Wb/nia/Sinunö Sebua/4
I. Fa'asökhi nono alawe ni'amasi'ö andrö[edit | edit source]
1 Si sökhi sa ndra'ugö, ya'ugö ono alawe, si fahuwu khögu; si sökhi sa ndra'ugö: höröu, ba no hörö marafadi, moroi barö mbalu-balu andrö. Bumö andrö, ba no hulö zi sambawa nambi, si no mörö ba gahe hili Gileadi.[1]
2 Ifömö andrö, ba no hulö zi sambawa biri-biri, si bohou muguti bu, ba si möi miyaŵa moroi ba gamondria; si no dozi abeto si faero, ba zi lö si lö mo'ono, sambua lö'ö.
3 Bewemö andrö, ba no hulö zinali kirimisi, ba no omasiö mbawamö. Bo'ömö, ba no hulö zi tamba-tambai mbua dalimo, moroi barö mbalu-balu andrö khöu.
4 Bagimö, ba no si hulö malige andrö khö Dawido, nilau nahia wangöna. Hönö nisaitagö khönia dange, baluse zabölö andrö fefu.
5 Susumö andrö, ba no hulö zi dua rozi ono nago, ono nago si faero, sangalui göra ba zi so ladari mböhö.
6 Irege okafu zino, ba irege taya lumö, ba möido ba hili emuri ba ba hili-hili gumöyö.
7 Sageu ya'ugö, ba no si sökhi manö, ya'ugö ono alawe si fahuwu khögu, lö hadia ia zi sala, ba mbotou.[2]
8 Tabu moroi ba hili Libano, ya'ugö ono nihalö, tabu awögu moroi ba hili Libano! Faigi mitou, moroi ba zuzu Gamana, moroi ba zuzu Zeniri ba moroi ba zuzu Heremono, moroi ba nahia zingo, moroi ba hili harimo.
9 No taya gera-eragu öbe'e, ya'ugö akhigu ono alawe, ono nihalö; no taya gera-eragu öbe'e, me no öfaigido, si ha samuza, ba me no u'ila rate side-ide andrö, si ha sara, ba nayamö andrö ba mbagiu.
10 Ha lö ami wa'omasiu andrö, ya'ugö akhigu ono alawe, ono nihalö! No aröu tohude wa'omasiu andrö, moroi ba nagu, ba fa'amohua dalu-dalu andrö khöu, nigule'ö, moroi ba zamohua bö'ö fefu!
11 Ŵe ŵani zowöi ba mbeweu, ya'ugö ono nihalö, ŵe ŵani ba susu zi so ba lelamö, ba fa'amohua nukhamö, ba no timba wa'amohua ba hili Libano.[3]
II. Hulö kabu si sökhi sibai ia[edit | edit source]
12 Kabu si no mukusi bawa göli nakhigu ono alawe, ono nihalö, ba ba'a si no mukusi, ba umbu si no mufotandro.[4]
13 Lewiömö, ba no timba kabu dalimo, si so bua sami sibai, no timba mbowo khorema, awö narawasu,
14 ba narawasu ba kukuma ba daringu ba kuli mani ba hadia ia ngawalö döla gumöyö ba emuri ba göna farasi ba hadia ia ngawalö zamohua, fondrege zi sökhi.
15 Umbu ba kabu ndra'ugö, umbu soluaha ba elea so'ulu ba hili Libano.[5]
16 Faoso otarö, labu salata, törö kabu andrö khögu, ena'ö muzawili wa'amohua rembaremba andrö khönia. Ya möi ba kabunia zomasi ndra'o, ba yamu'a mbua geu andrö sami sibai.[6]
Famotokhi ba gahe[edit | edit source]
Fabaliŵa lala[edit source]
Olayama Sinunö Sebua: 1 • 2 • 3 • 4 • 5 • 6 • 7 • 8
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö