Wp/bew/Birma

From Wikimedia Incubator
< Wp‎ | bew
Wp > bew > Birma
Kiblik Persatuan Myanmar
ပြည်ထောင်စု သမ္မတ မြန်မာနိုင်ငံတော်‌ (Birma)
Pyidaunzu Thanmăda Myănma Nainngandaw
Hopstad Naypitaw
Nama penghuni Birma


Birma (hurup Arab Gundul: بيرما) atawa nama resminya Kiblik[1] Persatuan Myanmar (hurup Arab Gundul: ريفوبليك فرساتوان ميانمر; Birma: ပြည်ထောင်စု သမ္မတ မြန်မာနိုင်ငံတော်‌, Pyi-daung-zu Myan-ma Naing-ngan-daw), entu atu negara nyang letaknya di Asia Kidul-Wètan. Ini negara letaknya di Asia Kidul-wètan Daratan, watesan ama Muang-Tay di belètan, Tiongkok di blèlor ama di belah lor-wètan, Negeri Hindi èn Bangladès di lor-kulon, Teluk Benggala di bekulon, ama Laot Andaman di bekidul. Pulo nyang paling gedénya entuh Pulo Kadan Kyun. Dia punya hopstad[2] nama Naypitaw, cuman kota nyang paling gedénya – Yangoon, nyang dulunya bekas sintrem itu negara punya.

Luas wilayahnya – 676.578 km2, nyang mengrupa'in negara kedua paling gedé di Asia Kidul-wètan. Penduduknya di taun 2010 jumblahnya 60.280.000. Karnanya, ntu negara paling banyak penduduknya ke-24 di dunia dengen kepadatannya 73,9 orang/km2.

Ruju'an[edit | edit source]

  1. Chaer, Abdul. (2009). Kamus Dialek Jakarta. K. Rép. Penerbit Masup Jakarta. Kiblik (hurup Arap gundul: کبليک) – republik (Indo.); republic (Ing.)
  2. Hopstat atawa hopstad (hurup Arab Gundul: هوفستت atawa هوفستاد) – ibukota (Indo.); capital (Ing.); hoofdstad (Wld.).