Wb/nia/Timoteo I/3

From Wikimedia Incubator
< Wb‎ | nia‎ | Timoteo I
Wb > nia > Timoteo I > 3

Si sökhi amuata zanaro[edit | edit source]

I. 1 Si ndruhu daroma li andre: Na so zangalui halöŵö zatua niha Keriso andrö, ba halöŵö si sökhi i'alui.[1] 2 Ba satua andrö, ba böi mosinegu, böi samodombua donga, böi sambö era-era, ha satua-tua, si sökhi böwö, same'e-me'e gö dome, sangila mamahaö.[2] 3 Böi samadu-madu tuo, ba böi si fabago-bago, ha sebolo tödö, si lö fagua-gua, si lö omasi ana'a;[3] 4 sangila mangehao, wamatörö soroiyomonia, si so ono solo'ö linia, si no a'oi so fa'amoadu. — Na so zi lö mangila mamatörö soroiyomonia, ba he iwisa wondrorogö banua Lowalangi andrö? — 6 Böi si bohou mubayagö idanö, fa böi fayaŵa ia, ba fa lö göna ia huku andrö, khö Gafökha. 7 Ba lö tola göi lö sökhi duriania ba si so baero andrö, fa böi tetandraŵaisi ia, ba fa böi alau ia ba dandraŵa Gafökha.[4]

Amuata genoni[edit | edit source]

II. 8 Ba si manö göi genoni andrö: si sökhi amuata, böi dua lela, böi samadu-madu tuo, böi sangalui ana'a si lö atulö,[5] 9 si lö mamöhöi si no tobini andrö, famati andrö, ba dödö si lö sinegu.[6] 10 Ba nitandraigö göi ira ua, ba awena tola möi ira enoni, na lö sinegu. 11 Ya si manö göi ndra alawe: si sökhi amuata, böi samöbögö si lö duhu, böi sambö era-era; si lö faröi, gofu hadia ia.[7] 12 Ba enoni andrö, ba si ha sambua donga, sangehaogö famatörö onora ba soroiyomora, fefu. 13 Lasöndra sa khöra naha si sökhi sangehaogö fangai halöŵöra andrö, ba fahöna dania khöra wa lö aiŵö, ba wamati andrö, ba khö Keriso Yesu, labe'e.[8]

Tuho wamahaö[edit | edit source]

III. 14 Da'ö nisuragu khöu, ba udöna-döna, alio usöndra we'amöi khöu; ba na ara ndra'o, 15 ba ena'ö na ö'ila, he lawisa ba nomo Lowalangi andrö, ya'ia mbanua Lowalangi sauri andrö, ehomo zi duhu andrö ba dane-danenia.[9] 16 Ba tenga faya, wa no ebua zi no tobini andrö, ba wolo'ö andrö khö Lowalangi: si no tefa'ele'ö ba nösi niha, nifa duhu'ö ba khö Geheha, si no mangoroma'ö ya'ia ba mala'ika, nituriagö ba niha baero, ba zi no faduhu dödö niha ba guli danö, da'ö ni'ohe yaŵa ba lakhömi.[10]

Famotokhi ba gahe[edit | edit source]

  1. HalZin 20:28
  2. Tit 1:6 b.t.; TimII 2:24
  3. MozIII 10:9 b.t.
  4. Kol 4:5
  5. HalZin 6:3 b.t.
  6. HalZin 24:16
  7. Faigi 5:9; 2:9
  8. Mat 25:21; 19:28; Luk 19:17–19
  9. Efes 2:19 b.t.; Heb 3:6
  10. Yoh 1:14; Kol 2:9; Rom 1:3–4; KorI 15:5–9; Efes 1:20 b.t.

Fabaliŵa lala[edit source]

Olayama Zura Timoteo I: 123456

Amabu'ulali Sibohou: MataioMarekoLukaYohaneHalöŵö ZinengeRomaKorindro IKorindro IIGalatiaEfesoFilifiKoloseTesalonika ITesalonika IITimoteo ITimoteo IITitoFilemoHeberaioYakoboFetero IFetero IIYohane IYohane IIYohane IIIYudaFama'ele'ö

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö