Wp/arq/مستغانم

From Wikimedia Incubator
< Wp‎ | arqWp > arq > مستغانم
مستغانم
لوتال تاع لاڥبل
لّإسم
لّإسم لّعربي : مستغانم
الايدارة
البلاد : Flag of Algeria لجازاير
ولاية : مستغانم لّعاصيمه تاع لّولايه
دايره : مستغانم
كود أ ن س  : 27000
الديموغرافيا
سّكان : 153 332 ساكن (2008)
كاثافة تاعها : 3067 ساكن/كم²
لمواقع
لّموقع لّݼغرافي تاع لّبلديه مستغانم في لّولايه تاع مستغانم
مستغانم
لّموقع لّݼغرافي تاع لّبلديه مستغانم في لّجازاير
لخريطة تاع دزاير
السيت تاعها : www.wilaya-mostaganem.dz/

هي مدينة دزايرية جايا في محافظة مستغانم و هي قلب البلاد و هي تاني مدينة ميناء في البحر المتوسط شمال غرب دزايرعلى بعد 363كلم ،و داية لمرتبة زاوجة فالمدينات ساحلية لي جايين فالغرب مور ولاية وهران. يعتابروها فدزاير كيما كيما عاصمة تع الضهرة [1]–مستغانم خطرات يسميوها " مدينة ميموساس[2]"--. يمتد تكتل مستغانم مالبلدية لي ترفد نفس لاسم في 2 بلديات مزغران و سيادة ،و يلحق نومرو تع سكان 162.885 نسمة في عام 2008[3]. و هي ثاني مدينة ثقافية و فنية و مهمة.الوطن تع الطريقة العلوية لي تاسست في بزاف دول و تمدلها تراث غني و ابداع فني و خاصة فلغنى شعبي.

جغرافيا[edit | edit source]

الارض تع بلدية مستغانم جاية غرب الولاية تاعو على وحد 363 كلم غرب لعاصمة دزاير. و79 كلم شرق وهران. و78 كلم من ارزيو و 81 كلم فشمال معسكر[4].

الكومونات المتاخمة تع مستغانم
البحر المتوسط عبد المالك رمضان عين بودينار
البحر المتوسط خير الدين سيادة
البحر المتوسط مزغران حاسي ماماش

تضاريس[edit | edit source]

مستغانم ترتفع 104 مترات فوق مستوى السطح تع البحر على الحافة تع الهضبة الساحلية[4]. تبان المدينة فالغرب تع باي ارزيو[5] نحو الخليج الواسع لي يكمل فجبل اوروس،

مستغانم

المدينة جاية عل الطرف تع عين الصفرة ،و جات فيها شحال من خطرة الفيضانات خاصة فعام 1927.تتكون من مدينة جديدة واسعة بزاف و مدينة قديمة واسعة على اللولة معلقة على جنب واد غامق محفور بعين الصفرة لي تروزي لحدائق[6].المنطقة جاية عند مصب سهول شليف و ماكتا.

الكليما[edit | edit source]

الكليما تع مستعانم جاية معتدلة و السخانة ماتتبدلش بزاف على حساب النسمة تع البحر و الارض[5].

بيانات المناخ فمستغانم.
شهر جانفي. فيفري مارس افريل ماي جوان جويلية. اوت سبتمبر. اكتوبر. نوفمبر. ديسمبر. لعام
(سخانة متوسطة) 11 12 14 17 19 21 24 25 23 20 16 13 17
الهطول مم 92 72 60 40 35 9 2 3 16 46 76 75 524

. المصدر: Weatherbase ، إحصائية مدتها 10 سنوات[7]

النقل[edit | edit source]

مستغانم بلاد ساحلية و البور جاي في الخليج تع ارزيو و عندو سطح من 68 هكتار و زوج ديال الاحواض.يقطعو منها من الشبكة تع السكك الحديدية[8].

فالعام 2011 دخلت تخدم في مستغانم الشركة تع الطرونسبور التابعة للدولة، و تخدم فوسط البلاد و البلايس لي جايين على برا كيما سالاموندر و خروبة و مزغران و سيادا[9].فعام 2012 فتحو محطة جديدة تع النقل « inter-wilaya »،و جاية على الطريق الوطني 23RN لي يدي لماسرى و غليزان[10].

المشروع تع ترامواي راهم يوجدو فيه ،المشروع يوفر خطين (14.2كلم)، الاول يربط بين الجامعة تع خروبة و الليسي تع اوكراف محمد ،بعيدة بوحد شوية ميترات على سالاموندر و نفوتو على البلاد، و الزاوجة لمسافة تعها كثر من 2 كلم على المحطة تع SNTF لقديمة و لبلاد و هاذ المحطة رايحة تخدم الكارطيات تع بيموث و سانت جول و سيتي 5-جويلية-1962 و نفوتو على الشارع بن يحي بلقاسم.و نوصلو للمحطة تع الطرونسبور لي قريبة على الطريق الدائري الاول.


طرقان[edit | edit source]

البلدية تع مستغانم تخدم بزاف الطرق الوطنية .

الطريق الوطني 11: RN11 (طريق وهران).


