Wb/nia/Turia Somuso Dödö/Mataio/1
Nga'ötö Yesu
[edit | edit source]1 Sura nga'ötö Yesu Keriso, ma'uwu Dawido, ma'uwu Gaberahamo.
2 Aberahamo nama Giza'aki, Iza'aki nama Yakobo, ba Yakobo nama Yuda awö ndra talifusönia. 3 Yuda nama ndra Feresi ba Sera, inara Damara. Feresi nama Geseromo ba Eseromo nama Garamo. 4 Aramo nama Gaminadabi, Aminadabi nama Na'aso, Na'aso nama Zalemo. 5 Salemo nama Boasi, inania Rakhaba. Boasi nama Yobedi, inania Ruti. Yobedi nama Giza'i. 6 Iza'i nama razo Dawido.
Dawido nama Zalomo, inania fo'omo Guria andrö. 7 Salomo nama Rehabeamo. Rehabeamo nama Gabia. Abia nama Asa. 8 Asa nama Yosafati. Yosafati nama Yoramo. Yoramo nama Usia. 9 Usia nama Yotamo. Yotamo nama Gahasi. Ahasi nama Hisikia. 10 Hisikia nama Manase. Manase nama Gamoni. Amoni nama Yosia. 11 Yosia nama Yekhonia awö ndra talifusönia, ba me luo tefawu'a ira ba Mbabilona.
12 Ba me no awu'a ira ba Mbabilona, tumbu nono khö Yekhonia sotöi Selatieli. Selatieli nama Zerubabeli. 13 Serubabeli nama Gabiudi. Abiudi nama Geliaki. Eliaki nama Gasori. 14 Asori nama Zadoki. Sadoki nama Gakhimi. Akhimi nama Geliudi. 15 Eliudi nama Geleasari. Eleasari nama Matana. Matana nama Yakobo. 16 Yakobo nama Yosefo, fo'omo Maria andrö. Khönia tumbu Yesu nifotöi Keriso.
17 Eluahania so fele öfa nga'ötö i'otarai Gaberahamo irugi Dawido, ba fele öfa nga'ötö göi i'otarai Dawido irugi wa'awu'a ba Mbabilona, ba fele öfa nga'ötö zui i'otarai wa'awu'a ba Mbabilona irugi Keriso.
Fa'atumbunia
[edit | edit source]18 Ba simane waö-waö wa tumbu Yesu Keriso andrö:
No isofu ninania Maria andrö Yosefo, ba hiza fatua lö orudu ira, oroma wa no manabina ia börö Geheha Ni'amoni'ö.[1]
19 Edöna iröi Maria Yosefo ba zi lö larongo niha, me niha satulö ia ba lö omasi ia i'aliasi Maria föna zato.[2]
20 Ba aefa ifatou-tou tödönia da'ö Yofeso, oroma khönia mala'ika Zo'aya ba wangifi, imane:
He Yosefo, ma'uwu Dawido, böi ata'ufi wangai Maria andrö tobali ngambatöu, börö me tabinania andrö no moroi ba Geheha Ni'amoni'ö.[3] 21 Madono ia dania ono matua ba be'e töi nono andrö Yesu, me i'efa'ö dania mbanuania moroi ba horöra[4]
22 Ba alua fefu da'ö ena'ö itörö niŵa'ö Zo'aya nifa'ema zama'ele'ö andrö: 23 Manabina dania nono alawe andrö ba madono ia ono matua, ba labe'e töi nono andrö Emanueli, eluahania awöda Lowalangi.[5]
24 Ba me maoso ia, ifalua niŵa'ö mala'ika Zo'aya andrö khönia Yosefo ba ihalö fo'omonia Maria.
25 Ba lö orudu ira irege madono Maria ono matua, ba ibe'e töinia Yesu.[6]
Famotokhi ba gahe
[edit source]Fabaliŵa lala
[edit source]Injil Mataio: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28
Turia Somuso Dödö: Mataio • Mareko • Luka • Yohane
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö