Wp/bew/Asia Tenggara

From Wikimedia Incubator
< Wp‎ | bewWp > bew > Asia Tenggara
Jump to navigation Jump to search
Lokasinye Asia Tenggara di dunia
Petanye Asia Tenggara

Asia Tenggara 'ntu adalah salah satu bagian dari Benua Asia, nyang ngecakup negare-negare di selatan Tiongkok, baratnye Papua Nugini, utaranye Australia, ame timurnye India. Ini daerah letaknye di wilayah pertemuan lempeng-lempeng tektonik, yaitu lempeng Eurasia ame Indo-Australia, karnanye, ini benua kerap dilanda gempa bumi dan punya seabrek gunung berapi.

Asia Tenggara terdiri dari dua bagiannye, yaitu Asia Tenggara Daratan (Mainland Southeast Asia) nyang ngeliputin Myanmar, Thailand, Laos, Kamboja, Vietnam, ame Malaysia nyang bagian baratnye. Sementare Asia Tenggara Maritim (Maritime Southeast Asia) 'ntu ngeliputin Indonesia, Singapura, Malaysia Timur, Brunei, Filipina, Timor Leste, ame Pulau Natal.

Luas ini wilayah kire-kire 4,500,000 km2, atau 3% luas daratannye bumi. Sedangkan populasinye adalah 610,000,000 atau 8,8% jumlah penduduknye bumi, dengan kepadatannye 135.6 orang/km2. Agama nyang paling banyak dianut 'ntu adalah Islam ame Buddha, dengan minoritas Kristen. Walopun begitu, banyak juge agama lain nyang dianut oleh masyarakatnye, misalnye Hindu ame kepercayaan asli setempat.

Daftar Negare[edit]

Ade 11 negare nyang termasuk wilayah Asia Tenggara:

  1. Brunei, ibukotanye Bandar Seri Begawan
  2. Filipina, ibukotanye Manila
  3. Indonesia, ibukotanye Jakarte
  4. Kamboja, ibukotanye Phnom Penh
  5. Laos, ibukotanye Vientiane
  6. Malaysia, ibukotanye Kuala Lumpur
  7. Myanmar, ibukotanye Naypyidaw
  8. Singapura, ibukotanye Singapura
  9. Thailand, ibukotanye Bangkok
  10. Timor Leste, ibukotanye Dili
  11. Vietnam, ibukotanye Hanoi