سماوات البلايس جغرافية[edit | edit source]

ماكاش تفسير محدد للكلمة تع "مستغانم" من عند المؤرخين ولا الجغرافيين العرب، بصح كاين بزاف مقالات موضحين فيها حكاولهم بطريقة مختالفة للسكان المحليين."مستغانم" رايحة تتكون من اوقات مختالفة، بصح كاين بزاف معاني من هاذ الكلمات[11] :

  • مرسى مستغانم
    المشتة (منتجع شتوي) و غانم (مسبب فالغنم )
  • المارسة و غانم، معنتها البور لي يحجزو فيه المسروقات.
  • مسك الغانم.معنتها كثرة المال (الغنم).

اخيراً ، بنسبة لبعض لمؤرخين بكري ، سيكون الأمر بدلاً من ذلك إلى ميناء رومانستا موروستاكا الروماني لي على مستغانم انو تكتبو[12]، و كاين قبايل[13] كانو مسميينها مستغاليم، معنتها "مست" لي تقول بلي هما "الوسط" و "غليم" معنتها "القصب". لي نفهموها حنا هي (وسط القصب).

تاريخ[edit | edit source]

عصور القديمة[edit | edit source]

الفينيقيين كانو حاكمين هاذيك البلاسا و مسميينها مرسة بونوقية موروستاغا.و البلاد بناوها الرومانيين و سماوها كارتينا. و البلاصا هاذي حتلوها بكري[14].

الفترة البربرية[edit | edit source]

بكري الجيهة تع مستغانم كانو حاكمينها القبايل سموهم زينة مغراوة. كانتلهم وحدة مالبلاد لي كامل ترجع لناحية تع الضهرة[15] .فعام 1082. السلطان المرافيد يوسف ابن تشفين بنى اسوار سموه برج محل. البرج القديم تع مستغاتم.و ممبعد البلاد رجعت ل زيانيد تع تلمسان و ميريدين تع فاس[16] .زوج عروش تع قبايل .

و من تماك المدينة قعدت تكبر و تتزوق بالمعالم.و نشاهرت ببلاد المعارف مع حياة ربانية.و هاذي يشهدوا عليها اللوالى[16].البلاد ذاكرها الادريسي و قال بلاد صغيرة جاية داخل الخليج.و فيها بازارات .حمامات.بحاير و الماء[15] بزاف

عثمانية[edit | edit source]

فعام 1511.سبانيول فرضوا علس سكان مستغانم معاهدة. و باش يستسلموا.باش يمنعوا الاحتلال .العثمانيين سبقوا سبنيول و داو البلاد فعام 1516[17]. و بعد سنين طويلة تع محاربة.السكان جابوا خير الدين بربروس باش عاونهم فالخسارة الكبيرة تع سبنيول فمعركة مزغران(1558).مستغانم فاتتتحت الحكم تع العثمانيين.و من ثما ولات كبيرة و قوية بسبة خير الدين.مستغانم ولات تنافس وهران سبنيولية.و ولات تشوف الاهمية تعها توسعت[17]. مستغانم و النواحي تعها سكنوا بزاف من المغاربة سبانيوليين.لي صنعوا بزاف كارطيات و فيلاجات.وكونوا مزرعات كبيرة.و كانت التجارة معا سبانيا (و قبل الأندالوس)كانت ناشطة[15].وصول الاندالوسيين لي نطردوا من سبانيا على امر روكونكيستا .عطى خطوة كبيرة للحرفة[17] و الزراعة.كثر من 500 كولوغلي دافع دافع على البلاد[18].و اغلبية السكان كانو تع حرفة و تورنور و لي ينسجوا.كانو غرينادين يخدموا الحرير على خاطر صابو بزاف شجر تع التوت لبيض و لكحل[19].و كانت المرسى تاعهم شركة صغيرة للكابوتاج[20].

في عام 1792 .العثمانيين رسلوا شوية سكان لوهران. لي ولات عاصمة غرب دزاير بعدما داوها سبنيول[17]. مستغانم وحدة مالبلدان لي كانت قبل الاستعمار فيها 10.000 ساكن[21].قبل الاستعمار شوي كانت خير من وهران[5].

وقت الاستعمار الفرنساوي[edit | edit source]

ف عام 1830.لبلاد كانت مشدودة بدار العسة لي فيها ميات تركي لي خالصة من عند فرانسا و كان على راس هاذ العساسة القايد ابراهيم، و مشكوك من عند لجينيرال ديسميشال لقائد تع بلاصا تع وهران من افريل 1833،لخدع و ماكاش لي يحكم.كي خاف لوكان لمدينة طيح في يد الامير عبد القادر ،قرر ديسمسشال انو يحكمها وحدو،و في 28 جويلية1833 ، 1400 عسكري فرانساوي دخل للمدينة ،و السكان راحوا[22] هربوا و خلاو قشهم.و هاذوك لعسكر راحو سكنو فديار العسة، فالكارطي تع مطمر .

فعام 1834،فرانساويون خلاو الامير باه يمشي قنصل فلمدينة.بالمعاهدة تفنة،الامير خلى لبلاد للفرانساويون[23].فعام 1848،لبلدية تع مستغانم نصنعت مع ملحقات مزغران و خروبة و و اوريا .لمرسوم لمؤرخ في 27 جويلة1848 لي هو يصنعو مدينة مستغانم لفرعية[24].

لبلاد راهي تكبر مع لاستعمار لي يسكن فالبلايص لي على برا ،و لاتصالات طورت و هاذ شيء خلاهم يكونو متاصلين مع لي ساكنين فالبلاد.لمدينة رايحة تتبدل بزاف ،و طرقان رايحة تتبدل و ترجع تشبه تع اوروبا ،بصح رايحة تمحي كامل لاثار[23].

مالبالكون تع فندق بلدة مستغانم ،في جوان 1958 ،الجنرال ديغول علن للخطرة تالية "تحيا دزاير لفرانسوية". المير تالي من 20 ميار لي فاتو و لي حصلو عل لاستقلال هو لوسيان لوغييه ،فالتمرين فعام 1953 لعام 1960.

الاستقلال[edit | edit source]

مور وحد لعشر سنين مالااستقلال،تحضر فالبلاد كان تقيل،دارو غير شوية تع مشاريع كيما لمقر تع لولاية مع لعمارة تع عرب-مغرب[25].

فالسبعينات،مستغانم ستفادت من برنامج تع تخطيط لحظري لي راح يحدد لجيهات لي تتوسع فيهم حظريا،و سالاموندر هي منتجع جاي فالساحل جنوب غرب وسط لمدينة،رجعت كارطي للتكتل.فالجنوب ،التحظر توسع و خلق تقاطع مع مزغران[25] .

في شمال-شرق لخروبة ،رايحة تولد مشاريع جديدة كيما الجاميعات و لمدينات تع لجاميعات و سبيطار جديد.و لجزء لي يطل على لبحر داوه لاسكان لفردي و شبه جماعي.لبلاصا لمبنية فمستغانم كبرت بمعدل سنوي يتقدر ب 7.34% بين عامين 1977 و 2000 .و نزيدولها ضعف تع لمساحة لمبنية تع لبلاد و لي تتقدر ب 1.5%[25].

السكان[edit | edit source]

الاتجاهات الديموغرافية[edit | edit source]

على حساب تعداد تع السكان و سكاني لعام 2008،تتقدر نسبة تع سكان بلدية مستغالم ب 145.686 نسمة[26].

1882 1886 1896 1901 1906 1911 1921 1926 1931 1936 1948
12700 13800 17500 18100 22000 23200 27400 26400 28400 37000 53500
1954 1960 1966 1974 1977 1987 1998 2008
60200 69200 75300 101800 101600 11400 125900 145696

السن والكبر[edit | edit source]

كيما سكان لجازايريين،سكان لبلاد هوما مالشباب، وحد 36%من شباب عمرهم تحت 20 سنة.كثرة السكان لهاذ لبلدية عمرهم مابين 20و 59 سنة.و في ما يخص السكان لي في عمرهم 60سنة و كثر النسبة ناقصة بزاف،8.13% برك مالمجموع تع سكان لبلدية.و شفنا بلي كاين نقص فالزيادة فالتوالي تع ثمانينات.

الجدول لعمرى لبلدية مستغانم فى عام 2008 فى المائة[27]
الرجل مرتبة لعم مراة
0,32 من 80 و طلع 0,57
1,17 من 70 ل 79 سنة 1,58
2,04 من 60 ل 69 سنة 2,36
4,23 من 50 ل 59 سنة 4,17
6,05 من 40 ل 49 سنة 6,26
7,39 من 30 ل 39 سنة 7,81
9,80 من 20 ل 29 سنة 10,17
9,24 من 10 ل 19 سنة 9,10
9,00 من 0 ل9 سنين 8,71
0,01 nd 0,02
العمرى لمدينة مستغانم فى عام 2008 بالنسب المئوية [28]
الرجل مرتبة تع لعمر المراة
0,29 من 80 و طلع 0,38
1,09 من 70 ل 79 سنة 1,25
1,91 من 60 ل 69 سنة 1,96
3,6 من 50 ل 59 سنة 3,4
5,35 من 40 ل 49 سنة 5,29
7,32 من 30 ل 39 سنة 7,41
11,08 من 20 ل 29 سنة 11,04
10,23 من 10 ل 19 سنة 10,02
9,31 من 0 ل9 سنين 9,03
0,01 nd 0,02

اصل السكان[edit | edit source]

مستغانم بلاد مسميينها لمدينة،على رغم مالهجرة ريفية مالريف لي فالمنطقة،بزاف ديال لفاميلات حاسبة الاصول تعها تركية و اندلسيين.و هي رايحة،مع انو تحضرو بلخف،صنعو عزلة محافظة و متحضرة فالبلايص لي متحضرة[29].

اللهجات[edit | edit source]

كاين زوج نواع تع لهجات فمستغانم،و هي هدرة قديمة و حضرية بين عايلات حضر و هاذ اللهجة سموها "هادارز" كاين هدرة جديدة و حضرية و لهجات تع ريف و تتاثر بالكوين بين صغارات لي اصلهم حضر،و كاين لهجة تع الريف لمهاجرين جدد لي جاو للبلاد[29].

ادارة[edit | edit source]

القرايا[edit | edit source]

لمدينة هي بلاد لجامعة عبد الحميد بن باديس مستغانم،لي تاسست تع صح فعام 1987،و عندها سبع بلايص جامعية فكامل لمدينة.و هاذ لجامعة هي لمؤسسة الرئيسية تع التعليم العالي فولاية مستغانم و داروهاوحدة من الجامعات لخمسة لكبار فدزاير[30] .

لجامعة عندها مكتبة فالبلاد دشنها الرايس عبد العزيز بوتفليقة عام 2004.و عندها بزاف مكتبات ماهيش مركزية تابعة للجامعات و و معهد تع علوم و تقنيات الانشطة البدنية و الرياضة[31] .و بالزيادة على هاذي،فعام 2011 لبلاد ولا عندها ثلاث مكتبات بلدية[32].

فعام 2014،فتعة جامعة جديدة يقرو[33] فيها و ترفد 4000 بلاصا.

لمدينة عندها بزا ليكولات.كي راحت تبدى لقراية فعام 2007/2008،لبلاد ولا عندها 59 ليكول تع بريمار و يرفد 17498 تلميذ و 25 متوسطة ترفد 11.654 واحد و 10 ليسيات يرفدو5859 واحد مسجل[34].

الصحة[edit | edit source]

  • سبيطار ارنستو تشي جيفارا جاي قريب للعرصة.
  • سونطر سبيطار تع الجامعة (CHU) فخروبة .
  • لطوارئ الطبية الجراحية (UMC) (فزيغود يوسف شمال شرق حي تيجديت).
  • سبيطار الطب النفسي قدام UMC .
  • كلينيك بن عثمان في مطمر.
  • كلينيك لالة خيرة و امها في حمو بوتيليس.
  • كلينيك قارة مصطفى و كلينيك لحبيب فبلاصة 1 نوفمبر 1954 (وسط لبلاد).
  • كلينيك تيجدت.
  • كلينيك توبانا.
  • ليكول باراميديكال حذا كلينيك لالة خيرة.
  • جامعة تع الطب فخروبة .

ثقافة والتراث[edit | edit source]

مستغانم نظمت بزاف مهرجانات كيما مهرجان المسرح تاع ليكول، الغنائ تاع الشعبي و الغنائ` الأندالوسي و عيساوى[35]،و لمدينة عندما ليكول للفنون شابة[36].

مستغانم بلاد صوفية معروفة قديسيها لمرابط و العلاماء و لباحثين فالمجال تع دين و اللاهوت هوما لميزات الهايلة تابعة للضهرة وين دفنوا على حسلب ماقالو،كثر من ربعة و ربعين قديس معروفين باسم (ربعة و ربعين شيشياس ).لبلاد معروفة تاني بالشعر الصوفي،و فسرو هاذ مودال تع الشعر من عند فنانين و ملحنين،و خاصة فالغنى الاندالوسي[37] و الشعبي.

لمدينة هي ثاني بلاد تع بزاف لخاوة الصوفيين كيما "زاوية علاوية"،لي تربات في تيجديت تاريخية.هاذ الاخوية ترفد اسم لي اسسها،احمد العلوي،لي دار بزاف خدمة فمجال البحث اللاهوتي[37].

ثقافة الغنا[edit | edit source]

مستغانم مفتوحة لبزاف نواع تع غنى لجازايري.و تستقبل لغنى لعربي لاندلوسي،بصح تستقبل ثاني غنى تع لمدينة شعبية غنى[38] شعبي و غنى سانا لي تمشي فدزاير و لبلدان تقليدية لاخرى.

العادات تع مستغانم معروفة ثاني بالزرنة ،و لغنى تراثي لي اصلو عسكري تركي.و يحتافلو بهاذ لغنى[38] فالعراس و ليلة العسل و لحفلات تع لفاميليا.و لغنى شعبي تع لعيساوى يغنوه ثاني مع تع العيساوى و علاوية[38].لمداحات غنى معبدينو و تمثل نسى المستغانميات،و يجيبو لمداحات فلحفلات لكبار لي بين لافامي[38].

بلايص تاريخية[edit | edit source]

بلاصة تع تيجديت هي النواة تع مدينة مستغانم،جاية برا على لسوار تع لبلاد على لجهة ليمنى تع واد عين الصفرا.فيها لجوامع لقدم و سيدي عزوز لبحري.لبربر صوفي فالقرن ثناعش[39]،لاسم تيجديت،لي ستشهدو بيه كيما اول اسم فمستغانم،اصلو مالبربر و معناتو "حفرة رملية"،من (ايجدي،اسم تع الرملة فالبربر[23]).الكارطي دايرينو بلاد توام ماشي كارطي.فالجهة لغربية تعها عندها بلاصا سموها قادوس المداح ،تدي اسمها مالطريق رئيسية لي كانت بلاصا لي يتلاقاو فيها الشعارا و "المداح"[7].

"درب تبانا" جاي عل الجهة اليسرى و مداور بيه "صور لبلاد"،كانو مخصينها للقيادة البيكلي و الأرستقراطية لمحلية.و هيتشكل نواة لمدينة تقليدية ليعندها بزاف بنيان تع الدين و لادارة[7].الكارطي تع تبانا(بالتركية "توب هانة" و لي هي"البطارية")كان بلاصة تركية فالمدينة.جاي فشمال بلاصا لي راهي ضرك في 1نوفمبر 1954.فهاذ لبلاصة لي داروفيها لبطارية لي كانت تعس لمرسى[17].لبلاصا تع درب هي وحدة من لبلايص لقدم فالبلاد.مبنية على تل صخري يطل على واد عين الصفرا.لبلاصا هي منطقة تتنقل بين لمدينة جديدة و ضاحية جدود تيجديت.عندها كامل لمؤسسات و الهياكل الاخرى للحيات الاجتماعية وين تعيش كامل الديانات اليهودية و لعرب و لبربر و تركية و الكولوغلية فالكالم.و الكنيس واحد من اقدم لجوامع فالمدينة،لي بناه ابو لحسان مابين 1340 و 1341.ولبلاصا دمرت فالوقت تع لاستعمار لفرانساوي و ملي ستقلت لبلاد[40].

لكارطي تع مطمر جاي فالجهة ليمنى،و كان عندو سور خاص بيه و يتميز بقلعة برج التركس[7].و فشمال هاذ لبلاصا كاين باب "مجاهر"،قريب لمتنزه تع 20 اوت لي بناوه فعام 1964.

متاحف[edit | edit source]

كاين بزاف متاحف فمستغانم و منها[41] :

  • متحف المجاهدين لي جاي في مكان الثورة.
  • متحف ضريح باي بوشلاغم ومرته عيشوش ؛ متحف "دار القايد" لمخصص للفنون الشعبية.
  • و راهم يبنو متحف إقليمي في بلاصة تع خروبة ، وهاذ المتحف لهدف تاعو انو يحافظ على القطع الأثرية والأعمال الفنية ويحتافظوا بها في شواهد تاريخية مختالفة فالبلاصة لغربية مالبلاد[42].

اثار ومواقع[edit | edit source]

مستغانم عندو تراث مادي كبير.شوي من هاذوك لمعالم رموهم و صنفتهم وزارة الثقافة دزايرية .كيما لجامع لكبير،لي ترمم فعام 1998 و بناه السلطان المريني ابو لحسان بن عثمان فعام 1340،و هاذ لبنيان تبدل و تحول مع مرور لقرون.و برج المحل و (حصن سيكون )بناوه ف 1802 و رموه لعثمانيين[43].

و قتارحو وحدين مالمعالم فالتصنيف:لكنيسة جان باتيست ولات بلاصا يعبدو فيها لمسلمين،وقبر سيدي عبد الله بوكابرين،و لمرسى النهر تع كويزا،و لكازيرنات لقدم لي جاية فالكارطي لقديم تع العرصة .

تاريخ تع هاذ لمعالم يرجع للوقت لعثماني:"دار لقايد" رجع متحف للفن الشعبي،و كان بلاصا تع مقر "باي ماسكارا"دار حميد العبد"،لي بناها حميد العبد،امير قوي من بيليك لعثماني."دار المفتي"،سكنة لي كان يسكن فيه لمفتي من مستغانم قارة مصطفى،فيه زوج طبقات منظمينهم على لحوش،لقبور باي بوشلاغم وباي مصطفى الأحمر و "دار الشاعر" (قصر الشعراء)،لي بناوه فعام 1732 تحت لامر تع باي محمد لكبير لي كان ياثر فالشعراء و لمثقفين[43].

لسوار تع لمدينة،داير بالبلايص تاريخية كيما تبانا،درب ،لعرصا،و مطمر و جزء كبير مالبلاد لاوروبية.لبنيان تع لسوار فات فبزاف بيريودات،قصر تع باي محمد لكبير ولا "دار لمخزن"،لي تبنى فعام 1790 فالجهة تحتانية تع لكارطي تبانا،برج لاتراك ولا حصن شرق تبنى فالقرن سادس عشر فالعلالي تع تيجديت[44].

حكايات[edit | edit source]

على حساب بواش يامنو،مستغانم حاميينها سبعة تع حراس تع لبحر:سيدي المجدوب شمال لمدينة، مرسى سيدي معزوز وسيدي خرشوش لجنوب،لي هما حاميين مستغانم بالبحر.و عاسينها ثاني ربعة عساسة تع لارض. سيدي لخضر، عساس مرمى ظهرة، سيدي بن ذيبة سيدي لخضر،لعساس تع مجاهر (لقديسين فالبلاصا)، سيدي بلقاسم لعساس تع قبالا وسيدي سعيد، رايس تع بلبلاد[44].

فوسط لبلاد كاين رايس تع لبلاد تع سيدي سعيد.كان قريب بزاف من سيدي عبد الله.و هاذ زوج لقديسين كانو صحاب ليه و حلف بلي حاجة ماتفصل بيناتهم غير حفرة.لمتعاقدين تع لاستعمار بغاو يبنو بنيان بين اضرعهم.لي وصل حتى كلش تهدم.على حساب بواش يامنو،لمساحة بين لقبور تخلي لقديسين يشوفو بعضاهم[44].

الادب و سينما[43][edit | edit source]

لقصة تع حبيب تنجور ، جينس دي موستا،تحكي قصة تع عصابة من شباب فالكارطي تع تيجديت تاريخي،لقصة تجبد على اساطير مدينة مستغانم و خاصة بلاصة تع تيجديت و توصف لحياة تع كليوم و لحياة الصوفية تع كسان لكارطي[45].

زوج المداحات هي قصة تع منصور بن شهيدة،استاذ مشارك فالجامعة تع مستغانم.لكتاب يتبع لحكاية و لغموض و بواش يامنو و اساطير تع مستغانم[45].

ميتراج طويل،يسموه لحراقة،تابع لهاذ لبلاد ساحلية،لي جاية على بعد 200كلم على ساحل سبانيولي.و لفيلم تصنع للضاهرة تع "لحراقة" ولا "الشعلات"لي يهربو من بلادهم في فلايك باش يروحو لاوروباعلى البحر لابيض لمتوسط [46].[47]

الاقتصاد[edit | edit source]

مستغانم جاية فبلاصا زراعية و قريبة لمركز تع بترول و لغاز في ارزيو .لمرسى تع نبيذ كان عندو قيمة فالوقت تع لاستعمار لفرانساوي،مور لاستقلال،خلاص لاستعمار،نقصت لكرمات و الاقتصاد ضعف في ارزيو،مع انو دارو وحدات صناعية[48].

لمدينة فيها مرسى متوسطة حاكماتو هيئة مرسى مستغانم(epm).لوزارة تع نقل دزيرية خيرت مستغانم من بين لي لازم عليهم ينقسو مالقلق فمرسى دزاير .لمرسى ولا ناشط بزاف،خاصة كي داروه مالموانيء لي يشد سلعة مالحاويات (خاصة لمركبات)،بصح خدمتو مازالت محدودة (على حساب واش تقدر ترفد السلعة بالنسبة لحجم السفن)[49].

بلاصا تع مستغانم فيها فيها لحياة تع لبحر.و بناو مرسى للصيادة في سالاموندر فعام 2012.هلذ لبنية تحتية رايحيعفي لمرسىتع تجارة للمدينة[50].فعام 2009.ربعة تع خطوط شحن منضمة باه يربطو لمرسىتع مستغانم مع الخارج.هيوستن.انفرس.برام و مارساي و خط جديد يربط اقليم كاستيلون سنيوولي مع مستغانم[51].

فعام 2012،فتحوثالث اكبر مركز تجاري فدزاير جاي جنوب لمدينة فواد جاردين[52]ز.و هو من مجموعة سيفيتال و لمساحة تاعو 77.000 متر مربع[53].

السياحة[edit | edit source]

مستغانم هي بلاصا سياحية.و يوفر فرص ملاح و فالمستقبل قادر تكون بلاصا تع سياحة كيما لمنتجعات لساحلية سالاموندر وسابلات فالشرق وكابي إيفي.و لمدينة جاو فيها تسع ملاين واحد ف 2009.قعدو فالفنادق و منتجع تع صابلات[54] لي يطل على لبحر.

مستغانم معروفة كل صيف يديرو وعدات (حفلة شعبية)و زيارات (لحج)مالقديسين تع لمدينة.لي جذب لالاف تع زوار مالبلايص لي على برا.ولاية مستغانم هي بلاد تع بزاف اضرحة و بما فيهم ربعين قديما مالبلاصا هاذيك.يسموه لمجاهر.هاذ نوع تع لحج للقبور تع جدود.و لي تكثر فالصيف.عندها قرون.لحجاج يعتابرو ضريح بلاصا لي بنادم يلقى راحتو فيها و يريح مالحس.و لي يزورو هاذ لبلايص مايحوسوش غير على لبركة.تحوس ثتني على بلايص تع تحواس كيما لي جاية حذا لبحر كيما لي جاية فسيدي محمد لمجدوب في خروبة .فالشرق.شاطئ تع مستغانم سموه خرشوش .و جاي حذا سلاموندر[55].

حياة اليومية[edit | edit source]

متنزهات[edit | edit source]

جاردان تع 20 اوت .ولا لعرصة جاي فالعلالي تع وسط لبلاد.و عرفوها مور لاستقلال بنهار.

دارو جاردان تع "امير عبد لقادر" لي فيها قاعة لمدينة فالبدية تع لقرن لعشرين.فنفس لوقت لي كانت فيه اوتال تع لبلاد.تمتد لحديقة لعامة على مساحات خضرا كبيرة منها من نباتات تع زواق لي سمح بنواع شجر لنادرة. اعتابرو هاذ لمساحة لنباتية هي لي منضمة كثر. وجاردان تخسريت من عام 2000[56].

وساءل الاعلام[edit | edit source]

راديو تع مستغانم غير هي لي تبث لبرامج ديالها بالعربية[57].فعام 2009.ربحت شرفتين فالطبعة ثالثة مالحفل تع الميكروفون الذهبي.لافضل برنامج تع راديو (اخطر من المرض) و افضل برنامج مقابلة (لمسات قرانيات[58]).

سبور[edit | edit source]

مستغانم فيها زوج نوادي تع البالو لي هما وفاق مستغانم لي طور فالقسم زاوج و وادي مستغانم لي طور فالبلايص لغربية.كامل نوادي يلعبو فسطاد بن سعيد محمد يرفد 16.000 واحد فعام 2009.كان كاين فالبلاد ليكول تع سبور لي يدربو فيه اللاعبين لي يلعبو فتخصصات وحدخرى و تعزيز لفرق لوطنية[59].

المجمع تع سبور "لقايد فراج"فمدينة مستغانم فنص تع سبعينات يستضيف بزاف مالجمعيات و لفرق تع سبور .فيه سطاد تع حشيش و يرفد 20.000 واحد.و زوج تع سطاد فيه حشيش اصطناعي.و هيكل للسكن.و الرعاية و لاسترخاءو مطعم.و قهوى.و مركز تع سبور الصحي.بيسبن اولمبية.و صال تع سبور.و ثناعس ستاد[60].

فن الطياب[edit | edit source]

مستغانم فيها طيابها غني.مخلطة مع لمنتجات زراعية و لماكلة تع لبحر.و لماكلة تع لمستغانميين. دايينها على لبربر.وطورت مع لوقت.و من بين هاذ لماكلة لهايلة.طعام بالببوش.سميد مع صلصة تع لببوش و لخضرة و اللحم. طعام يقولولو طعام لحرور لي فيه لحشيش تع لبر(النعناع)و توابل تع لغرب (لفلفل.سكنجبير.كباب).و المعكرونة تعها كاين بزاف نواع كيما بوفتاتا.كوارات.طاجين.كيما شباح صفرة.و عندهم طريقة تعهم كيفاش يصنعو لبقلاوة و يعيطولها لمستغانميين "بحلاوة"[61].

جاج محمر واحد مالاطباق لي معروفة بيها مستغانم.و مصنوعة مالبصل و ثوم و لجاج و لباطاطا و طوماطيش و لبيض.

التوامة[edit | edit source]

مدينة مستغانم توام تعها هو:

شخصيات مستغانمية[edit | edit source]

  • سيدي لاخضر بن خلوف ، شاعر ، أحد شفيع لمدينة ومنطقتها[55].
  • لويس فرانشيه ديسبري ، مدير فرنسا ،زاد في عام 1856.
  • جورج مارتن ويتكوسكي ، مؤلف وموسيقي فرنسي ، في عام 1867 .
  • أحمد العلوي زاد في(1869-1934) ، ولد ثماك ومات ، اسس الصوفية الأخوية علاوية[62].
  • الشيخ عبد القادر بن توبجي ، الشاعر ،زاد في 1871[63] ، مؤلفًا قصيدة "عبد القادر يا بوعلام" اللي ستدرج في الأغنية اللي غناوها الثلاثي رشيد طه والشاب خالد وفوضيل[64].
  • بول ماسون زاد في عام 1874، الحاصل على ميدالية ذهبية ثلاثية في الألعاب الأولمبية الصيفية 1896.
  • بن زهرا خيرى سبساجية شاعرة وكاتبة ومقاومة كتاباتها كاينة فى اغاني لمداخات ماتت عام 1936 ودفنت فى ضريح يحمل اسم "سيدى عبد القادر".
  • محمد خدا ، رسام ،زاد في عام 1930.
  • عبدالله بن عنتر ، رسام ،زاد في عام 1931.
  • الحاج مولاي بنكريزي ، المولود هناك عام 1931 ، هو شيخ تع لموسيقى العربية الأندلسية.
  • عبد الرحمن كاكي ، الكاتب المسرحي ،زاد في عام 1934[35].
  • المعزوز بوعجاج ، أستاذ الموسيقى الشعبية الشعبي ،زاد في عام 1935[35].
  • بيتروس بوريل ، كاتب ، هناك مات في عام 1859.
  • محمد الشويخ ، مدير زاد عام 1943.
  • حبيب تينكور ، كاتب ، ولد هناك عام 1947.
  • الشيخ بينتونيس ، السيف الصوفي الحالي للطريقة العلوية هناك زاد عام 1949 .
  • جان فرنانديز ، لاعب كرة القدم ثم مدرب هناك زاد في عام 1954.
  • كعداء مجيديد ، شاعر غنائي ،زاد في عام 1954.
  • مسعود أيت عبد الرحمن ، لاعب كرة القدم الدولي الجزائري السابق ،زاد في عام 1970.
  • خالد كلكل ، وهو إسلامي دزايري عضو في الجماعة الإسلامية المسلحة وأحد الجناة الرئيسيين لموجة الهجمات في فرنسا في صيف عام 1995 ، زاد هناك في عام 1971.
  • كمال داوود ، كاتب وصحفي ،زاد عام 1970.
  • مارنيا لازريج ، عالمة وكاتبة في "المرأة والإسلام"زادت عام 1944.
  • اسحق بلفوضيل ، لاعب كرة القدم زاد في عام 1992.

الملاحق[edit | edit source]

مراجع[edit | edit source]

  1. [2]مستغانم
  2. 2.0 2.1 [1]احتفال بليوم لاولمبي في مستغانم
  3. [2]رقم الكتاب الدولي المعياري
  4. 4.0 4.1 [3]رقم الكتاب الدولي المعياري
  5. 5.0 5.1 5.2 [4]الجزائري ONT.
  6. [5]تطور لاجتماعي وإعادة تشكيل المكاني: مدينة مستغانم
  7. 7.0 7.1 7.2 7.3 [6]مستغانم-دزاير
  8. [7]لمرسى تع مستغانم
  9. [8]مستغانم لديه شركته العامة
  10. [9]سيتم افتتاح محطة الطرق الجديدة اليوم
  11. [10]تاريخ مستغانم
  12. [11] مستغانم-تاريخ و ثقافة-
  13. [12]ثقافة تيزي وزو-مستغانم لقبايلية-
  14. [13]بلادي شابة-مستغانم-
  15. 15.0 15.1 15.2 [14]لتجارة والملاحة لجزايرية قبل الفتح الفرنساوي
  16. 16.0 16.1 [15]بلادي شابة-اخبار لمساء-
  17. 17.0 17.1 17.2 17.3 17.4 [16]مستغانم بلادي شابة -اخبار المساء-
  18. [17]رقم الكتاب الدولي المعياري
  19. Mahfoud Kaddache, L'Algérie durant la période ottomane, op.cité, p. 203
  20. Mahfoud Kaddache, L'Algérie durant la période ottomane, op.cité, p. 203
  21. [18]كامل كاتب ، أوروبيون ، "أهالي" ويهود في الجزائر (1830-1962)
  22. [19]الجزائر
  23. 23.0 23.1 23.2 [20]بلادي شابة مستغانم-اخبار المساء-
  24. [21]مستغانم -الصنع و التطوير-
  25. 25.0 25.1 25.2 [22]خطة استخدام الأراضي في منطقة درب - تبانا تاريخية فمستغانم: بين التخطيط والتنفيذ
  26. [23]البيانات التاريخية للمراكز الحضرية
  27. [24]السكان المقيمين حسب السن و الجنس
  28. [25]السكان المقيمين حسب السن و الجنس و البلدية
  29. 29.0 29.1 [26]ملاحظات على الحديث الحضري من مستغانم
  30. [27]عرض جامعة مستغانم على موقعها الرسمي
  31. [28]عرض المكتبة المركزية على الموقع الرسمي لجامعة مستغانم
  32. [29]ثلاث مكتبات بلدية ملحقة بالثقافة: نقل وأسئلة ؟؟؟
  33. [30]سلال يفتتح كلية الطب في مستغانم
  34. [31] "عرض ولاية مستغانم على موقع ANDI"
  35. 35.0 35.1 35.2 [32]مساء لجزاير
  36. [33]مساء لجزاير-ثقافة و رسم-
  37. 37.0 37.1 [34]مساء لجزاي-
  38. 38.0 38.1 38.2 38.3 [35] مستغانم و تاريخ ثقافة
  39. [36]اخبار لمساء
  40. [37]لا توجد مساعدة للوراثة في خط
  41. [38]مساء دزاير -ثقافة مستغانم-
  42. [39]للحفاظ على التراث
  43. 43.0 43.1 43.2 [40]حماية التراث التاريخي والثقافي في مستغانم
  44. 44.0 44.1 44.2 [41]مستغانم بلاد ثقافة
  45. 45.0 45.1 [42]حبيب تنقور
  46. [43]دزلير-فيلن الحراقة-
  47. [44]حراقة
  48. [45]رقم الكتاب الدولي المعياري
  49. [46]"لا يستطيع ميناء مستغانم استيعاب سفن كبيرة"
  50. [47]مرسى صيادة تع سلاموندر
  51. [48]مستغانم: خط شحن جديد إلى إسبانيا
  52. [49]مستغانم: سيتم افتتاح هايبر ماركت
  53. [50]بعد البويرة وعين الدفلة وقبة والرويبة وباب الزوار: سيفيتال يفتتح مركز أونو للتسوق في مستغانم
  54. [51]9 مليون زائر صيفي في عام 2009
  55. 55.0 55.1 [52]إعادة اكتشاف قصيدة سيدي لاخضر بنخلوف
  56. [53]الحديقة العامة المهجورة
  57. [54]اخبار دزاير
  58. [55]مساء "الميكروفون الذهبي"
  59. [56]افتتاح مدرسة رياضية في مستغانم
  60. [57]تعيين 120 مليون دج لتطوير البنية التحتية
  61. [58]مستغانم
  62. [59]رقم الكتاب الدولي المعياري
  63. [60]يتذكر مستغانم عبد القادر بينتوبجي. مساء المعلومات من 05/03/2004
  64. [61]تحديات جديدة لجمعية "AZUR"

مقالات عندها علاقة[edit | edit source]

روابط خارجية

مستغانم اليوم - مستغانم وليا .

مراجع[edit | edit source]

  • لويس عبادي ، مستغانم من شبابي.
  • مولاي بلحميسي ، تاريخ مستغانم.