Wp/arq/عبد الحميد بن باديس
عبد الحميد بن باديس زايد في 4 ديسمبر 1889 في قسنطينة, شرق دزاير, توفى نهارالثلاثا 16 أفريل 1940,كان الشاف الباين قاع ف لحركة الٳصلاحية الٳسلامية في دزاير. عبد لحميد بن باديس لولد لكبير لعائلة برجوازية حضرية و قديمة, يعود تاريخها للزيريين ,سلالة البربر المسلمين تأست ف لقرن العاشر واڵلي أسسها بولوغين بن زيري. أسس بن باديس ف 1931 جمعية لعلما المسلمين الدزيريين, ف آل شهاب تصدر كل شهر م 1925 حت لموتو ,أفكارو الاصلاحية ف المجال الديني و السياسي.
كيفاش كانت مسيرتو
[edit | edit source]كيما قلنا بن باديس زايد في قسنطينة 1889, و عندو بزاف خاوتو ,باباه محمد مصطفى بن آل مكي مول أرض كبيرة في المنطقة تاعو , و كانو يتأثرو بيه بزاف .
وين و كيفاش تعلم
[edit | edit source]كبر بن باديس في بلاصة مدينة , اللي خلاتو يتعلم القرآن و هو ف عمرو 13 سنة. التزم بيه مڵي كان صغير, كان تحت وصاية حمدان بنلونيسي , اللي ماركا شباب بن باديس و منساش نصيحتو "تعلم العلم على جال العلم و ماشي خاطرش واجب”. حمدان عطالو تانيك وعد ٲنو مايكونش مسؤول فالنيابة تاع فرنسا, و يبقا يدافع على حق الشعب لمسلم ف قسنطينة.
ف جامع الزيتونة
[edit | edit source]ف 1908 , كان ف عمرو 20 سنة , بن باديس قرر يبدا رحلتو لولى لمسجد العلوم الزيتونية ف تونس , اللي كانت ف ذاك الوقت مركز مهم ف العلم. ف جامع الزيتونة يبدا الافق للتكبير , كان يحب يصلي متكسل على العشب . تماك نلاقا معى بزاف علماء اللي أثرو على شخصيتو , من بينهم الشيخ محمد النخلي اللي جذر فيه فكرة الاصلاح ,و كان تانيك الشيخ محمد الطاهر بن عاشور اللي خلاه يحب اللغة العربية . و الشيخ بشير اللي دفع بن باديس باش يكون مهتم بلماشاكل تاع التاريخ و المعاصرة للمسلمين. و يلقا حلول باش يخرج الاستعمار و آثارو. مبعد رجع لدزاير و قال انو بدا يقري ف جامع الكبير ف قسنطينة , بصح المعارضين تاع الحركة الاصلاحية الاسلامية بغاو يمنعوه , و هدا الشي خلاه يروح مرة خرا, بصح هادي المرة للشرق الأوسط.
ف المدينة المنوره
[edit | edit source]بعد ما راح حج ف مكة و المدينة , قعد بن باديس ثلث شهر ف جامع النبوي باش يقري تماك. ف هداك الوقت تلاقا مع صاحبو و اللي هو واحد من سيبورتار تاع الحركة الإصلاحية الإسلامية الشيخ محمد البشير الابراهيمي , و هادي المعرفة ولات نقطة بداية تاع اصلاح ف دزاير , بعد ما تلاقاو و هدرو و خمو بزاف باش يديرو خطة ياينة. الشيخ حسين أحمد الهندي اللي ساكن هو تانيك ف المدينة , قال ل بن باديس باش يرجع للدزاير علا خاطرش يحتاجوه. و هو راجع ف طريقو دهم بن باديس جامع ف سوريا و آل الأزهر ف مصر وين تلاقا معا بزاف ناس تع أدب و علم .
رجوعو للدزاير
[edit | edit source]عام 1913 رجع بن باديس للدزاير و استقر ف قسنطينة , بدا يقري و يمد دروس ف الجامع للدراري و للكبار. مبعد بدا يطور الليدي تاع تأسيس جمعية العلما المسلمين . ف 1936 بن باديس دخل باش يشارك ف المؤتمر المسلم الدزيري . و اللي داروه ف صيف 1937.ف نفس العام رجع بن باديس للجمعية تاع العلما المسلمين , و اللي هي وحدة من اهتماماتو لولى و لسونتيال ف هادي الفترة م حياتو انو يكون كونتر القمع و يخرج م الدعاية و الخدمة المعادية. دار قاع هادا الشي وقت ما كان يخدم جوغناليست.
ف عام 1939 , دار بن باديس كلوب تاع فوت بول سماه مولودية علوم تاع قسنطينة . ف 16 أفريل 1940 , مات بن باديس ف قسنطينة وين زاد , حضرو ف دفينتو 20000 واحد , كانت جنازتو احتجاج كونتر لٳستعمار , يوم لعلم و من هذاك النهار ولاو يحتفلو بموتو كيوم علم.
وينهم المراجع لي جبنا منهم
[edit | edit source]↑ تماركات لخميس 5 ديسمبر 1889 ف لغوجيستغ تاع الحالة المدنية. ↑ الأنبا الجزايريا: لحفلة تاع يوم لعلم يعكس الفايدة لي دارتها البلاد باه تعلم الأجيال الشابة.
مقالات
[edit | edit source]https://fr.wikipedia.org/wiki/Association_des_oul%C3%A9mas_musulmans_alg%C3%A9riens https://fr.wikipedia.org/wiki/El-Okbi https://fr.wikipedia.org/wiki/Mohamed_Bachir_El_Ibrahimi https://fr.wikipedia.org/wiki/Mohamed_La%C3%AFd_Al-Khalifa https://fr.wikipedia.org/wiki/Mebarek_el_Mili https://fr.wikipedia.org/wiki/Larbi_T%C3%A9bessi https://fr.wikipedia.org/wiki/Fodil_El_Ouartilani https://fr.wikipedia.org/wiki/Cheikh_Abbas https://fr.wikipedia.org/wiki/Ahmed_Taoufik_El_Madani https://fr.wikipedia.org/wiki/Ibn_Badis_(Constantine)
لي غولاتيو لخارجية
[edit | edit source]https://fr.wikipedia.org/wiki/Autorit%C3%A9_(sciences_de_l%27information)http://viaf.org/viaf/100326748 http://isni.org/isni/0000000118164204 http://catalogue.bnf.fr/ark:/12148/cb14527330f http://www.idref.fr/137109008 https://web.archive.org/web/20070408160837/http://www.el-mouradia.dz/francais/algerie/portrait/Archives/badis.htm https://web.archive.org/web/20170223083418/http://lequotidienalgerie.org/2012/01/06/23069/
.