Wp/arq/تقاليد الدزاير
تقاليد دزاير
[edit | edit source]دزاير بلد غني بالثروات لاقتصادية و طبيعية على غرار الثقافة لي تمتد من أقصى الغرب إلى أقصى الشرق بعاداتهم لمتنوعة في اللباس ،في الماكلة ، في الفن ..الخ.
أعياد في دزاير
[edit | edit source]في دزاير عندها عياد ميلادية و عياد هجرية و عياد وطنية لي تتمشى عليهم و جايين في الدستور تاعها لعياد ميلادية كيما راس السنة الميلادية 01 جانفي ، عيد العمال 01 ماي . لعياد وطنية كيما 19 مارس عيد نصر ، 05 جوييي عيد لستقلال و 01 نوفمبر عيد الثورة 08 ماي 1956 و 20 أوت 1956 انعقاد مؤتمر الصومام من أجل لاستقلال. لعياد دينية عيد صغير (عيد مور رمضان) ، لعيد لكبير لي يذبحو في لكباش ، العواشير و غرة محرم لي هو رأس سنة هجرية ، مولود نبي .في أوت 2009 دزاير عدلت الدستور بتغيير لويكاند من خميس عشية و جمعة و رجع يويكاندو ب الجمعة و السبت في جال تعامل مع البلدان الأجانب و لاستثمار .
و زاد الدستور تغير في 2018 حيث زادو الأعياد البربرية و الأمازيغية 12و 13 جانفي راس العام ناير و عيد الربيع 20 أفريل .
لعراس في دزاير
[edit | edit source]لعرس هو عقد يرضا فيه راجل و لمرة علا حساب شكل لقانون .
مراحل لعرس
[edit | edit source]
1-الشوفة قبل وين يجي العريس ولا غير ماليه يشوفو لعروس لي خيرها الطفل و لا يشوفوهالو هوما اذا عجبتهم تجي مرحلة المفاهمة لي يتلاقاو أهل العريس رجالا مع بابات العروس يتفاهمة على شروط دياولهم و لمهر في دزاير مهر يكون بين 15-25 مليون و كل عائلة واش تشرط و على حساب عادات و تقاليد كل ولاية . 2-الخطبة تجي بعد المفاهمات و تشاور يجو أهل لعرسان يقراو لفاتحه هيا لحاجة لاولا و لمهيما ف القرآن الكريم علا حساب ما يشوفو صحاب الدين ، و لازم يكملو لعرس بلفاتحه . رجالا برك هوما للي يكونو حاضرين و لعروسة يعوضها باباها. بصح كاين وحد لعوايد يديروهم يقراو فيهم لفاتحه مور لخطبه ديركة، معناها كي يقبلو طرفان علا زواج. ف صح مالين لعريس هوما للي يجيبو لإيمام، و ف لأول لازم لإيمام يدي راي الطفلة و يشوفها يلا راهي قابلا باه يكون زواج مشروع.و من بعد يقول كلمتو قدام بوي لعريس و بوي لعروسة، باه يبدا للحب قيمة و يكون زواج ناجح. ف دين كانو يعتابرو لفاتحه هي للي تزوجو جدد يعني كيما نقولو حنا لعريس و لعروسة. بصح علا حساب لحياة ف لمجتمع ما يروحوش حتا يكملو لحفله لكبيرة و للي يسموه في وحد لبلايص "رفود" للي فيه تروح لعروسة لدار راجلها و لعشية يجو نسا يجيبو حق العروس تحت زغاريت و غنا و يديرو حفلة. 3- العقد بكري كانت لفاتحة هي صح في عقد زواج أما بعد تلاعبات و صعوبة الحياة دارت دولة العقد باش تضمن للمرا حقها و مايضيعلهاش خاصة كاين لي ولا يدير العرس بلفاتحة بعد ايام يتلق المرا و مايعتارفش بوليدو .
4-لعرس ولا رفود بعد ما تخلص لعروس حوايجها و تروسو تاع لعرس من تصديرة و فراش و صوالح مهمين تعرض العروس صحاباتها و حباباتها و عايلتها باش يتلمو على عشا حلال كيما يقولولو و هو لي يعرفوه ف الدين الإسلامي ( اعلان الزواج) تلبس العروس تصديرتها غالبا ما يكون فيها لونسونبل تفتح بيه التصديرة و لا بدرون و كاراكو و قفطان و جبة قبايلي و لا شاوي و قسنطينية و غوب دو سواغي و لاغوب بلونش .