Wb/nia/Timoteo I/1
Fangowai
[edit | edit source]I. 1 Faulo zanura da'e, sinenge Keriso Yesu andrö, dali goroisa Lowalangi, sangorifi ya'ita, ba oroisa Keriso Yesu andrö, tötönaföda,[1] 2 khö Dimoteo andrö, si ndruhu nononia andrö, ba wamati. Yafalukha'ö wa'ebua dödö ba fa'ahakhö dödö ba fa'ohahau dödö, khö Namada Lowalangi, ba khö Keriso Yesu, So'aya ya'ita.[2]
Fangelama ba zamaelungu andrö
[edit | edit source]II. 3 Si mane famarougu tödöu, fa ö'iagö Nefeso, me möido ba Makedonia, ena'ö öŵa'ö khöra ösa, böi lafaehusi wamahaö,[3] 4 ba böi la'o'ö gamaedola andrö, ba fanutunö nga'ötö andrö, si lö aetu, famobörö wagua-guasa, moroi ba wogunania ba wamatörö Lowalangi banuania andrö, ba wamati.[4]
5 Ba ba da'ö moguna goroisa, ba wanga'asogö fa'omasi, soroi ba dödö si no ohau-hau, ba ba dödö si lö fategu, ba ba wamati si lö famini;[5] 6 noa sa so ösa zi no mondröi da'ö, solau huhuo si lö boto.[6]
7 No labali'ö samahaö ba goroisa ira, ba lö saboto ba dödöra, he niŵa'öra, ba he nifaduhu'öra. 8 Ba no ta'ila, si sökhi goroisa andrö, na atulö wamoguna'ö niha ya'ia,[7] 9 na no i'ila, tenga ba zatulö goroisa andrö, ha ba zolalö, ba ba zi lö mamondrongo li, ba ba zi no mangerogö Lowalangi, ba ba zamazökhi horö, ba ba zi lö ohau-hau, ba ba zi lö sökhi, ba zamunu ama, ba ba zamunu ina, ba ba zange'e,[8] 10 ba ba zohorö, ba ba zohoröni ono matua, ba zanagö niha, ba ba zofaya-faya, ba ba zi möi ba hölu ba zi lö duhu, ba ma hadia ia mbö'önia, si lö faudu ba wamahaö si ndruhu andrö,[9] 11 dali duria somuso dödö andrö, turia lakhömi Lowalangi sohahau tödö andrö nibe'e ba dangagu.[10]
Fanuno wa'ebua dödö Lowalangi
[edit | edit source]III. 12 U'andrö saoha gölö khö Keriso Yesu, So'aya ya'ita, sangabölö'ö ya'o, me no iŵa'ö tödönia, lö faröi ndra'ö, me ifataro ndra'o ba halöŵö andrö, 13 ya'odo andre, sanandraŵa föna ba solohi ba sangosiwawöi; ba no falukhado wa'ahakhö dödö, me lö'ö na u'ila watahögö, me ulau da'ö, me lö faduhu dödögu na.[11]
14 Bo no fahöna wa'ebua dödö Zo'aya ya'ita andrö, awö wamati ba awö wa'omasi andrö, ba khö Keriso Yesu.[12] 15 Si ndruhu daroma li andrö ba si nangea tafonaha manö, wa no möi ba guli danö Keriso Yesu, ba wangorifi si so horö; sebuara ndra'odo.[13] 16 Ba andrö tehakhösi tödö ndra'o, ena'ö ba khögu, ba zebua honö andrö, i'oigö wangoroma'ö fa'ebolo dödönia Yesu Keriso, duma-duma ba zamati khönia dania ba wanema fa'auri si lö aetu. 17 Ba razo zi lö aetu andrö, si lö tebulö, si lö oroma, Lowalangi si ha samösa andrö, ba nifosumange ba nisuno, irugi zi lö aetu. Yaduhu.[14]
Oroisa khö Dimoteo
[edit | edit source]IV. 18 Da'ö goroisagu khöu, ya'ugö onogu Timoteo, dali li wama'ele'ö andrö föna, nitandrösaigö khöu, ena'ö ö'o'ö da'ö, wolau fasöndrata andrö, si sökhi,[15] 19 ba ena'ö lö öböhöli wamati, ba ena'ö lö tebulö wa lö sinegu dödöu khöu; noa sa so ösa zi no manibo da'ö, ba no taya wamatira, hulö zaboto owo.[16] 20 Ya'ia khö ndra Himenaio Alesandro, nitou'ögu ba danga Zatana, ena'ö te'otu'ö ira, fa böi sa'ae manandraŵa.[17]
Famotokhi ba gahe
[edit | edit source]- ↑ KorI 1:1; Kol 1:27
- ↑ TimII 1:2; KorI 4:17; Tit 1:4
- ↑ HalZin 20:1–4
- ↑ Faigi 4:7; Tit 1:14
- ↑ Kol 3:14; Rom 12:9
- ↑ Faigi 6:4 b.t. 20
- ↑ Rom 7:12
- ↑ Gal 5:23
- ↑ KorI 6:9 b.t.; MozII 21:16
- ↑ TesI 2:4
- ↑ Gal 1:13 b.t.; HalZin 8:3; 3:17
- ↑ KorI 15:10
- ↑ Mat 1:21; 9:13
- ↑ Rom 16:27; Yud 25
- ↑ Faigi 6:12
- ↑ Faigi 6:10–21; HalZin 24:16
- ↑ TimII 2:17; 18:4–14; KorI 5:5
Fabaliŵa lala
[edit source]Olayama Zura Timoteo I: 1 • 2 • 3 • 4 • 5 • 6
Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö