Wp/bew/Pilipénen
Kiblik Pilipénen Republika ng Pilipinas (Pilipèn) | |||
| |||
![]() | |||
Ibu negeri | Manila | ||
Nama pengendek | Pilipèn Pilipin |
Pilipénen (hurup Arab Gundul: فيليفينن) atawa Pilipina (hurup Arab Gundul: فيليفينه) atawa Pilipin (hurup Arab Gundul: فيليفين) atau nama resminya Kiblik[1] Pilipénen (hurup Arab Gundul: کبليک فيليفينن; basa Pilipèn: Repúblika ng Pilipinás) entu atu negara nyang letaknya di Asia Kidul-wètan. Ini negara dikulilingin ama Laot Tiongkok Kidul, Laot Sulu, Laot Sulawési, ama Laotan Teduh. Ini negara – negara kepuloan dengen 7.107 pulo sonder wates darat ama mana-mana negara. Pilipénen kebagi jadi 3 wilayah géograpis, ya'entu: Luson, Bisaya, ama Mindanao. Pulo nyang paling gedénya entu Pulo Luson, di mana Manila, hopstadnya[2], ada. Negare jirannya antara laèn Bruné, Malésia Wètan, Palau, Piètnam, ama Taiwan. Ini negara dilantasin ama Cincin Geni Laotan Teduh (basa Inggris: Pacific Ring of Fire), mangkanya ada seabrek gunung api ama sering kejadian lini. Badé siklon tropis juga sering banget kejadian, soalnya ini negare letaknya di daèrah lintang di atas 10o LL.
Luasnya 'ntu negara – 300.000km2. Adapun jumblah penduduk ntu negara ada 92.337.852 orang berales Sènsus Penduduk tahon 2010, dengen kepadetannya sebesar 308 orang/km2. Mangkanya, ni negara – negara nyang paling banyak penduduknya ke-12 di dunia.
Adapun orang Pilipénen bisa digero' sebagé orang Pilipèn atawa orang Pilipin (hurup Arab Gundul: اورڠ فلفن).
Ruju'an