Wb/nia/Timoteo I/5
Fondrorogö lakha mbanua[edit | edit source]
I. 1 Niha satua, ba böi feta'u, ba farou dödönia, hulö na amau, ba ono matua, ba hulö na talifusöu;[1] 2 ira alawe satua, ba hulö na inau, ba ono alawe, ba hulö na talifusöu alawe, ni'onangegö sibai. 3 Lakha mbanua andrö, ba fosumange, na si ndruhu lakha mbanua. 4 Ba na so lakha mbanua si so ono, ba ma ma'uwu, ba ndramufamaha ira ua, wolo'ö huku Lowalangi, ba wondrorogö soroiyomora, ba ba wamasulöni khö ndra inara nitemara; da'ö sa zomasi Lowalangi.[2] 5 Ba si ndruhu lakha, si lö olembata, ba no manötöna khö Lowalangi, ba lö iböhöi wangandrö ba fangalulu bongi ma'okhö.[3]
6 Ba samorege femanga-manga, ba ma hadia ia, ba no mate auri.[4] 7 Ba da'ö goroisa, ni'ombakha'öu, ena'ö lö sinegu khöra.
8 Ba na so zangositengagö sahatö khönia, ba mendrua manö na soroiyomonia, ba no i'osilö'ögö wamati, ba abölö walösökhinia, moroi ba walösökhi zi lö mamati.[5]
9 Na latanö ba zura döi lakha mbanua, ba böi ambö önö ngafulu fakhe wa'atua, si ha sambua donga föna, ba si sökhi turia, ba mbua-bua,[6] 10 na no i'e'ebua ndraono, na no ibe'e-be'e gö dome, na no isasai gahe ni'amoni'ö andrö, na no itolo-tolo zi tosasa, na no i'alui mbua-bua si sökhi, fefu, hadia ia ngawalö.[7]
11 Na lakha mbanua sambö fa'atua, ba böi tehe; na no mohokha ira sa, si fa'udu khö Keriso, ba edöna ira möi nihalö, 12 ba lalu'i dahi andrö, wa no faröi ira, ba nifabu'u andrö, si föföna. 13 Ba faböbö ba da'ö, wa lafamaha ira wangero-ngero lö mohalöŵö, ba tenga ha fa lö mohalöŵö, wa'oya göi mbewe, lahalö khöra zi tenga khöra, lalau huo-huo si lö göna.[8]
14 Andrö omasido, na möi nihalö lakha mbanua sambö fa'atua, na mo'ono, na tobali samatörö soroiyomora ira, ba na lö lafobörö wanandraŵaisi ba zi fa'udu andrö;[9] 15 noa sa aheta ösa, la'o'ö Zatana.
16 Na so zamati, ira alawe, si so lakha mbanua, ba yamurorogö, ba böi möi noro dödö mbanua, fa la'ila latolo zi ndruhu lakha mbanua.
He lawisa ba zatua mbanua[edit | edit source]
II. 17 Satua andrö, sangehaogö fangai halöŵöra, ba nifodua winaeta zumangera, ba mendrua manö ba zi so halöŵö fahuhuosa ba famahaö.[10] 18 Noa sa so ba zura: "Böi fosare'a mbawa göröbao samöbörö fakhe" ba: "No sinangea labe'e luo ba zohalöŵö."[11]
19 Böi tema na la'adugö zatua, na tenga darua, ba ma datölu zi so ba mbörö.[12] 17 Si so lalö otu'ö, ba zi so sato fefu, ena'ö ata'u göi danö bö'ö.[13] 21 Uŵa'ö sibai khöu, föna Lowalangi, ba föna Keriso Yesu, ba föna mala'ika nitutuyu andrö, ena'ö lö olifu'ö da'ö, ena'ö lö aösö ö'etu'ö huku, ba ena'ö lö ebua dödöu zambuana, wolau hadia ia, fefu.[14]
Tanö bö'önia[edit | edit source]
III. 22 Böi aösö tufa tanga högö niha, gofu ha niha ia, ba böi fabaya ndra'ugö ba horö niha bö'ö; böi tobaya khöu hadia ia zi lö sökhi.[15]
23 Böi sa'ae ha sambalö idanö öbadu, öfake sa nagu ma'ifu, ba dalumö andrö, ba me asese mofökhö'ö.
24 So ösa niha soroma horö, ihulö huku, ba so göi, ba moroi furi.[16] 25 Si manö göi mbua-bua si sökhi andrö, oroma, ba ba zi tenga si manö, ba tebai sa ato tobini dania.[17]
Famotokhi ba gahe[edit | edit source]
Fabaliŵa lala[edit source]
Olayama Zura Timoteo I: 1 • 2 • 3 • 4 • 5 • 6
Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö