Wp/bew/Onderwès di Indonésia

Onderwès di Indonésia ditanganin ama Kementrian Onderwès, Kebudayaan, Perdataan, èn Tèhnolohi (Kementerian Pendidikan, Kebudayaan, Riset, dan Teknologi atawa disingket Kemdikbudristek) èn Kementrian Igama (Kementerian Agama atawa Kemenag). Di Indonésia, saban sorang misti dapet 12 tahon onderwès pardu ain nyang kesusun deri 6 tahon sekolah dasar, 3 tahon sekolah menenga pertama, èn 3 tahon lagi sekolah menega atas. Adapun sekola-sekolaan Selam, Serani Protèstan, Serani Katolik, èn Buda dibawa Kementrian Agama punya tanggungan.

Onderwès dita'rip sebagé usaha nyang dirancang rapi bakal ngeja atu kalangan pembelajaran èn prosès pengajaran biar itu murid pada bisa sregep ngembangin dia punya kebisaan dalem hal trap agama èn kerohanian, kesadaran, kepribadian, kepinteran, abet, èn kréatipitèt bakal dia sendèwèk, laèn orang sewarga negara, èn orang laèn bangsa. Wèt Dasar juga' ngasi catetan pasal dua macem onderwès di Indonésia, nama: pormil ama nonpormil. Onderwès pormil juga' kebelèk lagi jadi tiga trap, ya'entu: dasar, menenga, ama lanjutan.

Sekolahan di Indonésia bisa dibestir ama guwernemèn (sekolahan negeri) atawa partikelir (swasta). Sebagèan sekolahan swasta bilangnya dia entu sekolahan national plus school, artinya dia punya kurikulum ngelebihin deri pesaratan Kementrian Onderwès punya minta', wabilkusus dalem hal pemakéan basa Inggris jadi basa penganter atawa gableg kurikulum berales-antérobangsa gantinya kurikulum sional. Di Indonésia, ada sekitaran 170.000 sekolah dasar, 40.000 sekolah menenga pertama, èn 26.000 sekolah menenga atas. 84% deri ni sekolah pada di bawah Kementrian Onderwès èn Kebudayaan punya pengawasan èn 16%-nya di bawah Kementrian Igama.