Wb/nia/Timoteo I/2

Add links
From Wikimedia Incubator
< Wb‎ | nia‎ | Timoteo I
Wb > nia > Timoteo I > 2

Famarou ba wangandrö[edit | edit source]

I. 1 Ba si föföna sibai, ba ufarou dödömi ba wangalulu ba ba wangandrö, ba ba wangandrö salahi nawö, ba ba wangandrö saoha gölö; mifarahugö niha fefu.[1] 2 Mifarahugö razo ba salaŵa, fefu, ena'ö ahono ita, ba ena'ö lö hadia ia, ena'ö a'oi so wolo'ö khö Lowalangi, awö wa'amoadu.

3 Da'ö zi sökhi, da'ö zomasi Lowalangi, sangorifi ya'ita, 4 somasi na ahori te'orifi niha, na dozi lasöndra wa'aboto ba dödöra zi duhu.[2] 5 Ha sa samösa Lowalangi, ba ha samösa zama'ema ba gotaluara Lowalangi niha, ya'ia niha andrö, Keriso Yesu,[3] 6 si no mame'e ya'ia, höli niha fefu, nifaduhu'ö ba ginötönia,[4]

7 Ba nifataro ya'o sangombakha ba sinenge — si duhu niŵa'ögu, tenga faya — samahaö niha baero, ba wamati ba ba zi duhu.[5]

Amuata ba gangowuloa migu[edit | edit source]

II. 8 Ba da'ö zomasido: mangandrö ndra matua, gofu heza so ira, lafazaŵa danga ni'amoni'ö, si lö fönu ba si lö fagua-guasa.[6] 9 Si manö göi ndra alawe, ndramangehao baru soadu, ba yafao wa'aila ba fa'amoadu; böi fondrandra bu ba mani-mani ba nukha sebua böli,[7] 10 hadia zi nangea ba ndra alawe sanguma'ö sangata'ufi Lowalangi ira; bua-bua si sökhi wangehaora.[8] 11 Ya'ahono-hono ndra alawe, wamahaö ya'ia, ya'a'oi so wolo'önia li.[9] 12 Lö utehe ba ndra alawe wamahaö niha bö'ö, ba he famatörö ira matua, yamuhonogö ia.[10] 13 Oföna sa tefazökhi Gadamo, awena Khawa.[11] 14 Ba tenga Adamo nifaelungu, ba ira alawe nifaelungu, isawö goroisa.[12] 15 Ba ni'orifi sa ia, ba wadono, na lö aefa khöra wamati ba fa'omasi ba fangohau-hau, awö wa'amoadu.[13]

Famotokhi ba gahe[edit | edit source]

  1. ↑ Fil 4:6
  2. ↑ Hes 18:23; FetII 3:9
  3. ↑ Yoh 17:3; Heb 9:15
  4. ↑ Tit 2:14; Mat 20:28
  5. ↑ TimII 1:11; Rom 9:1; 1:5
  6. ↑ KorI 14:34; Mar 11:25; Yak 1:6
  7. ↑ FetI 3:3–5
  8. ↑ Tit 2:3 b.t.
  9. ↑ KorI 14:34–35
  10. ↑ Efes 5:22; Kol 3:18; FetII 3:1 b.t.
  11. ↑ MozI 2:18 b.t.
  12. ↑ KorII 11:3; MozI 3:6
  13. ↑ Tit 2:4–5; KorI 7:25,26

Fabaliŵa lala[edit source]

Olayama Zura Timoteo I: 1 • 2 • 3 • 4 • 5 • 6

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Timoteo_I/2&oldid=6229837"