Wp/arq/شعبي

From Wikimedia Incubator
< Wp‎ | arqWp > arq > شعبي
Jump to navigation Jump to search

شعبي جزايري

شعبي لجزايري

نوع من انواع لغنا لجزايري

شعب [1] بلعربيةشعبي هو نوع مل غنا جزايري بان ف جازاير منذ قرن عشرين ، شعبي تعني<< شعبة >>بالعربية (شعب ، << شعب >> ) ، هو نوع من أنواع لغنا لي عندهم شعبية فل جازاير جاي من غنا عربي أندلسي

أصله ومعناه[edit]

بتوازي مع مدح لغنا ديني الي هو سلف تاع شعبي، دزاير عندها ثاني نوع موسيقي شعبي وحداخر اللي نسموه عروبي وهاذي أنواع في الموسيقى العربية الاندلسية.في وقت شيخ ناضور(توفى في 1926)كانو كاينين فنانين وحدوخرين في (تفسير المدح )كيما (مصطفى درويش،قويدر بن سمان،الوناس خميسة،محمد صفصافي،سعيد درار،أحمد مكايسي،محمد زعوش،سعيد لعور).مع بداية قرن عشرين كان كاين صح تقليد في أوكار قصبة جزايريةلي هو تفسير إستخبار (إرتجال موسيقي وبداية صوت وإرتجال على إيقاع حر) في بلايص تاع موسيقى سيكاوالسحليڨاع يرافقو بلجمبر. أصل لأغاني لمقدسة تاع لمدح كانو يرافقوهم بصوت ألات لإيقاع و ألات بصوت الرياح.

مع مطلع عام ألف وتسعمية و عشرين بداو بعض لمداحات يْدَخْلُو بعض ألات وترية في أوركستراهم خاصة كيما ألجيروة أوركسترا لعروبي.هاذ لعصر غلبة نصوص تاوعو دايينها من فهرس شعراء لملحون.وممبعد بداو لموسيقيين يدو نصوص لترجموها بطرق أندلسية فلمدرسة لجزايرية ڨاع يخدموا كيف كيف شكل وتزامن.مكانش شكل موسيقي هو لمعروف ولا لمسموع بزاف بسبب نصوص تاع ملحون.[1] لي كانت مكتوبة بدارجة مغربيةبصح محتواه كان يضرب مفارقة تاريخية ويعكس أحداث إجتماعية تاريخية لي عرفتها دزاير.المدح كان كاين غير فلقصبة فدزاير سورتو في أوكار،شوية بشوية بداو لفنانين يقدموه فلقهاوي تاع دزاير وقت شهر رمضان ،شيخ سعيد لمداح ولا مالك سعيد ،ولي هو أسمو لحقيقي حقق أربع تسجيلات نصية عامية في عام ألف وتسعمية وربعة وعشرين، ولي راهم محتفظين بيها في أرشيف تاع إذاعة جزايرية.بعد موت شيخ ناضور، تلميذ تاعو محمد العنقة،هو لي تولى سلطة تنشيط لحفلات وكان عمرو تسعطاعش سنة.شبابو ساعدو باش يملك نظرة وحداخرة للمدح.وقدر ثاني يعطيلو دفعة جديدة ويقدمو في لأوركسترا تاع مندول عادة يكونو جزايريين. بسبة وسايل تقنية حديثة تاع سمعيات و إذاعة صوتية ، العنقة ولى هو منظم تاع مدح ولى ثاني من لكبار لي اداو هاذ نوع.وكاين كبار وحداخرين أداو هاذ نوع[2] كيما:حاج مريزق،الهاشمي ڨروابي،دحمان الحراشي،معزوز بوعجاج،عمار أزاهي،وكاين وحدخرين ثاني جدد [3] .

في عام ألف وتسعمية وستة وربعين سفير لبودالي،مدير تاع أدب ولفنانين للإذاعة جزايرية تاع حصص بلغة لعربية و لقبايلية ،دار موسيقات إقليميةالي كانت جزء من المدح تحت إسم لمعروف ب <<شعبي>> بلغة فرنسية وهذا برك بعد لإستقلال تاع دزاير نعقد فيها عام ألف وتسعمية وربعة وستين لي خلى شعبي تكون عندو هيمنة رسمية مثالية . كلمة شعبي دخلت فلقاموس تاع فرنسية بفضل عودة أغنية يا رايح تاع دحمان الحراشيلي غناها رشيد طه ،رجوع تاع هاذي لغنية دار نجاح عالمي ولاو يغنوها ببزاف لغات.

شعبي تاني كان في منطقة دزاير [4] في قرن عشرين جا من خليط تاع ثلاث صوالح أساسيين : لحن عربي-أندلسي، الملحون وشعر محبوب وثاني لغة بربر في وحد لوقت [3 ].على حساب صحافيين جان-بول و لابوغدات و دومينيك أوزياس،هاذ نوع ينتمي في شكله للموسيقى عربية-أندلسية بصح ليوم نمات مختلف تأثيرات عربية،أروبية وإفريقية بألحان تاوعهم و ڨناوى و لبربر فريتم [4] تاعهم.ما زالت دزاير هي لبلاصة لفعالة بزاف جي موراها بحد قليل،مدينة مستغانم [3]. بصح،مازالت محطة تقدير في ڨاع لبلايص تاع دزاير بنسبة لجوانب إجتماعية ولا أخلاقية في نصوص تاوعها[4]. .

أوضاع تاع لموسيقى[edit]

يستعمل شعبي في موكوناتو في أوضاع موسيقية ولي هي : موال، زيدان،أراق،غريب،جارك،رمل مايا ، سيكا، مزموم، سحلي. لوضع سحلي ماهوش موجود فلموسيقى عربية-أندلسية نوجدوه غير فلموسيقى شعبية ستادين. في قسنطينة هاذ لوضع تاع لموسيقى يعيطولو رحاوي وفشرق-عربي يعيطولو نهاوند

ألات[edit]

شعبي يستعمل ألات موسيقية ولي هيا: زوج ألات ايقاع معروف دربوكة و التار ولكن تاني مندول شعبي (آلة خاصة فدزاير،ونوع كبير للمندولين بصوت لقيتارة، مقدمة معاه مقبض طويل وربع سلاسل مزدوجة مصنوعة من لمعدن)، كمان و البانجو (عموما في أوركسترا شعبية، يكون عندنا لبانڨو٠و تاع ڨيتارة و لبانڨو تاع تينور ) ، ناي ( فلوت وردية) ومننساوش لكانون ، ليعزفو لكانون تاع عربو-أندالو وشعبي يستعملو دايمن كمان تاعهم لعمودي .حتى مندول يبدل لكويترا ( آلة موسيقية عربية- أندلسية جزايرية) قليل وين يسمع لبيانو. ومن جهة وحداخرة مكانش آلة تاع تريسينتي مقبولة ، غير مرات لقفالي في جهة تاع عملي .

لمغنيين[edit]

لحاج محمد العنقة

حاج مريزق

حسيسن

عبد القادر شاعو

عمر زاهي

بوجمعة لعنقيس

شيخ حسناوي

دحمان لحراشي

حميد بوجاوي

كمال مسعودي

معزوز بوجاج

يوسف أبجاوي

ريضا دوماز

سيد علي لكام

سليمان عزام

معطوب لوناس

محمد زربوط

ليك شرقي

سمير شوبان

لمذكرات ولمراجع[edit]

1 ↑ دخول شعبي فلمبرواز كفلك و أل.، لفرونسي فدزاير : معجم وديناميكية لغات، بروكسل ، ديكولت، كول ، << حقل تاع لغات/ لمجموعات>>2002 [1re éd.], 590 p., 24 cm (ISBN 2-8011-1294-1 et 978-2-8011-1294-6, OCLC 

470185511, notice BnF no FRBNF38858608), p. 228-229 (consulté le 16 décembre 2015)

2 ↑ [pdf] الشعبي في نصوص 
3 ↑ a, b, c  d جماعية منسقة من طرف حسان رموان، جزاير :تاريخ مجتمع و ثقافة ، قصبة إنتاج 2000 ،ص 351  (ISBN 9961-64-189-2),ص 296
4 ↑ جزايي 2011 من طرف جون-بول لابوغدات،دومينيك أوزياس ص 119 [1]

مرفق[edit]

قائمة لمراجع[edit]

يميلي غبالو <<مغني شعبي: قصة متعلقة بمدينة دزاير >> في نجاة خدة و بول سبلوت (قال.) ، دزاير : مدينة ولقوال تاوعها،مونتابليي ،براكسيلين . جامعة بول ڥلاري ، كول. <<خيط تاع خطاب>> ،ألف وتسعمية وستة وتسعين صفحة ربعمية. (ISBN 2-84269-001-X), صفحة . من متين و ثلاث و سبعين حتى لمتين وسبعة وثمانيين

مقالات لعندهم علاقة[edit]

لموسيقى لجزايرية

لموسيقة لعربية-أندلسية

شعبي لمغربي

لڨوسطو فيلم وثائقي

روابط لخاريجية[edit]

بشير لحاج علي ,<<لعنقة وتقليد <<شعبي>> >>،جزاير جمهوري عشرين ماي ألفين وعشرة (قراءة فلنترنت) بوابة موسيقة تاع عالم

بوابة تاع جزاير

المراجع[edit]