Wp/arq/كاراكو
كاراكو
 | |
| الأسم : كاراكو | |
| لبلاد : دزاير | |
| الصنع : الفولور | |
| تصنيف : تقاليد دزاير | |
| تاريخ : قرن 15 | |
الكاراكو
[edit | edit source]هوّا لبسة تقليدية جازايرية تخص ب التحديد ناس العاصمة أو ناس القصبة . كانو ناس زمان و مازالت بعض النسا يلبسوه حتى في ساير ليام .هو مكون من الفوق بفيستا مصنوعة من الفولور قطيفة ولا صاتا ولي مخدومة بالخيط الفضي أو بالخيط الذهبي ولي يعيطولو المجبود ولا الفتلة و لا الشعرة و يكون مزين بالاحجار اللماعة و العقاش لي يعطولو لمسة أنيقة .او ملتحت جاي سروال لي يقدر يكون سروال مدور عادي ولا كاين وحداخر لي يسموه القويط او الشلقة .الكاراكو يجي فيه شال لي ينقبض ب لي زيبانڨل ولا ينعقد عادي يسمو هاد الشال "المحرمة"ولا "الفتلة" يديروه لبنات على جيهة وحدة باش يبان منو الشعر شباب و كاين لي بعض النسا لي تحب تزيد بعض ادوات الزينة كيما خيط روح و لا خلخال . الدزيريات تاني يديرو القبعة لي يسموها "الشاشية" ولا "الطربوش" لي مصنوع من الفولور .من بعد لي كان الطربوش بكري يديروه غي الرجالا النسا عطاولو لمسة عصرية و بداو هوما تاني يديروه باش يبانو كيف كيف كيما الرجالا .اليوم الكاراكو راهم يلبسوه غي في لعراس في كامل الجازاير.مكاش عروسة لي ماتديهش في التروسو ديالها لانو يزيد النص في العروسة تقدر تصدر بيه مع برنوس و لا الحايك ولا تتحزم بيه ف النهار ازاوج بصح قليل لي يخيطوه لا قيباش سومتو غالية شوية علا هاذ يكروه بسومة معقولة.
مصدر تاعو
[edit | edit source]اختلف الاراء على مصدر الكاراكو كاين لي يقول جزايري و كاين لي يقول من مغرب أما الأصل فهو ينسب للطبقة الارستقراطية في دزاير ظهر في القرن خمسطاعش
أنواعو
[edit | edit source]كاراكو فيه أنواع كاين لي يجي مخدوم كلو مالقطيفة القطعتين يعني الفيستا و السروال ، كاين لي لي قطعة الفوق لي بالفولور و السروال يكون بنوع آخر كيما كتان الپاييتي و لا ساتا خفيفة و كاين تاع الجيبة و يختلف حسب ذوق كل وحدة .
في تشكيلات تاع الاعوام الاخيرة زادو المصممين نوع آخر و هو البدرون شكله تقريبي للكاراكو و يختلف عليه فالكتان و الخدمة .
مراسم الفاتحة
[edit | edit source]لفاتحه هيا لحاجة لاولا و لمهيما ف القرآن الكريم علا حساب ما يشوفو صحاب الدين ، و لازم يكملو لعرس بلفاتحه . رجالا برك هوما للي يكونو حاضرين و لعروسة يعوضها باباها. بصح كاين وحد لعوايد يديروهم يقراو فيهم لفاتحه مور لخطبه ديركة، معناها كي يقبلو طرفان علا زواج. ف صح مالين لعريس هوما للي يجيبو لإيمام، و ف لأول لازم لإيمام يدي راي الطفلة و يشوفها يلا راهي قابلا باه يكون زواج مشروع.و من بعد يقول كلمتو قدام بوي لعريس و بوي لعروسة، باه يبدا للحب قيمة و يكون زواج ناجح. ف دين كانو يعتابرو لفاتحه هي للي تزوجو جدد يعني كيما نقولو حنا لعريس و لعروسة. بصح علا حساب لحياة ف لمجتمع ما يروحوش حتا يكملو لحفله لكبيرة و للي يسموه في وحد لبلايص "رفود" للي فيه تروح لعروسة لدار راجلها.
تصديرة لعروس
[edit | edit source]غدوة من ذاك لعروس تتصد وهذي التصدير يديروها غير لجزايريات و غير النسا بيناتهم باش يشوفوها الناس واهل رجلها , في هذي تصديرة تلبس لعروس على الاقل ربع لبسات تقليدية وعلى حساب لجيهة الي تسكن فيها شرق ,غرب , وجنوب , وعلى حساب اصل لعروسة ل شاوية , قبايلية , ترقية , مزابية , شلحية.... وتلبس كيما قفطان, شدة, لباس , كاراكو ,منصورية ,قبايلية ,فرقاني ,غلاف , قسنطينية.... و يقدمو لقاطو تقليدي , قهوة,اتاي و حاجة باردة , كي تكمل تصديرة يجي عريسها يخرجها معاه لدارو , يروحو معاها قوادات ثلاثة و لا ربعة نسا كبار من فاملهتا ( عماتها و خلاتها ) وتدي معاها ثلاث انواع من لحلوى للفال .
لجفنة
[edit | edit source]نهار الجفنة هو نهار لثالث تاع لعرس , لعروسة يجو فاملتها ويجيبو معاهم لفطور الي هو لجفنة وهي كسكس بالحم و لخظرة ,دراجي , زبيب و لبيض ولمرقة. يفطرو لعايلا في رحبا و لعروسة مع عريسها , بعد لفطور تخرج لعروسة تقعد مع لحاظرين , مع الزهو و لغنا .
