil jadi lambang negara per 11 Pèbruari 1950.