Wp/bew/Bruné Darusalam

Negara Bruné Darusalam
نڬارا بروني دارالسلام (Jawi)
Negara Brunei Darussalam (Melayu)

Hopstad

Bandar Seri Begawan

Nama penghuni

Bruné

Bruné Darusalam (hurup Arab Gundul: برونى دار السلام; Melayu: Brunei Darussalam) atawa nama resminya Negara Brunei Darusalam (hurup Arab Gundul: نݢارا برونى دار السلام; Melayu: Brunei Darussalam) atawa singketnya Bruné (hurup Arab Gundul: برونى) entu atu negara kerajaan mutlak-konstitusionil (basa Indonésia: monarki absolut konstitusional) nyang letaknya di Asia Kidul-Wètan. Ni negara letaknya di Pulo Kelimantan atawa Bornéo. Ni negara dikulilingin ama Serawak, Malésia di blètannya, bekidulnya, ama bekulonnya, èn Laut Cina Kidul di blèlornya. Ini negara kebagi jadi 4 daèrah, nya'entu Tutong, Temburong, Belait, ama Brunei-Muara. Dia punya hopstad^[1] èn kota paling gedénya entuh Bandar Seri Begawan.

Luas wilayahnya cuman 5,765 km² doangan. Bahnanya, ni negara mengrupain negara ke-2 paling kecit di Asia Tenggara. Penduduknya selamanya tahon 2011 jumblahnya 408.786 orang dengen kepadetannya sebanyak 67,3 orang/km². Ini negara ièlah negara dengen pendapatan per kapita ke-2 paling tinggi di Asia Kidul-wètan abisnya Singapur, lantaran hasil bumi utamanya, ya'entu minyak bumi èn gas alam, nyang ngebadeg.

Ruju'an[edit | edit source]

↑ Hopstat atawa hopstad (hurup Arab Gundul: هوفستت atawa هوفستاد) – ibukota (Indo.); capital (Ing.); hoofdstad (Wld.).

[1] Hopstat atawa hopstad (hurup Arab Gundul: هوفستت atawa هوفستاد) – ibukota (Indo.); capital (Ing.); hoofdstad (Wld.).

[1]